Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Сайҡалды февраль күге...

Мин белә-белгәндән ул – шағирә. Донъяны сәнғәт аша таныу, ғөмүмән, был тормошҡа сәнғәтсә ҡарап йәшәүе еңелме икән? Әйтеүе ауыр, әммә берәү ҙә был ғүмер юлы еңел йәки ауыр буласаҡ, тип әйтмәгән беҙгә. Һәр кем үҙ күрәсәген үҙе күрә, үҙенең ғүмер юлынан үҙе атлай, алдына килгән һынауҙарҙы үҙе күтәрә. Ә тормошто яратмаҫлыҡ түгел: Айгөл Йәмилева быны шиғырҙарында ла раҫлай. Асылмаҫлыҡ бер сер ҡалмаған ошо донъя яуған ҡары менән дә, яҙҙың тәүге тамсыһы менән дә, көҙҙөң һалҡын тыны менән дә, йәйҙең томралары менән әсир итә уны. Ул шиғыр менән тын ала.

Был донъяла барыһы ла үтә, бары тик оло һөйөү генә ҡала. Беҙ бөтәбеҙ ҙә ана шул мөхәббәт аҫтында үҙебеҙҙе асып, ҡанаттарыбыҙҙы нығытып, осорға, талпынырға, ҡаяларға бәрелеп ҡолаған саҡтарҙа ла яңынан аяҡҡа баҫып китергә тырышабыҙ. Мин белмәйем бәхет рецебын, мин белмәйем мөхәббәт серен, әммә бары тик миһырбан, мәрхәмәт, тәрән кисереү генә беҙҙе кеше итеп алып ҡалғанын таныйым ошо йәшемдә.

Йылдар үткәс, башҡаса уйлауым да ихтимал. Айгөлдөң яҙғандарында ла ана шул тәрән сөңгөлдәрҙәге һыҙланыуҙы, шулар аша асҡан яҡты хистәрҙе күрәм. Ҡай саҡ хатта үҙенең яҙмышының аяуһыҙ режиссеры ла үҙе булып киткән кеүек. Шиғырҙары, кисерештәре аша һис ҡурҡмай оло һынауҙарға атлай төҫлө. Әммә ошо шиғриәт үк уны тағы яраларын ямай, көслө итә, аяҡҡа баҫтыра!

Лариса АБДУЛЛИНА


Егерме биште ҡаршылағанда

Сайҡалды ла күк...
Урынында ҡалды.
Түңкәрелмәне, баҫманы иңдәрҙе.
Белә, ахыры,
Ҡанаттарым нығып,
Киңлектәрен йәнә иңләрҙе.

Бүләк итеп, ана,
Теге ҡыштағылай
Таңдан һибә
Ергә ҡарҙарын.
Улары ла ирер,
Йөрәк баҡсаһында
Морон төртһә
Йәшел яҙҙары.

Баҫып торам әле,
Оҙон юлдан
Талған аяҡтарҙы ышаныслы терәп.
Ғүмер поезының ашҡынғаны...
Йәшәп ҡал, ти,
Өлгөр йәһәтерәк!

Әсеһе лә, сөсөһө лә берҙәй
Тын юлына бата
Һөрөм булып.
Йөрәк ҡырҡ ямауға
Ҡалғандыр ул,
Алып ҡарағанда
Күкрәгемдән һурып.

Ябалаҡлап талпына
Февраль ҡары.
Әллә һинән сәләм еткерә?..
Араларҙа буран бурап һалған
Мәңгелеккә ҡалған көрт кенә...

Һығылып төшөрҙәй сағым була.
Тик арҡа төҙ.
Бар һағышым төпкә йәшенә.
Сирек быуат йәшәлгән
Ғүмер юлын
Ваҡыт ҡына, уҫал шаяртҡандай,
Сал бәҫ итеп ҡаплай сәсемә.

Сайҡалды ла февраль күге...
Урынында ҡалды.
Алда – юлдар.
Икһеҙ-сикһеҙ юлдар.
Их кенә!..
Юғалтыуҙар аша
Миңә Өмөт баға.
Аҡ ҡар булып ята иңемә.

Йәш журналист һүҙе

Тормош үҙе аңҡый төҫлө
Яңы сыҡҡан гәзит битенән.
Ул ваҡыттан етеҙерәк елә,
Ул йәнәшә бара ил менән.

Унда милләт көсө,
Халыҡ рухы.
Туған телдең гәзит – һаҡсыһы.
Донъялағы мөһим шул хеҙмәттең
Ниндәй шатлыҡ,
Мин бер тамсыһы!..

Тамсы әүерелер ҙә даръяға
Тулҡындары
Ғәҙел һүҙ һөйләр.
Хәҡиҡәттең һаҡсыһы булғанға
Кескәй саҡтан яҡын был һөнәр.

Атайһыҙҙар

Аталы бала – арҡалы бала.

Уларҙың бит
донъялары теүәл,
ҡараштары ғәмһеҙ.
Ҡайғыһыҙҙар.
Беҙҙең күҙҙәр моңһоу.
Беҙ баҫалҡы.
Яҙмыш беҙҙе ҡаҡҡан.
Атайһыҙҙар.

Уларҙы бит майҙа йөҙҙөрәләр,
Күңелдәре көр.
Кисермәгән
Дауыл, ел-ямғырҙар.
Беҙҙең йөрәк мең туҡтап
кире типкән.
Әсе һағышлы беҙ – атайһыҙҙар.

Йылдар үтә.
Әрнеү генә тере.
Уны күрәм
көн дә
Әсәй
Күҙендә.
Әсе шауҡымына
Түҙә алмай
һығылып төшәм
Ҡай саҡ үҙем дә.

“Атайыңды күмгәс,
Баҡсабыҙҙа
Эй һайраны өҙөлөп һандуғас”,
Тине күҙ йәштәре менән
әсәй,
вафатына
16 йыл уҙғас.

“Әллә үҙеме, әруахымы, тиеп
йыуандым да.
ҡыйын ине бит шундай.
Түҙгеһеҙ”.
Өндәшмәнем.
Башым баҫтым.
Йәшем йоттом.
Ҡалдым әрнеү менән
Күҙгә-күҙ.

... Был бит үтмәҫ яман шеш,
Ауырыу төҫлө.
Йылдар ағыр.
Ә ул мәңге һыҙлар.
Беҙ үҙ йәшебеҙҙән
күпкә оло,
күпкә көслө.
Яҙмыш баҫҡан мөһөр –
Атайһыҙҙар.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 183

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 413

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 259

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 253

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 143

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 231

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 194

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 201

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 259

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 191

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 380