БАШ
РУС
"Иҙел башы" менән "Арғымаҡ" осрашһа... 30.03.2019 // Әҙәбиәт
Белорет районының Абҙаҡ мәктәбендә әҙиптәр менән осрашыуҙар даими үтеп тора....
Тотош уҡырға 1 878
Үҙ көнөмә ҡайтһам...Үткән менән арам өҙөлмәне.
Күргән-белгән керә төшөмә,
Яуызлыҡмы, әллә изгелекме,
Ҡайһы тейҙе икән кешегә.
Ғәҙел булып ерҙә йәшәгәнгә
Ғорурланам ете ятҡа ла.
Ғәмһеҙлекте, көнсөллөктө белдем
Бинахаҡҡа уттар йотҡанда.
Бер вайымһыҙ малай төҫлө көлөп,
Юҡ-барға ла ихлас ышанам.
Бармаҡ һелкеп янаусылар ҙа күп,
Бер һин генәме һуң үс алған.
Сәстәремә һибелеп аҡтар төштө,
Күп ҡайғылар килде башыма.
Йылмайһам да, илаһам да, барыбер
Мин яуаплы ҡалам барыһына.
Үҙ көнөмә, үҙ хәлемә ҡайтам,
Онотманым, тотам иҫәптә.
Ел иҫһә лә, һыу аҡһа ла шаулап,
Уҙған көндәр мине киҫәтә.
Йыр кәрәк
Игенселәр иген үҫтерәләр,
Төҙөүселәр яңы йорт һала.
Геологтар йөрөй тайгаларҙа,
Баштарына боҙҙар яуһа ла.
Ғаләм караптарын осоралар,
Ир-егеттәр диңгеҙ кисәләр.
Был осорҙа ҡаһарманлыҡ ҡыла
Ихтыярлы, көслө кешеләр.
Тормоштағы бөтә мөғжизәләр
Тәүҙә уҙа кеше ҡулынан.
Сихри моңдар һыу ташҡыны булып,
Йәнебеҙгә килеп ҡағылған.
Ижад үрҙәренә атлағанда
Ҡанатланып тип һин, йәш йөрәк.
Шаһит бул һин беҙҙең тантанаға,
Һәр заманға матур йыр кәрәк.
Һалдат мөхәббәте
Ауылында саҡта гел уйланды:
Ул бары тик яҡын дуҫ ҡына.
Ил сигенә киткәс, инде үҙе
Күрше ҡыҙын никтер юҡһына.
Күңеленә тынғы бирмәй һис тә,
Ғазабына һала мөхәббәт.
Йөрәктәге һөйөү һағыштарын
Аңлата алмаҫ кеүек яҙған хат.
Зәңгәр төндә йондоҙҙарҙа күҙе
Йән юлдашын эҙләп егетең,
Төштә генә бары осраша ла
Бүләк итә сәскә букетын.
Ышаныстар ҡала киләсәккә,
Һүндерә алмай һөйөү өмөтөн.
Атҡан таңда һинең ҡарашыңды,
Илем күген һаҡлай егетең.
Ғазаптары, һөйөү шатлыҡтары
Ябай ғына, һөйләп бөтмәҫлек.
Мөхәббәткә, вәғәҙә, һағышына,
Һынауҙарға түҙем был йәшлек.
* * *
Рәми Ғариповҡа
Иҫән саҡта һирәк осрашһаҡ та,
Тормош хәлен минән һорашты.
Үҙ ҡәрҙәше кеүек яҡын күрҙе,
Күҙ алдымда тора ҡарашы.
Ҡара бөҙрә сәсен артҡа сөйөп,
Табындарҙы йәмләп ултырҙы.
Ҡыуаныслы булды осрашыуҙар,
Илһамланып шиғыр уҡыны.
Йәмле йәйҙә Дим буйына төшөп,
Офоҡтарға ҡараш төбәнек.
