Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » "Тиле йәшлек" һаман тилертә
"Тиле йәшлек" һаман тилертәЗаманында Мәжит Ғафури исемендәге Башҡорт дәүләт академия драма театрында бөйөк режиссер Лек Вәлиев Ибраһим Абдуллиндың "Тиле йәшлек" әҫәрен сәхнәләштергәйне. Ә төп ролде, Зөлҡәрнәйҙе, мәшһүр актер Фидан Ғафаров башҡарғайны. Был спектакль республикабыҙҙың сәнғәт тормошонда тотош бер байрам төҫөн алды. Стәрлетамаҡ башҡорт драма театрының "Тиле йәшлеге" бынан һуң нисек күҙ алдына баҫыр тигән уй менән спектакль премьераһына киттем.

Айлы ауыл кисе. Урам бешкән икмәк еҫе менән тулған. Йәштәр тыпырҙыҡҡа йыйылған. Бер төп башына ҡунаҡлаған гармунсы Бытбылдыҡ (артист Марат Зөбәйеров) тирә-яҡты һағыш моңона ураған. Егеттәр-ҡыҙҙар йырлай-йырлай майҙан уртаһына сыға. Кинәт шул мәлдә былар янына бер ят ҡыҙ килеп ҡушыла. Был ауылға агроном булып килгән Һандуғас (артист Әлиә Зарипова) булып сыға ул. Һылыуҡайға күҙҙәре төшкән егеттәрҙең ҡолағы ҡарпайып китә. Бигерәк тә Зөлҡәрнәй (Гилүс Минһазов) менән Хәнифтең (Айҙар Зарипов) күҙҙәре ут булып яна башлай. Тик бына сибәркәй кемде хуш күрер?
Егеттәр бер-бер артлы төртмәле йырҙар башҡарып, бейеү шаржы уйнай башлай. Был ҡыҙҙы кәмһетергә теләгән күренеш булып күҙ алдына баҫа. Бының менән егеттәр ҡунаҡ ҡыҙҙы һынап ҡарамаҡсы булһа кәрәк. Ләкин агроном ҡыҙ "морон" күтәреп быларҙы ташлап сығып китмәй, ә бейей-бейей егеттәргә килеп ҡушыла. Быны көтмәгән егеттәр хатта бер аҙ юғалып ҡалғандай итә.
Бөтә ошо күренештәрҙе ҡарап, йөрәккә йылы инеп китте, тимәк, артистар образдарҙы тотоп алған. Тик Һандуғас кемде һайлар: Зөлҡәрнәй ҙә, Хәниф тә уға берҙәй ғашиҡ булды бит. Ваҡиғалар барышында шул аңлашыла: ике егет тә Һандуғасҡа мөкиббән, тик улар хәҙергә мөхәббәт хистәрен бер ошо ҡыҙға бағышлағандарын ғына белмәй. Улар ғашиҡ егет ролдәрен шундай ихлас итеп башҡара. Тамашасы бының хәйерле бөтмәҫен борсолоп көтә башлай. Зөлҡәрнәйҙең мөхәббәтен күреп, тамашасы уның яҡлы. Егеттең һөйөү тойғоларын хатта Шифабикә инәй ҙә (Башҡортостандың халыҡ артисы Рафиға Ғәлина) яҡшы аңлай һәм бөтә булмышы менән уға теләктәшлек күрһәтә, тик бәрелеш бысаҡ-фәләнгә барып етмәһен. Был кисерештәрҙе Гилүс Минһазов та, Рафиға Ғәлина ла комедияға хас эске юмор менән, ниндәйҙер илаһи бер аура аша кәүҙәләндерә. Бына ошо күренештәрҙе уйнағанда, ниңәлер тағы ла Фидан Ғафаровтың образы күҙ алдына килеп баҫа. Юҡ, Минһазов уны ҡабатламай, ул үҙенең “Зөлҡәрнәй”ен уйнай. Тимәк, йәш режиссер Зиннур Сөләймәнов был ролгә Минһазовты алып яңылышмаған, тип әйтке килә.
Бына ваҡиғаларҙың хәл ителеше яҡыная, залда уфтаныуҙар ишетелә. Тамашасы хәҙерге донъяла бындай тарихтарҙың фажиғә, бәхетһеҙлек менән бөтөүен яҡшы белә. Һәм сиселеш оҙаҡ көттөрмәй: Һандуғастың егеттәрҙең береһен дә һайламауы асыҡлана. Быға кем ғәйепле? Ике егеттең береһе: улар бер-береһенә ҡамасаулыҡ иткән. Тимәк, егеттәрҙең береһенән ҡотолорға кәрәк. Бына улар күҙгә-күҙ килеп осраша, һиҙелеп тора: кисерештәре ташып, йоҙроҡтары йомарлана, хатта бармаҡтарынан әллә тир аға, әллә ҡан һарҡый. Тамашасы ҡурҡышынан күҙен йома, ҡайһыныһы ҡулъяулығы менән йөҙөн баҫа. Шул мәлдә ике егет бер-береһенең яурынынан алып, маңлайҙары менән йомшаҡ ҡына төкөшә һәм ир-аттарса йәшһеҙ илап ҡайғыларын бүлешә: бысаҡлашыу ҙа, атышыу ҙа юҡ. Ошо мәлде бөтә тамашасы залды тетрәтеп алҡыштарға күмде һәм:
— Режиссерҙы сәхнәгә! — тигән ауаздар яңғыраны.
Спектакль шундай тойғоло булып килеп сыҡһын өсөн бында ҡатнашҡан бөтә актерҙар ҙа үҙ өлөшөн индергән. Башҡортостандың атҡаҙанған артистары Азамат Хәлиловты (Өлкән Бытбылдыҡ), Фәим Әхмәтйәновты (Өлкән Зөлҡәрнәй), Илһам Рәхимовты (Өлкән Хәниф) һәм артист Гөлнара Йәрмиеваны (колхоз рәйесе Сәйҙә) айырып әйтке килә.
"Тиле йәшлек" матур спектакль генә түгел, аҡыллы һабаҡ булараҡ та ҡабул ителә. Был әҫәр — режиссер Зиннур Сөләймәновтың нәүбәттәге ижади эше. Күренеүенсә, спектаклдең тамашасылар тарафынан баҫып алҡышлауға лайыҡ булыуы ҙур өмөт уята.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 1 651

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 2 022

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 1 536

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 749

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 1 568

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 1 433

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 1 489

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 1 382

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 643

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 1 374

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 1 545