“Гармун моңо” конкурсы һәүәҫкәр­ҙәрҙең оҫталығын арттырыу, яңы таланттар асыу, райондағы үҙешмәкәр коллек­тив­тар­ҙың репертуарын байытыу маҡсатында үткәрелде.

Әбет ауылының мәҙәниәт йортона 30-ҙан ашыу оҫта гармунсыны йый­ған күңелле сараны асып, ра­йон хакимиәтенең мәҙә­ниәт бүлеге етәк­­се­һе Илшат Сол­тангәрәев, ауыл биләмәһе баш­лығы Муса Ураҙ­бахтин бәйге­селәргә ҡотлау һүҙҙәрен ет­керҙе.
Сәхнәгә беренсе булып Зыя Итә­шев (Ҡотло­булат ауылы) сыҡ­ты, уның моңдары Рауил Иҫәнама­нов башҡарыуында “Сәс үрмесе” йырын­да, Мөҙәрис Хәби­буллиндың сығы­шында (Боһор­ман ауылы) дауам ит­те. Ҡат­нашыусылар ара­һында Һа­рыш, Ергән, Аптраҡ ауылдарынан килгәндәр ҙә булды. Күп­селек конкурсанттар – оло йәш­тәгеләр, әммә 22 йәшлек Буранбай Ҡаҙбәков үҙен талантлы йәш быуын вәкиле булараҡ танытты.
Гран-приға район һәм республика конкурс­тары лауреаты Фәнис Хис­мәтуллин лайыҡ булды, тәүге өс урынды Анатолий Урчев, Әхәт Хә­сәнов, Фәнис Бикташев алды. Миҙхәт Са­лиҡов, Ринат Низаметдинов, Миңзәлә Ейән­баева – “Артис­лыҡ өсөн”, Зыя Итәшев, Иван Бруснецов, Иван Евдокимов “Гармунда уйнау традицияларын һаҡ­лағаны өсөн”, Хәмиҙә Рыҫ­ҡолова, Рафаэль Насиров, Риф ­Нәж­­мет­динов, Фәтҡулла Омор­ҙаҡов “Гармунда уйнау сәнғә­тенә тоғролоғо өсөн” номинация­һын­да еңеүсе тип табылды. “Башҡарыу техникаһы өсөн” – Зәйнәғәли Кәшә­фетдинов, “Халыҡ ижадын һаҡла­ға­ны һәм үҫтергәне өсөн” – Ғүмәр Шәм­сетдинов етәксе­леген­дәге трио, Марат Килдебаев, Фәнир Үмәр­ғәлин һәм Фәнис Бикта­шев тантаналы рәүештә билдә­ләнде.