Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Нәшриәттә – “Иҙел ҡыҙы”
Башҡортостан “Китап” нәшриәтендә яҙыусы, педагог һәм журналист Земфира Аҡбутинаның “Иҙел ҡыҙы” исемле балалар өсөн өр-яңы китабы донъя күрҙе.

“Бер теләгемде
Тыя алманым.
Сыйырсыҡ өсөн
Оя яһаным!
Тик сыйырсығым
Оҙаҡ көттөрә.
Бер ҙә ашыҡмай
Килеп етергә”
тигән шиғыр юлдары менән башлана ул. Йыйынтыҡ дүрт бүлектән тороп, тәүгеһе “Балалар баҡса­һынан – мәктәпкә” тип атала. Бында мәктәпкәсә йәштәге балалар өсөн яҙылған шиғырҙары урын ала. Бәләкәс дуҫтарын ул “хә­рефтәр иле”нә алып инә, уларҙың иҫендә яҡшы ҡалырлыҡ һәр хәрефкә шиғыр юлдарын арнай. Шуныһы отошло: яҙыусы башҡорт теленең алфавитында сағылыш тапмаған “В (Уы)” хәрефенә лә урын бирә шиғырҙарында:
Ваҡ-төйәк менән булашып,
Вәли ваҡыт туҙҙыра.
Ватанға хеҙмәт итәм, тип
Вәкил спортта уҙҙыра!

Мәктәп йәшендәгеләрҙе Земфира Аҡбутина “Уҡытыусыма”, “Сығарылыш уҡыусыһына”, “Бү­ләк” һәм башҡа бик күп шиғыр­ҙары менән һөйөндөрә. Авторҙың һәр шиғыры оло ихласлыҡ, күтәренке кәйеф, тәрбиәүи алымдар менән яҙылған, тел байлығы ла бик үҙенсәлекле. Ритм-рифманы отошло, дөрөҫ, урынлы ҡуллана белгәнгәлер, яҙғандары хәтерҙә тиҙ ҡала һәм тиҙ өйрәнелә:
Балаларҙы эй көттөрөп,
Ергә Яңы йыл килә!
Ҡыш бабайҙы яһайым, тип
Һүрәтен эҙләй Зилә. (“Кескәй гәзит”).

Бәләкәстәрҙең күңелен үҫте­реүгә, йәшәйеш мәсьәләләрен аңлатыуға ҡоролған шиғырҙарҙы уҡыусылар төрлө сараларҙа, дәрестә ҡуллана ала.
Автор төрлө жанрлы һәм төрлө тематикаға ҡараған әҫәрҙәрҙе үҙ итә. Шуға күрә лә йыйынтыҡтың өсөнсө, дүртенсе бүлектәре тәүге икеһенән айырыла. Автор уларҙа балаларҙан ишеткән ҡыҙыҡлы хәбәрҙәрҙе хикмәтле хикәйәләр итеп тасуирлай, әкиәт итеп яҙа. Һуңғы бүлек иһә “Иҙел ҡыҙы” тип аталған автобиографик повесты эсенә ала. Ул 22 хикәйәнән тора, һәр береһенә исем бирелә. Әҫәр Әлфирә исемле ҡыҙ исеменән һөйләнелә. Биш йәшлек баланың оло тормош юлына баҫҡан мәл­дәрен, үҫмер саҡтарын яҙыусы ҡыҙыҡлы, мауыҡтырғыс итеп һүрәтләй.

Дөйөмләштереп алғанда, Земфира Аҡбутина яңы китабы менән кесе йәштәге уҡыусыларының күңелен арбап, уларҙың йөрәгенә онотолмаҫ юл ярҙы. Уның “Китап” нәшриәтендә “Нур усағы” йыйын­тығында донъя күргән “Ҡая сәс­кәһе” (2001) исемле шиғырҙар шәлкеме һәм “Атай кеүек булам мин” (2005) тигән айырым китаптары ла маҡтауға лайыҡ.

Сағыу һүрәттәр менән биҙәлгән баҫманы нәшриәттең фирма магазинынан йәки сайты аша (http://www.kitap-ufa.ru) һатып алырға була.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 328

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 764

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 390

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 501

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 338

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 346

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 323

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 338

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 506

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 355

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 499