Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йөҙ йыллыҡҡа ла күп ҡалманы
Йөҙ йыллыҡҡа ла күп ҡалманыГәзит һәр осорҙа ла заман менән бергә атлай. Октябрь революцияһынан һуң төбәктә бер-бер артлы район гәзиттәре барлыҡҡа килә башлауы ошо хаҡта һөйләй. Матбуғат хәл иткес мөһим ваҡиғаларҙы яҡтыртҡан сараға әйләнә. Тимер рудаһына бай булған һәм заводтар урынлашҡан, һәр сәйәси ағым өсөн стратегик яҡтан мөһим булған Иҙел башында ла синыфтар көрәшенең төп ҡоралы – матбуғат баҫмаһы барлыҡҡа килә. Шулай итеп, Башҡортостан автономиялы республикаһын төҙөү, яңы ҡоролош өсөн янып йөрөгән халҡыбыҙҙың мәнфәғәтен яҡтыртҡан төп пропаганда ҡоралы – “Южно-Уральский рабочий” гәзитенең тәүге һаны 1922 йылда сыға. Ваҡыт үтеү менән, заман талабына ярашлы, баҫманың исемдәре лә үҙгәреп тора. Район тарихын аҡҡа теркәгән ошо “Урал” гәзите 95 йыллыҡ юбилейын билдәләне.


Шул айҡанлы Белорет ҡалаһының Яныбай Хамматов исемендәге башҡорт гимназия­һында тантаналы сара үтте. Район баҫмаһын олпат байрамы менән тәбрикләп, район хакимиәте башлығының беренсе урынбаҫары, ҡала-район баш­ҡорт­тары ҡоролтайы башҡарма комитеты рәйесе Илгиз Теләүбаев, “Башҡортостан Республикаһы” дәүләт унитар предприя­тиеһының филиалы – Белорет мәғлүмәт үҙәге директоры Гөлнара Мөхәмәтғәлина, ҡала-район ҡатын-ҡыҙҙар советы рәйесе Зәлифә Әғләмова, Яныбай Хамматов исемендәге башҡорт гимназияһы директоры, район-ҡала башҡорттары ҡоролтайы башҡарма комитеты рәйесе урынбаҫары Зөлфиә Ғәлийәнова, Рәсәй почтаһының Белорет почтамты начальнигы урынба­ҫары Вәлимә Гарданова сығыш яһаны.
Сарала гәзит хеҙмәткәрҙәренә – Башҡортостан Журналистар союзының, район Советының Почет грамоталары тапшырылды. Кисәлә йыл башында иғлан ителгән “Урал” – шәп гәзит!”, “Урал”ды иң күп таратҡан почтальон” конкурстары, “Бөтә мәктәп менән – “Урал”ға”, “Бәхетле авто”, “Аҙна бүләге ” конкурстарына йомғаҡ яһалды, еңеүселәр бүләкләнде.
Бай тарихлы “Урал” гәзите – республика матбуғатында танылыу алған яҙыусылар­ҙы, журналистарҙы тәрбиәләгән баҫма. Мә­ҫәлән, Яныбай Хамматов, Тайфур Сәғи­тов, Зөлфәр Хисмәтуллин, Гүзәл Ситди­ҡова, Әхмәҙин Әфтәх, Зәки Әлибаев, Дамир Шәрәфетдинов, Рәсүл Сәғитов, Фәриха Вәлиуллина, Рәмилә Мусина кеүек яҙыусылар, журналистар нәҡ “Урал”да тәү башлап ҡәләмдәрен үткерләгән.
“Урал” – халыҡ гәзите, ошо йүнәлештән бер саҡта ла тайпылғаны юҡ. Шуға ла уҡыу­сылар баҫмаға яҙылып ҡына ҡалмай, үҙҙәре лә әүҙем хеҙмәттәшлек итә. Улар араһынан Мансур Һиҙиәтовты, Зөһрә Үтәғолованы, Әнисә Аҫылғужинаны, Рә­симә Сәйетғәлинаны, Линиза Шакированы, Раят Вәлиевте, Мәүлит Кәримовты, Мәү­лиә Сафиуллинаны, Мөнирә Сәлимйә­но­ваны, Рафиға Ғәлиуллинаны, Әнисә Ғәзи­зованы, Фәриҙә Сәйетбатталованы, Хаммат Ағзамовты, Люциә Нурмөхәмәтованы, Флүрә Шакированы, Солтан Сиражетдиновты, Люциә Шаһиморатованы, Зифа Ҡужаҡованы билдәләп үтергә мөмкин.
“Урал” гәзитенең райондағы ижтимағи-сәйәси, мәҙәни тормошонда тотҡан урыны баһалап бөткөһөҙ. Ул – башҡорт ҡорол­тайын, ағинәйҙәр ҡорон, “Иҙел башы” һәм “Ҡуңыр буға” ижадсыларын туплап торған төп матбуғат сараһы.
Иҙел башы тормошон төрлө яҡтан яҡтыртҡан, уңған һәм уңышлы кешеләре менән таныштырып торған “Урал” гәзитенең ярҙамсылары ифрат күп. Юбилей кисәһенең үҙ теленең баһаһын белгән, милләт яҙмышы өсөн битараф булмаған эшҡыуарҙарҙың матди ярҙамы менән үтеүе лә ошо хаҡта һөйләй. Был йәһәттән “Спецпроект” яуаплылығы сикләнгән йәм­ғиәте директоры Әғзәм Йәләлетдинов, Өмөтбай ауылы егете, крәҫтиән (фермер) хужалығы етәксеһе Радик Яныбаев, Рәсәй Федерацияһының почетлы газ сәнәғәте хеҙмәткәре Булат Яныбаев, эшҡыуар, Егәҙе ауыл Советы депутаты Ришат Мө­хәмәтвәлиев, “Урал спорт ҡорамалы” заводы директоры Азат Вилданов, Белорет май-сыр комбинаты директоры Нәзиф Фәйзуллин, крәҫтиән (фермер) хужалығы етәксеһе Альфред Мөхөтдиновты айырым билдәләп үтеү мөһим.
Кисә барышында “Урал” гәзитенең баш мөхәррире Сатура Минһажетдинова районда башҡорт баҫмаһын үҙ ярҙамынан ташламаған эшҡыуарҙарға, сараны музы­каль яҡтан биҙәгән һәүәҫкәр артистарға рәхмәт белдерҙе. Байрамда ҡатнашыу­сылар иһә гәзиттең йөҙ йыллығында ла ошолай осрашырға яҙһын, тигән теләк менән таралышты.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 211

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 469

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 280

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 275

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 197

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 246

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 216

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 219

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 277

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 227

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 401