Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Туған телем — бар дауаның да сере”
“Туған телем — бар дауаның да сере” Күмертау ҡалаһында урын­лашҡан Республика политехник лицей-интернаты уҡыу­сылары менән та­ныш­тыҡ ошо көндәрҙә. Улар араһында шиғыр яҙғандары ла күп икән. Рәхим итегеҙ шиғри күстәнәстән!

Урман
Йәшел урман шаулап-шаулай,
Әйтерһең дә, йыр йырлай.
Мин уның көйөн тыңлайым,
Һис айырылып булмай.
Етер көҙ ҙә, япраҡ ҡойоп,
Ергә келәмдәр түшәр.
Юл ташламайым уға мин –
Ҡышын йә урман өшөр.

***
Һиҙелмәй ҙә үтеп китте
Ыжғыр һалҡын ҡыш.
Бына инде яҙ ҙа килде,
Йәмләнде ер, тыш.
Байрас АҠСУРИН.


Умырзая
Ҡарҙы тишеп сыҡты,
Яҙҙың тәүге сәскәһе.
Япраҡтары йәшел генә,
Зәңгәрҙән күҙгенәһе!..


Ҡоштар ҡайта

Көтөп алған яҙ килде
Башҡортостан еренә.
Ҡоштар ҡайта һағынышып,
Үҙҙәренең өйөнә.
Йәмле яҙ килеүенә,
Бөтә ғәләм шатлана,
Көнө-төнө һайрашып,
Ҡоштары ла ҡыуана.
Азалия ВӘЛИЕВА.


Яҙ

Йәмле яҙ килде илемә,
Ҡара ҡарғалар ҡайтты.
Урал тауҙың битендә
Матур сәскәләр атты.
Урам буйлап ниҙер көйләп,
Гөрләүектәр ағалар.
Унда карап ағыҙа
Ыбыр-сыбыр балалар.

Беҙҙең яҡ тәбиғәте

Ҡоштар ҡайта беҙҙең яҡҡа,
Бик күп илдәрҙе урап.
Аҙашмаған улар юлда,
Тыуған яҡтарға ҡарап.
Илфир ХӘМИҘУЛЛИН.

Алағарай, һөтай...

Яҙҙар килде тыуған төйәгемә,
Ҡоштар ҡайтты тыуған еренә.
Умырзая ҡалҡты ҡар аҫтынан,
Айыу сыҡты ҡышҡы өңөнән.
Ләйсән СӘЙФУЛЛИНА.


Ҡышҡы буран

Килеп ҡарҙар ҡаплап китте
Ҡышҡы буран көндәре.
Миңә шатлыҡ биреп китте
Саф һәм аяҙ төндәре.

Ап-аҡ ҡарҙар алып килә
Күңелдәргә тик паклыҡ.
Ҡыштың ошо матурлығы
Түгелме үҙе шатлыҡ?!.

Айнур БИКБУЛАТОВ.


Хоккей

Ҡышын иң ҡыҙыҡ уйындар –
Саңғы ярышы, хоккей!
Беҙҙең ата-бабалар ҙа
Уйнаған уны баҡый.

Айнур СОЛТАНГӘРӘЕВ.


Әсәйемдең аштары

Әсәйемдең аштарын
Бигерәк тә яратам.
Оҙон ялдар еткәнсе,
Уны һағынып ҡайтам.

Әсәйемдең аштары
Телдәреңде йоторлоҡ.
Хәүефтәрҙе оноттора,
Һағыштарҙы баҫырлыҡ.

Зарима ОМОРҘАҠОВА.


Яҙ килә

Яландар йәшәрә,
Яҙ еҫе тарала.
Ҡайтҡандар ҡоштарым
Ҡасан? Ни арала?
Йылы елдәр иҫә,
Ҡояш та ҡыҙҙыра.
Әрселгән һуҡмаҡтан
Яланға юл борам.
Зәп-зәңгәр томандар,
Шундай йәш урман да.
Ямғырҙар көтә ер,
Болот туй ҡорғандай.

Юлдаш АҠСУРИН.


Уҡытыусым

Яратҡан уҡытыусым бар,
Ул Азат ағай була.
Дәрестәрен тыңлаһаң,
Күңелгә иман тула.
Мулла ла ул, шағир ҙа ул,
Әкиәттәр ҙә яҙа.
Беҙ үҙебеҙ ҙә һиҙмәҫтән
Ярҙам ҡулы ла һуҙа.

Гөлдәриә ХӘСӘНОВА.


Башҡорт теле

Туған телем – башҡорт теле,
Бөйөк телдең бере.
Беҙ яратып һөйләшкәнгә
Ул бөгөн дә саф, тере.

Туған телем – башҡорт теле,
Ғәзиз телдәрҙең бере.
Халҡым именлегенең дә,
Бар дауаның да сере.

Фаягөл ИСМӘҒИЛЕВА.


Оҙон юл

Оҙон юлдан китеп барам,
Аңламайым, ҡайҙа бағам?
Китеп барам урманғамы,
Йөрәккә моң тулғанғамы?

Оҙон юлдар алып бара
Йыраҡтарға, алыҫтарға.
Юлдар берсә ғазап кеүек,
Берсә дауа ғашиҡтарға.

Зинера АРЫҪЛАНОВА.


Ҡыш

Тыныс ҡына ҡарҙар яуа,
Һауа ла шундай аяҙ.
Ҡоштар йөрөй емен сүпләп,
Сыр-сыу килеп, ғауғалап.
Балалар ҙа тышта уйнай,
Шау-гөр килә, көләләр.
Миҙгелдең сафлыҡ бөрккәнен
Улар ҙа бит беләләр.
Ниндәй ғәжәп, ниндәй матур
Йылдың һәр бер миҙгеле,
Ҡышты тылсымсы заттан, тип
Әйткәндәр инде белеп.

Алина ӘХМӘТГӘРӘЕВА.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 1 650

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 2 022

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 1 536

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 749

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 1 568

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 1 433

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 1 489

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 1 381

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 643

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 1 374

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 1 545