Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ҡауҙылы йорт бәхет саҡыра
— Конкурс өсөн генә тырышманыҡ инде, үҙебеҙ ҙә, ҡыҙҙарыбыҙ Альбина, Айһылыу, Альмира ла матурлыҡты яратабыҙ. Шуға ихатабыҙҙы ла күркәм итеп тоторға тырышабыҙ, — тине Боғдан ауылынан Рәзинә менән Розат Сәфәрғәлиевтәр. Улар ауылда — беренсе, районда өсөнсө урынды алған.

Был йорт тыштан уҡ матурлығы менән ҡаршы ала. Һәр ауыл өйөнөң ҡапҡа төбөндә эскәмйә ҡуйылыуына күнегеп бөткәнбеҙ. Ә Сәфәрғәлиевтәр шул эскәмйәне лә үҙенсәлекле итеп эшләп ҡуйған. Ул арба тәгәрмәстәренә беркетелгән һәм бәүелеп тора. Өй алдындағы баҡсала ҡауҙылар “оялаған”. “Бәпес алып килә” торған был ҡоштар үҙҙәре лә парлы, хужаларға ла бәпес һөйөү ҡыуанысы бүләк иткән. Өфөлә 21-се дауаханала шәфҡәт туташы булып эшләгән ҡыҙҙары Альбинаның бәпәйе тыуған. Инде уртансылары Айһылыу ҙа ғаилә тормошон башлау алдында тора. Иншаллаһ, киләсәктә Айһылыуҙың да, бәләкәстәре Альмираның да бәпес һөйгәнен күрергә яҙһын буласаҡ өләсәй менән олатайға.
Рәзинә менән Розаттарҙың баҡса ере бик ҙур түгел. Шулай булһа ла, унда барыһын да һыйҙырырға тырышҡандар. Теплицаларында помидор, ҡыярҙары ишелеп уңған. Кәртә аръяғында картуф үҫә, ҡабаҡтары ла күтәргеһеҙ булып ҙурайған.
Баҡсалары үҙе бер ихата кеүек: ҡайын ағастары менән кәртә тотолған, күл эшләп ҡуйылған, унда томбойоҡ сәскәһе моңая, аҡҡоштар йөҙә. Уйынсыҡ ҡына булһа ла, ысын кеүек. Беседкала ял итеп алырға мөмкин. Рәзинә ҡышҡылыҡҡа төрлө салаттар әҙерләгән, помидор, ҡыярын тоҙлаған.
Хужаларҙың фантазияһына иҫ китерлек. Теплицаның өҫтөнә ҡояш, болоттар төшөрөлгән, стеналарына сәскәләр яһалған. Хатта ҡул йыуғыстары ла кеше ҡиәфәтендә йылмайып тора.
Өс ботаҡлы ҡайын төпһәһенең өҫтөндәге алһыу суйында ваҡ ҡына зәңгәр сәскәләр үҫеп ултыра.
— Был суйын көршәк — ҡәйнәмдән ҡалған иҫтәлек. Мин килен булып төшкәндә бар ине ул. Күпме тәмле аштар беште, бергә-бергә һыйланған саҡтарыбыҙ, татыу ғүмер итеүебеҙ әле лә иҫтә. Иртән тороп баҡсаға сыҡҡан һайын ҡәйнәмде күргәндәй булам. Ул да беҙгә сәләм биреп торғандай, — ти Рәзинә.
Ул бәхетле ваҡыттарға күпме йылдар үткән. Инде өлкән ҡыҙҙарына ла 27 йәш бит инде. Ә барыһы ла бөгөнгөләй хәтерҙә. Мәктәпте тамамлағас та кейәүгә сыға ул Розатҡа. “Йәнекәйем” тип кенә өндәшә ул иренә әле лә. Рәзинә — почтальон, Розат мал ҡараусы булып эшләй. Сәфәрғәлиевтәр ҡул ҡаушырып ултыра торғандарҙан түгел, шуға ла донъялары етеш, матур.
Ҡыш булһа, Розат баяғы ҡапҡа төбөндәге эскәмйәгә Ҡыш бабай менән Ҡарһылыуҙы ултыртып ҡуя. Йәнәһе, улар егелгән атта өлкәндәрҙе лә, балаларҙы ла Яңы йыл менән ҡотларға ашҡынып елдереп китеп бара. Атты ла, Ҡыш бабай менән Ҡарһылыуҙы ла ҡарҙан яһап ҡуйыр өсөн ниндәй фантазия һәм оҫталыҡ кәрәклеген аңлауы ҡыйын түгел. Ҡыш бабайлы, Ҡарһылыулы, ҡауҙылы йорт үҙенә һәр ваҡыт бәхет саҡырып тора.

