Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Балаларҙан балаларға бүләк
Республикабыҙҙың 100 йыллыҡ юбилейы йылында балалар өсөн “Балалар – балаларға: йөрәктәребеҙ моңо” тигән яңы хәйриә проекты башланды. Проект картаһындағы тәүге ҡала – Благовещен. Бында ҙур музыкаль десант килеп төштө: тәүге концерттар ҡаланың сәнғәт мәк­тәбендә һәм Үҙәк ра­йон дауаханаһында булды.

Сараны ойоштороусы – Владимир Спиваковтың Баш­ҡортостан­дағы йәштәрҙең һәлә­тен һәм һөнәри оҫта­лығын үҫтереүгә булышлыҡ итеү хәйриә фонды.

– Проекттың идеяһы шундай: йыл буйы йәш музыканттар республика балалар йорттарында һәм дауаханаларында, мәҙәниәт һарайҙарында һәм концерт залдарында сығыш яһаясаҡ, ә билдәле педагогтар оҫталыҡ дәрестәрен бирәсәк, – тине фонд директоры, Башҡортостандың атҡаҙанған артисы Артур Нәзиуллин. – Ул ауыр тормош хәлендә ҡалған балаларға, инвалидтарға, етемдәргә, шулай уҡ музыка һәм һынлы сәнғәт менән шөғөлләнгән йәш быуынға ярҙам ҡулы һуҙыуға, республика ҡала-райондарында ижад өсөн уңайлы мөхит булдырыуға йүнәлтелгән.
Благовещендағы концерт­тарҙа туғыҙ һәләтле бала һәм дүрт уҡытыусы – республика, Бөтә Рәсәй, халыҡ-ара кон­курс­тар лауреаттары ҡатнаш­ты.

Балалар – Урта махсус музыка колледжы, Өфө балалар сәнғәт мәктәбе һәм Өфө сәнғәт училищеһы уҡыусы­лары. Виолончелдә уйнаусылар Нелли Петровская һәм Яна Штин, пианист Анна Вәлиева, скрипкасылар Карина Ғилманова һәм Валерия Самыкина, флейтасы Александр Зайцев, вокалсылар Лилиә Гәрәева менән Иштуған Сәйет­ҡолов, думбырасы Самира Заһиҙуллина. Уларҙың өсәүһе – Спиваков фонды стипендиаттары.

Балалар Й. Гайдн, Ф.Э. Бах, Н. Паганини, А. Гурилев, П.Чай­ковский, Э. Шнайдер, Д. Шостакович, А. Бабаджанян, Р. Хәсәнов әҫәрҙәрен уйнай.
Һөнәри оҫталыҡ дәрестә­рен­дә әллә нисә быуын йон­доҙҙар үҫтергән билдәле Өфө педагогтары балалар менән тәжрибә уртаҡла­шасаҡ. Улар – Заһир Исмәғилев исемендәге Өфө дәүләт сәнғәт институтынан Гөлнара Нәзиуллина (альт) менән Лидия Фоменко (флейта), М. Аҡмулла исе­мендәге Башҡорт дәүләт педагогия университетынан һәм Урта махсус музыка колледжынан Валентина Старикова (фортепиано), Өфө сәнғәт училищеһынан Наилә Йосопова (вокал сәнғәте).

Февралдә концерттар һәм оҫта­лыҡ дәрестәре Бөрө, Стәрлетамаҡ, Салауат һәм Ишембай ҡалала­рында уҙа. Бер йылда проектта ҡат­на­шыусылар Башҡортостандың 20-нән ашыу ҡала һәм райо­нында, шулай уҡ Силәбе өл­кәһенең Магнитогорск, Татарс­тандың Әлмәт ҡалаларында сығыш яһарға йыйына. Проект Өфөлә сағыу гала-концерт менән тамамлана.

Барлыҡ сараларҙа ҡатна­шыу ҙа, уларҙы ҡарау ҙа бушлай. “Балалар – балаларға: йөрәктәребеҙ моңо” проекты Рәсәй Президенты Грантына тормошҡа ашырыла.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 179

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 404

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 255

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 249

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 140

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 228

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 189

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 196

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 256

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 187

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 377