Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Мәңге йәшәр сәсән рухы
Биш йыл рәттән районыбыҙҙа үткәрелеп килгән сәсәндәрҙең төбәк фестивале быйыл билдәле фольклорсы, драматург, халыҡ сәсәне Мөхәмәтша Буранғоловтың тыуыуына 130 йыл тулыуға арналды.

Мәҙәни сара башҡорт лицейында башланды. Әйткәндәй, был белем усағы 2004 йылдан алып башҡорт әҙәбиәте классигының исемен йөрөтә. Халыҡ сәсәне бю­сы алдына сәскә һалыу тантана­һында сығыш яһап, билдәле фольклорсы, филология фәндәре докторы, яҡташыбыҙ Розалия Солтангәрәева: “Әҫәрҙәре ауыҙ-тел ижады ынйыларының алтын фондына ингән Мөхәмәтша Буран­ғоловтың баһалап бөткөһөҙ ижади эшмәкәрлеге башҡорт тарихынан, халыҡтың рухи донъяһынан айы­рыл­ғыһыҙ, бының өсөн ул хатта милләтселектә ғәйепләнеп, эҙәр­лек­ләүҙәргә дусар ителгән”, — тип билдәләне. Район хакимиәте баш­лығы урынбаҫары Закуан Әхмәтов та уҡыусыларҙы туған телебеҙҙе яратырға, тормош юлы һәм ижады ошо мәктәп менән тығыҙ бәйле мәшһүр сәсәндең иҫтәлеген ҡәҙерләп һаҡларға саҡырҙы.

Район мәҙәниәт һарайында фес­тивалде асыу тантанаһы бик сағыу тамаша менән башланды. Сәхнәлә ағинәйҙәр доға ҡылып, мөнәжәт әйтте. Бөйөк башҡорт сәсәндәре исемдәрен атап, ҡы­лыс­тан да үткер һүҙ көсөн, сәсән­лек рухын һаҡлау, уны быуындан быуынға тапшырыу тураһында ант биреү йолаһы атҡарылды. Киң майҙанға сыҡҡан бөгөнгө сәсән ижадын һаҡлаусылар ҙа был матур тамашаға ҡушылды.

Сәсәндәрҙең бишенсе төбәк бәйгеһендә Миәкә, Дәүләкән, Бүздәк, Бөрйән һәм Әлшәй райондарынан вәкилдәр ҡатнашты.

– Борондан сәсәндәр һәр йыйын­дың, һәр байрамдың биҙәге бул­ған, улар һабантуйҙарҙа, осра­шыу­ҙарҙа сығыш яһаған, илдә барған теге йәки был ваҡиғаға үҙ фекерен белдергән. Бөгөн ошо бәйгегә килеп, һүҙен әйткән, оҫталығын күр­һәткәндәрҙең һәр ҡайһыһына ихлас рәхмәтемде еткерәм. Иң ҡыуаныс­лыһы — ошо күркәм сарала өлкән быуын вәкилдәре менән бер рәттән балаларҙың да һынау тотоуы. Тимәк, сәсәнлек сәнғәте киләсәктә лә юғалмаясаҡ, – тине баһалама рәйесе Розалия Әсфәндиәр ҡыҙы.

Сәсәндәр бәйгеһендә сәхнәнән халҡыбыҙҙың билдәле эпостары һәм риүәйәттәре, мөнәжәттәр, ҡобайырҙар яңғыраны, шулай уҡ үҙ ижад емештәрен тәҡдим итеү­селәр ҙә аҙ булманы. Бәйгеселәр 16 йәшкә тиклемге һәм унан өлкәнерәктәр төркөмөндә сығыш яһаны. Ҡармыш ауылынан алты йәшлек Әлмир Әхтәмов иң кескәй ҡатнашыусы булһа, Яңы Сәпә­штән Гөлсәмсә Әхмәҙиеваға 88 йәш ине.

Был көндә Әлшәй майҙанында һынау тотҡан һүҙ оҫталарының барыһына ла “Сәсәндәрем, килегеҙ!” төбәк фестиваленең иҫтәлекле бүләктәре тапшырылды. Ә номинацияларҙың иҫәбе-һаны юҡ ине. Хәйер, был әллә ни мөһим дә түгелдер, моғайын. Сәсәнлек рухына, туған телгә тоғролоҡ өсөн сәхнәгә сығып үҙ һүҙен әйткән һәр кем бүләккә лайыҡ, әлбиттә.


Автор: Фәнүзә СУФИЯНОВА
Фото: Әлшәй районы


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 881

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 1 351

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 876

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 065

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 880

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 851

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 880

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 880

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 074

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 824

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 965