Балтас районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Тәҙрә төбөм "гөл" генә!

Тәҙрә төбөм "гөл" генә! 31.03.2019 // Баҡса

Беҙҙең һауа шарттарында йылылыҡ яратҡан культураларҙың үрсетмәһен йыш ҡына тәҙрә төбөндә үҫтерәләр....

Тотош уҡырға 1 010

"Үҫенте" кәңәш бирә

"Үҫенте" кәңәш бирә 21.03.2019 // Баҡса

Баҡса үҫтерергә яратҡандар өсөн яңы миҙгел яҡынлаша. Улар орлоҡтар һайлай, үҫентеләр ултырта,...

Тотош уҡырға 463

Сәсеү өсөн орлоҡ һайлау серҙәре

Сәсеү өсөн орлоҡ һайлау серҙәре 15.03.2019 // Баҡса

Баҡсала мул уңыш үҫтереү иң тәү сиратта дөрөҫ һай­лан­ған орлоҡҡа бәйле. Юҡҡа ғына хал­ҡы­быҙ “Ни...

Тотош уҡырға 394

Көҙгө байлыҡ өҫтәлдәрҙә

Көҙгө байлыҡ өҫтәлдәрҙә 16.10.2018 // Баҡса

Ғәжәйеп ризыҡ Йәшел помидорҙы йыуып, мейестә йомшарғансы бешереп алырға ла ит турағыс аша...

Тотош уҡырға 441

Ағас ботағы айырылһа…

Ағас ботағы айырылһа… 16.10.2018 // Баҡса

Һеҙ быйыл мул уңыш йыйҙығыҙ. Ҡыҙғанысҡа ҡаршы, алмағасығыҙҙың кәрәкле бер ботағы айырылып төшкән....

Тотош уҡырға 429

Сылтыр-сылтыр “йылға” аға

Сылтыр-сылтыр “йылға” аға 16.10.2018 // Баҡса

Баҡса ул йәшелсә, емеш үҫтереү урыны ғына түгел, унда ял итеү өсөн дә уңайлы шарттар булдырылырға...

Тотош уҡырға 427

Көҙгө тәрбиәнең әһәмиәте ҙур

Көҙгө тәрбиәнең әһәмиәте ҙур 16.10.2018 // Баҡса

Уңыштар йыйып алынып, һалҡын көндәр ныҡлап башланғансы баҡсасылар өсөн айырым осор һанала. Яңы...

Тотош уҡырға 485

Белеп ултыртһаң — отолмаҫһың

Белеп ултыртһаң — отолмаҫһың 16.10.2018 // Баҡса

Тәбиғәт шарттарына ҡарап, элегерәк көньяҡ халыҡтары Башҡортостанды “йәшел помидорҙар иле” тип...

Тотош уҡырға 444

Үҙ баҡсаңдыҡын һайла!

Үҙ баҡсаңдыҡын һайла! 26.09.2018 // Баҡса

Түбәнге Яйыҡбай – Һаҡмар йылғаһына һыйынып ҡына ултырған, әллә ни ҙур булмаған ауылдарҙан. Мәгәр...

Тотош уҡырға 525

Лимондар ҡайҙа үҫә?

Лимондар ҡайҙа үҫә? 25.09.2018 // Баҡса

Республикабыҙҙың ғорурлығы ул Өфөләге лимонарий. Уңған ғалим-биолог Фәриҙә Садиҡова тырышлығы менән...

Тотош уҡырға 406

Ҙур ҙа түгел, уңайлы ла

Ҙур ҙа түгел, уңайлы ла 18.09.2018 // Баҡса

Күптәр “Йорт-ҡура” битендә өй, мал һарайы төҙөү, башҡа эштәр тураһында баҫыуҙы һорап яҙа. Әлбиттә,...

Тотош уҡырға 412

Уңышты нисек һаҡларға?

Уңышты нисек һаҡларға? 18.09.2018 // Баҡса

Сөгөлдөр һәйбәт һаҡланһын өсөн һабағын ҡул менән бороп өҙмәгеҙ, ә төбөн 1-1,5 сантиметр оҙонлоғонда...

Тотош уҡырға 472