Уңыш та мул булыр, ҡоротҡостарға ла бирешмәҫ 03.05.2026 // Баҡса
Йыл һайын төрлө сорт бәрәңге үҫтергән, әҙ генә ерҙән дә мул уңыш алыуға өлгәшкән оҫта баҡсасы ......

Баҡсанан аҙ уңыш алғанда нимә эшләргә?
Балан, энәлек, мышар, гөлйемеш, һырғанаҡ, миләш йыйырға ваҡыт бар әле.
Әбейҙәр сыуағы баҡса эштәрен тамамлап ҡуйырға мөмкинлек бирә. Ҡар яуғансы ағас һәм ҡыуаҡтарҙы ҡышҡылыҡҡа әҙерләргә була. Тәжрибәле баҡсасылар ағас олондары тирәһен ҡаҙып, һәйбәт итеп һыу һибергә кәңәш итә. Был ағасҡа сатлама һыуыҡтарҙы һәйбәт үткәрергә ярҙам итә. Олондан 10 сантиметр ара ҡалдырып, мульча йәйергә кәрәк. Тик был ысулды ҡулланғанда, сысҡандарҙан һәм башҡа кимереүселәрҙән олондо һаҡларға онотмағыҙ. Ҡороған ботаҡтарҙы киҫеп алырға мәл етте.
“Тап ошо мәлдә “хаталар өҫтөндә эш” үткәрәм. Ҡайһы сорт үҙен нисек күрһәтте, ниндәй уңыш бирҙе? Ниндәй хатам мул уңыш алырға мөмкинлек бирмәне? Ҡайһы ҡыуаҡ йә ағас менән хушлашырға кәрәк? Ошо һорауҙарға яуап биреп, баҡсағыҙҙы аҙ уңыш биргән үҫентеләрҙән таҙалағыҙ”, - тип кәңәш бирә оҫта баҡсасы Тәнзилә Ғарипова.
Октябрҙә көндәр һыуыта башлағас, еләклектәрҙе, виноградты ябырға кәрәк. Тик барлыҡ эштәрҙе лә ямғырҙарҙан алда атҡарып ҡуйығыҙ, сөнки ямғыр эләкһә, олондар боҙолоп китеүе ихтимал. Ҡоро япраҡ, бәрхәт гөлдәре, әрем, бөтнөк, һуған һәм һарымһаҡ ҡабығын аралаштырып һалһағыҙ, кимереүселәр килмәҫ.
Әҙер түтәлдәргә сидераттар сәсергә ваҡыт: арыш, гәрсис, һоло бының өсөн иң ҡулайлы культуралар. Әле кишер, һуған, укроп, салаттар, сөгөлдөр сәсеп ҡалдырһаң, яҙғылыҡҡа эш аҙыраҡ ҡала!
Беҙҙең тәбиғәт шарттарына яраҡлашҡан сәскәләр йоҡоға тала башлаһа, йылы яҡтан килгәндәре шау сәскәгә күмелә. Хризантема, георгин, гортензия, рудбекия, бәрхәт гөлдәре ҡырау төшкәнсе күҙҙең яуын алып ултыра. Шулай ҙа уларҙы ҡышҡа әҙерләргә кәрәк. Һуғанлы сәскәләрҙе күсереп ултыртығыҙ. Улар һарымһаҡ менән бер ваҡытта сәселә.
Тәүге ҡаты ҡырауҙан һуң георгиндарҙы ҡаҙып алырға ваҡыт. Тышта һыуытһа, раузаларҙы тәрбиәләп ҡуйығыҙ. Рауза ҡыуаҡтарын киҫергә, үрмәләп үҫкәндәрен төшөрөп, таҡталар менән ябырға кәрәк. Клематистарҙы киҫергә, ә бына гортензияларҙы ергә эйеп, таҡта һәм махсус материал менән ябырға кәрәк.
Һеҙҙең баҡса ҡышҡа әҙерме? Тағы ниндәй кәңәштәрегеҙ йә һорауҙарығыҙ бар?
Айрат Нурмөхәмәтов фотолары.


Уңыш та мул булыр, ҡоротҡостарға ла бирешмәҫ 03.05.2026 // Баҡса
Йыл һайын төрлө сорт бәрәңге үҫтергән, әҙ генә ерҙән дә мул уңыш алыуға өлгәшкән оҫта баҡсасы ......
Картуф үҫтерәм тип көрәктәрен һындырып бөткәс... 28.04.2026 // Баҡса
Йә ер ҡаты, йә һыулы... Таулы яҡтарҙа яҡшы уңыш алып булмай. Әммә балсыҡлы йә, киреһенсә, һаҙлыҡлы ......
Ҡурай еләге эре булһын тиһәгеҙ... 28.04.2026 // Баҡса
Бының өсөн апрелдә нимә эшләргә кәрәк?.. Май айында нимә эшләргә?.....
Мин баҡсала ағыу ҡулланмайым, ти, Татьяна 25.04.2026 // Баҡса
Ҡасандыр телевидение аша бер фермер ҡатын тураһында тапшырыу ҡарағайным. Ул йәшелсәләрҙе, емештәрҙе ......
Гортензияны бик иртә асмағыҙ 24.04.2026 // Баҡса
Улар йәй буйы сәскә атып ултырһын өсөн эште яҙҙан уҡ башлағыҙ...
Тәүге ҡуҙғалаҡтар күренә башланы 21.04.2026 // Баҡса
Был йәшел тәмләткес колит, ашҡаҙан-эсәк юлы ауырыуҙарын, геморройҙы дауалауҙа ҡулланыла, ......
Ҡарағат япрағының иң тәмле, шифалы сағы 19.04.2026 // Баҡса
Ҡыуаҡҡа һәм буласаҡ уңышҡа зыян килтермәйенсә, ыуыҙ ғына япраҡтарҙы нисек дөрөҫ йыйырға?...
Ҡыҙыл картуфтың иң яҡшы сорттары 17.04.2026 // Баҡса
Һуңғы ваҡытта баҡсасылар ҡыҙыл сорттарға күберәк өҫтәнлек бирә. Һәм был осраҡлы түгел. Һайлайбыҙ!...
Баҡса юлдарын төҙөкләндереүгә 150 миллион һум бүленә 14.04.2026 // Баҡса
Эштәр 17,5 саҡрым оҙонлоҡтағы 14 юлда башланасаҡ. Өфө һәм Нефтекаманан тыш, Иглин, Ҡырмыҫҡалы, ......
Теплицалағы ҡоротҡостарҙан нисек ҡотолорға? 13.04.2026 // Баҡса
Баҡса миҙгеле етте. Ә һеҙ теплицаны яҙғы миҙгелгә нисек әҙерләйһегеҙ?...
Сода баҡсала ҙур ярҙамсы була ала 13.04.2026 // Баҡса
Әлеге ҡатнашма бөтә емеш ағастары өсөн файҙалы, уларҙы япраҡ ашаусы ҡарышлауыҡтарҙан һаҡлаясаҡ. Ә ......