Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Бар ижадың тулы йылға төҫлө...
Бар ижадың тулы йылға төҫлө...“Һеҙҙең ҡала ни өсөн матур?” — тип һораһалар, Стәрлетамаҡ урамдарында үҫкән аҡ ҡайындары, шул урамдарҙан сал сәстәрен елдә елберҙәтеп уҙған билдәле әҙип Кәбир ағай Аҡбашев булған өсөн дә тип яуап бирге килә. Тиҫтәнән ашыу китап авторы булараҡ, ул күптәргә лирик шиғырҙары һәм сәхнәләрҙә ҡуйылған әҫәрҙәре аша яҡшы таныш.
Кәбир Аҡбашев Стәрлетамаҡ педагогия институтын тамамлағандан һуң Ғафури районының Яугилде ауылында уҡытыусы булып эш башлай. Артабанғы тормошон журналистикаға бағышлай. Тәүҙә Красноусолда, һуңынан Стәрлетамаҡта “Ауыл тормошо” гәзитендә эшләй. Стәрлетамаҡта Башҡортостан дәүләт радио комитетының филиалын асыуға өлгәшә һәм оҙаҡ ҡына уның баш мөхәррире була. Намыҫлы хеҙмәте “Башҡортостандың атҡаҙанған мәҙәниәт хеҙмәткәре” тигән маҡтаулы исем менән билдәләнә. Байтаҡ йылдар Башҡортостан Яҙыусылар ойошмаһының Стәрлетамаҡтағы бүлексәһенә етәкселек итте.
Быйыл 80 йәшен билдәләүсе хөрмәтле әҙибебеҙ айырыуса драматургия өлкәһендә уңышлы эшләй. “Ашҡаҙар” (1973), “Китмә, Рөстәм!” (1979), “Йәшлегем тирәктәре” (1989), “Өмөтөм һин, Аҡтолом” (1992) кеүек сәхнә әҫәрҙәрен яҙҙы. “Сибәркәй” (1994) һәм “Һипкелле ҡыҙ” (1996) исемле һуңғы ике пьесаһы өсөн уға ҡалабыҙҙың Ғәли Ибраһимов исемендәге премияһы бирелде. Кәбир ағайҙың бөтә әҫәрҙәре лә тормошсан булыуы менән айырылып тора. Шуға ла режиссерҙарҙы уның һәр әҫәре даими ҡыҙыҡһындырҙы, сәхнәләрҙә ҡуйылып барҙы. “Ут күршеләр” комедияһы ғына ла ҡалабыҙҙың театр сәхнәһенән оҙаҡ йылдар төшмәне. Тиҙҙән авторҙың Башҡортостандың халыҡ шағиры Мәжит Ғафуриҙың яҙмышы хаҡындағы драма әҫәре сәхнәләштереләсәк. Был пьесаһы өсөн ул Ғафури районының Жәлил Кейекбаев исемендәге премияһына лайыҡ булды.
Кәбир Аҡбашев балалар өсөн дә драма әҫәрҙәре яҙҙы. “Һыу урлаусылар” (1975), “Илама, Бөркөтөм” (1977) кеүек сәхнә әҫәрҙәре, шулай уҡ “Һаумы, ҡояш!” (1986), “Сыйырсыҡ сәпәкәй итә” (1993), “Аҡҡош ниңә илай?” (2000) исемле китаптары үҫеп килгән быуын өсөн үтә лә фәһемле.
Кәбир Аҡбашев һуғыш йылдарында тылда күрһәткән фиҙаҡәр хеҙмәте өсөн миҙалдар менән наградланған.
Тормош юлдары танылған әҙипкә арыу ғына һынауҙар ҡуйһа ла, ул һис тә бирешмәй. Ижади ҡомар, һаулыҡ, бөтмәҫ илһам теләйек абруйлы замандашыбыҙға.

Кәбир Аҡбашевҡа
Бейек тауҙар түбәләрен биҙәп,
Мәңге эремәҫтәй ҡар ята.
Бөйөк уй-ғәм тулы ирҙәр башын
Заман һынауҙары ағарта.

Хәҡиҡәтте донъя асмай тора,
Йәндәрҙе лә буйтым көйҙөрә.
Һоҡланыуҙан күңел күккә оса,
Тәбиғәт тә үҙен һөйҙөрә.

Теткеләргә шағир йөрәккәйен
Ярҙам итеүселәр табыла...
Әлдә генә беҙҙең йөрәктәрҙә
Йырҙар тыуа, хистәр ағыла...

Ғүмер буйы, ағай, һыуҙар ҡойҙоң
Тыуған яҡтың аҡ тирмәненә,
Бар ижадың тулы йылға төҫлө,
Һоҡланғыс ир, ил ире генә.

Тыл эшсәне булып Еңеү өсөн
Әсе тирҙәр аҙмы түккәнһең,
Үҙ һуҡмағың табып,
донъя иңләп,
Яҡты яҙмыш эҙләп үткәнһең.

Йәншишмәнән һыуҙар
эскән саҡта,
Ер ҡөҙрәтенән ҡеүәт алғанһың,
Рәхмәтлеһең тыуған яҡтарыңа,
Мәңге уға тоғро ҡалғанһың.

Оҙаҡ йәшә, ағай, һис бирешмә,
Һоҡландырып йәшә халыҡты,
Хөрмәттәргә һөйөн, һуҡмағыңа
Халҡың бит ҡояш яҡтыртты.

Кәрим БУЛАТ.
Стәрлетамаҡ ҡалаһы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 346

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 794

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 405

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 545

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 360

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 363

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 343

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 358

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 529

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 369

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 521