Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Барыһын да халҡымдан алдым...

Алабута

Ҡый үләне — алабута
Һис кенә лә оялмай.
Ҡыяр үҫеп торған ергә
Гел килә лә оялай.

Утайым, ерен йомшартам,
Һыу һибәм ҡыяр өсөн.
Алабута килеп сыға,
Кәпәйтеп, ана, эсен.

Әйтерһең дә, был ояға
Ҡыяр түгел, ул хужа.
Шуға, имеш, бөтә хөрмәт
Булырға тейеш уға.

Оятһыҙ кешеләр була.
Улар ҙа — алабута.
Һиңә тигән һый-хөрмәтте
Үҙенә алып бөтә.

Минең ҡояшым бүтән

Һинән нур алам. Нурыңдан
Яҡтыра бөтә донъям.
Төн дә, ҡыш та булмаҫ ине,
Әгәр һин Ҡояш булһаң.

Минең өсөн гел көн, гел яҙ —
Минең Ҡояшым бүтән.
Ул ҡалҡмай ҙа батмай, уны
Ҡапламай болот күктә.

Орбитаһы ла ҙур түгел,
Орбитаһы — бер ҡосаҡ.
Ҡосаҡлаһа, дөрләй башлай.
Йөрәгемдәге усаҡ.

Шул усаҡтан төн юғала,
Ҡарҙар ирей — ҡыш бөтә.
Минең өсөн гел көн, гел яҙ —
Минең Ҡояшым бүтән.

Һунарсы

Шөһрәт эҙләп, әллә инде,
Һин аҡылдан яҙғанһың.
Кешенекенән күсереп,
Тағы китап яҙғанһың.

Есеме бар. Исем бүтән,
Айырмаһы — тышында.
...Ҡуяндар ҙа алмаштыра
Тунын йәйен, ҡышын да.

Ҡуян-китаптар үрсетеп
Үтте инде ғүмерең.
Браконьер-һунарсыларҙың
Һин яратҡан кумиры.

Сәй

Өнөмдә түгел, төшөмдә
Рәхәтерәк йәшәйем.
Бөгөн төштә һөтләп миңә
Сәй яһаны әсәйем.
Ләззәтләнеп, тел сылатып,
Яйлап ҡына эсәмен.

Төшөм бөттө. Ожмахына
Ҡайтып китте әсәйем.
Әсәйемдең һөйөүенә
Һыуһаһам, сәй эсәмен.
Сәй эскәндә миңә ҡарап
Тора һымаҡ әсәйем.

Күҙ йәштәре

Шиғырымды уҡып илағанһың...
Илап яҙған шиғыр илата.
Шиғырымда беҙҙең йөрәктәрҙе
Тоташтыра торған юл ята.

Шул юл буйлап һинең менән икәү,
Бер-беребеҙ менән ярышып,
Йүгерәбеҙ ҡартайғансы һаман
Һин — миңә, ә мин һиңә ҡаршы.

Ҡаршы барыу, ҡаршылыҡтар ярыу
Яҡынайтмай беҙҙең араны.
Бар донъяға шуға шиғырымда
Күҙ йәштәре аша ҡараным.

Ҡасыу

Бер туҡтамай, ана, йылға
Аға ла аға.
Тулҡындарын ҡанат итеп
Ярына ҡаға.

Тауҙар, таштар, ҡомдар йырып,
Ынтыла алға.
Уйламай ҙа бит әле ул
Туҡтарға ялға.

— Ҡайҙа йүгерәһең, йылға,
Арымай-талмай?
Яуап юҡ. Яңғыҙ йөрәгем
Шулай ҙа аңлай.

Ҙур йылғаға ҡушылырға
Ашыға бит ул.
Яңғыҙлыҡтан ныҡ ябыға —
Һайыға бит ул.

Ярһып, тулап саба йылға,
Өҫтөндә күбек.
Яңғыҙлыҡтан ҡаса бит ул,
Хас минең кеүек.

Исемеңдең хәрефтәре —
Әйтерһең дә, ноталар.
Күңелдәге моң-хистәрҙе
Йоҡонан уяталар.

Үҙем дә йоҡоһоҙ хәҙер,
Көн-төн тимәй моңланам.
Исемдәрең — моң шишмәһе.
Шул шишмәнән моң алам.

Исемеңә моңдо ҡушып,
Бер һүҙҙән йыр яһайым.
Иҫкермәй, яңыра ғына
Ул йыр йырлаған һайын.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 179

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 409

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 256

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 249

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 140

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 228

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 190

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 198

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 256

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 187

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 377