Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Күргәндәрем, көлгәндәрем
Күргәндәрем, көлгәндәремЕрҙе ҙурайтам

Элек кеше йәйәү йөрөгән,
Ер шары ла ҙур булған.
Берәй ергә барам тиһә,
Етә алмай бер булған.

Барған һайын шул еребеҙ
Бөлә — бәләкәйләнә,
Алыҫ ара “һә” тигәнсе
Үтер юлға әйләнә.

Машинала, самолетта
Ҡайҙарға елдермәйбеҙ.
Тиҙ етәбеҙ, асҡан күҙҙе
Йомоп та өлгөрмәйбеҙ.

Кесерәйтеү шул тиҙлектә
Барһа артабан әгәр,
Ер шары тороп ҡалмаҫмы
Борсаҡ ҙурлығы ҡәҙәр?

Шундай хәлдәр булмаҫ өсөн
Тәү хәлгә ҡайтыу кәрәк,
Кесерәйеп ҡалған ерҙе
Ҡабат ҙурайтыу кәрәк.

Мин ҙурайтыу серен беләм!
Маҡтанмай күкрәк һуғам:
Аҡсам бөткән. Иртәгә үк
Йәйәү йөрөргә сығам...

Әйтәм

Малай саҡта шуҡлыҡтарым
Арттан ҡалмайҙар ине.
Эш боҙһам да, боҙмаһам да,
Бармаҡ янайҙар ине:
— Атайыңа әйтәм!
— Әсәйеңә әйтәм!

Ғаилә ҡорҙом. Ә ғаилә
Иреккә кәртә ҡорҙо.
Ятҡа күҙ ҙә һалғыланым,
Һиҙгәндәр әйтә торҙо:
— Ҡатыныңа әйтәм!
— Ҡәйнәңә лә әйтәм!

Өйҙә күрҙем буранын да,
Күрҙем ел-дауылын да.
Дауыл һайын бер һүҙ булды
Ҡатындың ауыҙында:
— Райкомға әйтәм!
— Профкомға әйтәм!

Инде ултырам уйланып,
Ғүмер, ай, тиҙ үтә, тип.
Өҫтөңдән һүҙ әйттермәйсә
Йәшәүгә ни етә, тип.
Улыма ла әйтәм,
Ҡыҙыма ла әйтәм.

Үҙгәреш

Бер танышым, юлын табып,
Депутат булып китте.
Ошо депутатлыҡ уны
Таный алмаҫлыҡ итте.

Ахыры, яңы статусы
Уны шуға этәрә,
Нимә генә тиһәләр ҙә,
Хуплап ҡулын күтәрә.

Дөрөҫмө ул, түгелме был —
Ул уйлап та ҡарамай.
Уға үҙе һымаҡтарҙан
Ҡалышырға ярамай.

Ул һәр ваҡыт һәр хуплауға
Әҙер булырға тейеш.
Шуға хәҙер йоҡлай икән
Ҡулын күтәргән килеш.

Түрә булаһым килә

Тормош хәлдәрен уйлаһам,
Гел әсенә-әсенә,
Ирекһеҙҙән ҡолаҡ һалам
Шайтан вәсүәсәһенә.

Бышылдай ул: “Төкөрөп бир
Йәмғиәт сирҙәренә,
Ана, түрәләрҙән өйрән
Шәп йәшәү серҙәренә”.

Шулай тигәс, йылы ғына
Урын биләйһе килә,
“Етәкселәргә — ур-а-а!” тип
Телмәр һөйләйһе килә.

Бының өсөн буш итмәҫтәр,
Маҡтау көтәһе килә,
Шулар ҡанаты аҫтында
Ғүмер итәһе килә.

Насар яҡтан дәүләт милкен
Күҙләштерәһе килә.
Әмәлдәрен табып, уны
Үҙләштерәһе килә.

Күҙҙәремде йомған булып
Ришүәт алаһы килә,
Йылы диңгеҙ ярҙарында
Һарай һалаһы килә.

Балаларҙы Париждарҙа
Ғына күрәһе килә.
Аҡ һөйәктәр кастаһына
Мотлаҡ керәһе килә.

Белеп булмай, беҙгә ниндәй
Йылдар болаһы килә,
Шуға тиклем тиҙерәк-тиҙерәк
Түрә булаһы килә.

Алдамай

Һатыусылар, малын маҡтап,
Уҙҙыралар бер-береһенән.
— Бүрек һатам! Бүрек һатам
Ондатраның тиреһенән!
— Ах, оятын һатҡан бәндә!
Әйтәм инде, әйтмәй булмай.
Эт тиреһен ондатра тип
Алдашаһың күҙ ҙә йоммай.
— Оятһыҙ тип, алдашма тип,
Бик хурлама улай мине.
Ондатра тип әйтеүем шул:
Эт исеме шулай ине.

Уңайһыҙлыҡ

— Машинаңды ҡыҙҙыраһың,
Йыйынаһың ниндәй юлға?
— Атай-әсәй һағындырған,
Ҡайтып киләм, тим, ауылға.

— Балаларҙы ла алғанһың,
Юл йөрөргә бик яйһыҙ бит.
— Алдым инде, буш ҡул менән
Ҡайтыуҙары уңайһыҙ бит.

Марат КӘРИМОВ,
Башҡортостандың халыҡ шағиры




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 238

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 621

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 304

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 381

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 236

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 267

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 240

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 242

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 336

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 255

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 424