Үҫмер малайҙарҙай бер вайымһыҙ
Тулҡындарға ятып тирбәлдек.
Осрашыуҙар ҡалды хәтеремдә,
Ҡабул итмәй йөрәк күптәрҙе...
Ишетергә теләп шағир тауышын,
Йәнем тетрәп, дауыл күтәрҙе.
Ҡайындарға һөйләйем серемде
Һинең хатты күптән алғаным юҡ,
Күңелдәрем тамам һүрелде.
Сәхрәләргә сығып бер яңғыҙым,
Ҡайындарға һөйләйем серемде.
Күрешергә барыбер иҫәп тотам,
Өҙөлмәһен генә өмөтөм.
Ғүмер буйы көйөп, янып үҙем,
Был донъяның боҙон иреттем.
Ҡайындарым йәшел шәлгә төрөп,
Иркәләне, һөйҙө, яратты.
Башты эйеп, ауыр һулағанда,
Ҡайғы-һағыштарҙы таратты.
Осрашҡан юҡ, күрешкән юҡ күптән,
Хатыңды ла үҙең яҙмайһың.
Юлдар осо һиңә алып килмәй,
Төштә генә күрәм, наҙлайһың.
Ҡайындарым йәшел шәлен болғап,
Тороп ҡала офоҡ артында.
Минең хәлде улар аңлай төҫлө,
Йырлар көйләй, һөйөү хаҡында.
Икмәк
Мейестә бешкән икмәк еҫе сыҡты,
Миңә генә әллә танһыҡмы.
Беҙҙең быуын егеттәре күрҙе,
Татып үҫте ауыр аслыҡты.
Икмәк ҡәҙерен белеп үҫкән өсөн,
Йәштән тоттом һабан үрелеп.
Атай әҙерен миңә ҡалдырмаған,
Йәшәмәйем һис тә иренеп.
Ҡунаҡтарҙа йөрөйөм мәжлес күреп,
Күңел асам шаулы туйҙарҙа.
Икмәк өсөн күпме тир түгәбеҙ,
Табындарға уны ҡуйырға.
Дәртле йырҙар тыуа, икмәк булһа,
Ай шикелле йөҙҙәр яҡтыра.
Ҡанда уйнай йәшен уты кеүек,
Ҡеүәт-көстө тәндә арттыра.
Мохтажлыҡ юҡ, муллыҡ арта ғына,
Уйланамын бары үткәнде.
Сәйем ҡайнап, мейестә икмәк бешһә,
Байрам итәм мин дә ул көндө.
Автор: Фәрит СУФИЯРОВ.
Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт
28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...
Тотош уҡырға 2 254
Беҙ “Пионер”ҙа тәрбиәләндек! 29.03.2019 // Әҙәбиәт
Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....
Тотош уҡырға 1 778
Бала саҡ иле баҫмаһы 29.03.2019 // Әҙәбиәт
Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...
Тотош уҡырға 1 951
Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт
Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...
Тотош уҡырға 1 854
“Китапты йөкмәткеһе өсөн уҡымайым” 26.03.2019 // Әҙәбиәт
Тәү сиратта уның теле мөһим....
Тотош уҡырға 1 863
Каникул тылсымға бай булмаҡсы 23.03.2019 // Әҙәбиәт
Учалыла “Бөйөк тылсымсы – театр” тип исемләнгән балалар китабы аҙналығы башланды....
Тотош уҡырға 1 633
“Башҡортостан – баш йортобоҙ” 22.03.2019 // Әҙәбиәт
Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....
Тотош уҡырға 1 731
Һин дә флешмобҡа ҡушыл! 21.03.2019 // Әҙәбиәт
Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...
Тотош уҡырға 1 583
Яҡтыкүлгә яҡтылыҡ өҫтәп 20.03.2019 // Әҙәбиәт
Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...
Тотош уҡырға 1 843
Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт
Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...
Тотош уҡырға 1 583
Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт
Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...
Тотош уҡырға 1 779