Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Йөрәккәйем хистәремдән таша…”
Мин – хыялый

Хыялыйҙар булып барам бына,
Эй, шаштыра, тормош шаштыра!
Бер секундта диңгеҙ ярҙарына,
Хыял тауҙарына аштыра.

Бер ҡараһаң, Иҙел һыуҡайҙарын
Ярҙарынан сығып таштыра.
Бер ҡараһаң, Урал тауҡайҙарын
Болоттарға илтеп тапшыра.

Тау йылғаһы ярға һыймай, ярһый,
Зәңгәр күгем кеүек, мин — хыялый,
Йөрәккәйем хистәремдән таша,
Мөхәббәтле булғас, мин — хыялый!


Уҡлыҡая

Сағылдарҙа үҫкән имән кеүек,
Уҡлыҡая тора мөһабәт.
Ситтә йөрөгәндә, иҫкә төшә,
Шул сағында арта мөхәббәт.

Ялтлап торған хазиналар кеүек,
Уҡлыҡая, һинең таштарың.
Тыныс ҡына булып ултырһаң да,
Ни күрмәгән һинең баштарың!

Заманында күрҙең Колчактарҙы,
Яуыз Дутовтың да яуҙарын.
Күрҙең Салауатты ошо ерҙә,
Халыҡ өсөн ирек даулауын.

Күрҙең осҡон осоп сыҡҡанын да,
Ялҡын булып ялмап алғанын.
Ҡара төндөң үтеп киткәнен дә,
Тыуыр көндөң матур ал таңын.

Һиңә күпме ҡаршы елдәр иҫте,
Күпме уҡ атылды тартылып.
Шунан бирле күпме йылдар үтте,
Күпме һалдат үтте артылып.

Михнәт менән үткән шомло йылдар
Күптән инде артта ҡалдылар.
Бөгөн беҙҙең осҡос караптар ҙа
Киң йыһанға юлдар һалдылар.

Үҙгәрмәгән Уҡлыҡая тиеп,
Ҡарап торам әле мин һиңә.
Уйҙар йүгерек бит ул, бына әле
Ошоларҙы алдым иҫемә.

Үткәндәрҙең тарихтарын һөйләп,
Ҡаҙап ҡалдырғандай бер таяҡ,
Уҡлыҡая тора төп-төҙ баҫып –
Килер быуындарға бер маяҡ.

Сыҙамлығың самаларҙан ашҡан,
Һин тораһың һаман мөһабәт.
Ситтә йөрөгәндә иҫкә төшә,
Тағы арта төшә мөхәббәт.


Тыуған ерем

Тура баҫып тора имән ерҙә,
Тамырҙарын тәрән ебәреп.
Йәшәү өсөн уға һәләт бирә
Һәм ул тора уны күтәреп.

Имән кеүек, мин дә, ғәзиз ерем,
Ҡыйыу баҫып, һулыш аламын.
Тыуған ерем миңә көсөн бирә,
Шул көс менән алға барамын.


Инәйем һәм өләсәйем йырҙары

Алъяпҡысым, алъяпҡысым,
Алъяпҡысым минең билемдә.
Мин ҡәҙерле, мин ҡәҙерле,
Тыуып ҡына үҫкән илемдә.

Шәмшәриптә тигән шәһәрҙәрҙең
Эңер етмәй ҡапҡаһы ябылмай.
Үткән ғүмер менән ҡалған хәтер
Һатып алырға ла табылмай.

Сәғәт һуға, сәғәт һуға,
Сәғәт кенә һуға ун берҙе,
Йүгереп кенә барып туҡтатырға
Үтеп кенә барған ғүмерҙе.

Ҡарауыл аша аҡҡан һыу булмай,
Ҡарауыл аша үткән һыу булмай.
Күп ҡайғыны күргән кешеләр
Ней ауырыу, ней ҙә һау булмай.


Ғүмер хаҡында уйланыуҙар...

Уҡлыҡая, һинең буйҙарыңда
Нисә быуын ғүмер кисергән,
Йөрәгеңдән сыҡҡан һыуҙарыңда
Ир-егеттәр атын эсергән.

Атай-олатайымдың егет сағы
Елдәй генә елеп үткәндер.
Әсәй-өләсәйемдең бала сағы
Ағын һыуҙай ағып киткәндер.

Арабыҙҙа улар юҡтар инде,
Тейешлеһен йәшәп туҙғандар.
Ә һин һаман йәшкенәһең, әммә
Бик күп һыуҙар ағып уҙғандар.

Ләкин мең йәшә һин, өмөт итеп,
Көнләшмәйем оҙон ғүмергә.
Быуын сылбырҙарын дауам итеп,
Тора бир һин ғүмер-дәүергә!




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 1 651

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 2 022

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 1 537

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 749

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 1 568

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 1 433

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 1 489

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 1 383

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 643

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 1 374

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 1 545