Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Рухташтарын йыйҙы Кейекбай
Стәрлетамаҡта уҙған VI Кейекбай уҡыуҙары билдәле тюрколог, күренекле башҡорт яҙыусыһы Жәлил Кейекбаевтың тыуыуына 100 йыл тулыуға арналды.
Ғалимдар, уҡытыусылар, уҡыусылар, киң йәмәғәтселек араһында танылыу алған фәнни-ғәмәли конференцияны Башҡортостан Мәғариф министрлығы, Стәрлетамаҡ ҡалаһы хакимиәтенең мәғариф бүлеге, Зәйнәб Биишева исемендәге Стәрлетамаҡ дәүләт педагогия академияһы, Жәлил Кейекбаев исемендәге 3-сө гимназия ойошторҙо.
Сарала Башҡортостан Мәғариф министрлығы белгесе Гөлсәсәк Мөхәмәтйәнова, Стәрлетамаҡ ҡалаһы хакимиәтенең мәғариф бүлеге начальнигы урынбаҫары Ольга Шитикова, ҡала хакимиәтенең мәҙәниәт бүлеге етәксеһе Зөфәр Зинәтуллин, Башҡорт дәүләт университеты профессорҙары Марат Зәйнуллин, Ғиниәт Ҡунафин, Зәйнәб Биишева исемендәге Стәрлетамаҡ дәүләт педагогия академияһы доценты Ғәлийән Ҡаһарманов, Ҡаранйылға ауылындағы Жәлил Кейекбаев исемендәге йорт-музей директоры Ғиндулла Шәйәхмәтов һәм башҡалар ҡатнашты.
Конференцияға республикабыҙҙың 24 ҡала һәм районынан, Татарстан Республикаһынан Жәлил Кейекбаевтың эшен дауам итеүсе 200-ҙән ашыу уҡытыусы һәм уҡыусы килгәйне.
Кейекбай уҡыуҙарында ҡатнашыусыларҙы сәләмләп, Ольга Шитикова сараның бик юғары кимәлдә әҙерләнеүен билдәләне һәм матур йоланың киләсәктә лә лайыҡлы дауам итәсәгенә ышаныс белдерҙе.
Жәлил Кейекбаевтың тәүге аспиранты булған Марат Зәйнуллин үҙ сығышында бөйөк ғалимдың яҡты һынын күҙ алдына баҫтырҙы.
— Остазым абруйлы ғалим, дәүләт эшмәкәре генә түгел, студенттарҙың көндәлек тормоштары менән даими ҡыҙыҡһынып торған ябай, хәстәрлекле кеше лә ине, — тине Марат Вәли улы. — БДУ студенттары йәшәйәсәк дөйөм ятаҡтарҙы төҙөүҙе контролдә тотоу Жәлил Ғиниәт улының иңенә һалынғайны. Был эшкә ул шул тиклем дәртләнеп тотондо — иртәнән алып кискә ҡәҙәре төҙөүселәр араһында булды. Студенттар өсөн дөйөм ятаҡтарҙың ни тиклем кәрәклеген яҡшы аңлай ине. Уның ныҡышмалылығы менән объекттар ваҡытынан алда тапшырылды. Был да бөйөк шәхесебеҙҙең үҙенә тапшырылған һәр эшкә ни тиклем яуаплы ҡарауы тураһында һөйләй.
Ғиндулла Шәйәхмәтовтың сығышы ла берәүҙе лә битараф ҡалдырмағандыр, моғайын.
— Жәлил Кейекбаевтың да тос өлөшө булған университетҡа нисә йылдар инде уның исемен биреү тураһында һөйләйбеҙ, әлегә ҡәҙәр боҙ урынынан ҡуҙғалмай. Бындай хәл менән беҙ ризалашырға тейешме? Дәүләт, хөкүмәт органдары беҙҙең тауышты ишетер һәм, Жәлил Кейекбаевтың исемен мәңгеләштереү маҡсатында, Башҡорт дәүләт университетына ғалимдың исемен бирер, тип ышанғы килә. Тағы ла бер мәсьәлә хафаландыра мине: Жәлил Кейекбаевтың музейы үтә лә ҡыҙғаныс хәлдә. Ниндәй генә юғары власть органдарының ишектәрен шаҡып ҡараманыҡ, һаман бюст эшләргә теләгән кеше юҡ, экспонаттар ҙа аҙ.
Пленар ултырыштан һуң, Кейекбай уҡыуҙарында ҡатнашыусылар эште секцияларҙа дауам итте.
Красноусол ҡасабаһынан килгән апалы-һеңлеле Нурзиә һәм Нәзирә Әбделғужиналарҙың тыңлаусылар хөкөмөнә сығарған эштәре “Беҙ Кейекбай урамында йәшәйбеҙ” тип аталды. Улар олатайҙарының, өләсәйҙәренең хәтирәләрен туплап, ата-әсәләренең һөйләгәндәрен йомғаҡлап, ҙур ғына фәнни эш алып килгән. Балаларҙың III һәм IV кластарҙа ғына уҡыуҙарын иҫәпкә алғанда, был улар яғынан батырлыҡҡа тиң.
— Бөгөнгө конференцияла ҡатнашҡан һәр бер кеше Нурзиә менән Нәзирә кеүек бар күңелдәрен һалып тырышһа һәм саранан Жәлил Кейекбаевтың тәғлимәтен дауам итергә кәрәк тигән фекер алып ҡайта алһа, тимәк, Кейекбаев уҡыуҙары үҙенең алдына ҡуйған маҡсатына тулыһынса өлгәште, тип ышаныс менән әйтергә була. Мин тағы ла бер нәмәне талап итер инем ошонда килгән уҡытыусыларҙан: улар бөгөнгө саранан алған тәьҫораттарҙы, бөртөгөн дә түкмәй-сәсмәй алып ҡайтып еткереп, үҙҙәре уҡытҡан балалар күңеленә һалырға тейеш. Жәлил ағай һәр телдең, һәр һүҙҙең үҙ моңо бар, ана шул моңдо һаҡларға кәрәк, тип өйрәтә ине беҙҙе. Ә бөгөн телебеҙ шул ҡәҙәре сүпләнде, моңон юғалтып бара, шуныһы ҡурҡыныс, — тине абруйлы ғалимдың тағы бер уҡыусыһы, Башҡортостандың атҡаҙанған уҡытыусыһы Мәрйәм Бураҡаева.
Сибәғәт РАХМАНҒОЛОВ




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 784

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 1 245

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 776

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 959

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 784

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 738

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 792

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 800

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 958

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 746

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 888