Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Тыңланыҡ ваҡыт аҡҡанын
Тыңланыҡ ваҡыт аҡҡанынМөнир Ҡунафиндың "Тыңлайыҡ ваҡыт аҡҡанын" пьесаһы буйынса Стәрлетамаҡ дәүләт театр-концерт берләшмәһе ҡуйған спектаклде ҡарап сыҡҡас, күп йылдар элек Башҡортостан Яҙыусылар союзы идараһында булған бер ваҡиға тураһында һөйләүҙәре иҫкә төштө.
Яҙыусылар союзы идараһында ул саҡта малай ғына булған Рәшит Назаров шиғыр уҡығандан һуң, атаҡлы шағир Назар Нәжми коридор буйлап: "Шағир тыуҙы! Шағир!" — тип ҡысҡырып йөрөгән, тиҙәр. Стәрлетамаҡтағы тамашанан һуң минең дә Өфөгә ҡайтып еткәнсе: "Драматург тыуҙы! Драматург!" — тип ҡысҡырғым килде.

Әлбиттә, был Мөнир Ҡунафиндың тәүге әҫәре түгел. Бер нисә йыл әүәл Ғафури районының халыҡ театры уның "Бер ус бойҙай" тигән пьесаһын сәхнәләштерҙе. Тәүге ҡоймаҡ төйөрлө була, тигәндәй, Мөнир үҙе лә был эшенән ҡәнәғәт түгел ине. Хәйер, яҙыусы үҙ ижадынан ҡәнәғәтлек кисерергә тейеш түгел тиһәләр ҙә, бының менән килешеп етмәйем. Үҙең ҡәнәғәтлек кисермәй тороп, башҡаларҙы ҡәнәғәтләндереп булмайҙыр. Һәм бына "Тыңлайыҡ ваҡыт аҡҡанын" ҡарап, автор үҙе лә, Өфөнән килгән ҡунаҡтар — халыҡ шағиры Рауил Бикбаев, ғалим Ғиниәт Ҡунафин, Театр эшмәкәрҙәре союзы рәйесе Әхтәм Абушахманов, "Ватандаш" журналының баш мөхәррире Азамат Юлдашбаев, "Йәшлек" гәзитенең баш мөхәррире Артур Дәүләтбәков һәм көллө тамашасы ҡәнәғәтлек кисерҙе. Ысынлап та, һәр кемдең йөрәгенә ҡағыла торған беҙҙең йәмғиәт хаҡында пьеса был. Уҡыусыға аңлашылһын өсөн ҡыҫҡаса ғына әҫәрҙең сюжетын һөйләйем әле.
Ваҡиға экологик яҡтан таҙа булмаған ҡаланың бер дауаханаһында бара. Ғүмере бына-бына өҙөлөргә торған сабыйға тоташтырылған яһалма тын алыу аппаратын икенсе балаға бирергә кәрәк. Ошо мәсьәләне хәл итеү өсөн баш табип консилиум йыя. Унда полиция капитаны, физика уҡытыусыһы, хәҙрәт, Афған һуғышы ветерандары советы рәйесе, эшҡыуар, журналист, һуҡырҙар йәмғиәте вәкиле, йәш табип, әсә ҡатнаша. Тәү ҡарашҡа ябай ғына күренгән сюжет эсендә — көслө бәрелештәр, ҡараштар һәм фекерҙәр "алышы". Иҫ киткес бит: бер шаршауҙан торған әҫәргә Мөнир тотош йәмғиәтте, кешелекте борсоған мәсьәләләрҙе һыйҙыра алған. Геройҙарҙың береһе лә буш һүҙ һөйләмәй, һәр һүҙгә, һәр һөйләмгә тәрән фәлсәфәүи мәғәнә һалынған! Ҡыҫҡаһы, йән, рух, бәндәүи заттың әхлаҡи экологияһы тураһында был пьеса.
Һис шикһеҙ, ҡуйыусы режиссер — Шәйехзада Бабич исемендәге йәштәр дәүләт премияһы лауреаты Рөстәм Хәкимов — әҫәргә йән өрөү өсөн күп көс түккән.
Сәхнәнең төп өлөшөн ҡырҡылған ағастың түңгәге биләй һәм ваҡиғалар уның өҫтөндә бара. Уйлап ҡараһаң, ябай ғына һымаҡ, ләкин режиссер ошо ябайлыҡҡа ҙур мәғәнә һалған: олпат ағастың тарамыш тамырҙары шанлы үткәнебеҙҙе, тарихыбыҙҙы сағылдырһа, бөгөнгөһөн — олонон — сәхнәләге геройҙарыбыҙ һынландыра ла баһа! Ошо олон нисек булыр, тармаҡ-тармаҡ ботаҡтар ебәрерме, япраҡҡа күмелерме — барыһы ла үҙебеҙҙән тора.
Артистарҙың уйыны хаҡында иһә театр теле менән бер генә һүҙ әйтергә була — бис! Рауил Ғәлин, Илһам Рәхимов, Айҙар Зарипов, Гилюс Минһазов, Рәсил Сынбулатов, Физәлиә Рәхимова, Фәрзәнә Ғөбәйҙуллина, Марат Зөбәйеров, Фәнил Толонғужин, Гөлйемеш Мөхәмәтшина, Зиләрә Юлтаева, Вадим Ҡылысов, Рафиҡ Хәсәнов — бына улар тыуҙырҙы тетрәткес тамашаны, улар ташланы беҙҙе фекерҙәр һәм уйҙар ташҡынына. Рәхмәт һеҙгә, Стәрлетамаҡтың ғына түгел, Башҡортостандың, Рәсәйҙең мәҙәни сәскәләр гөлләмәһе!
Әлбиттә, Мөнир Ҡунафиндың был әҫәре тураһында киләсәктә байтаҡ һүҙҙәр булыр, һоҡланыуҙар белдерелер, кәңәштәр әйтелер. Ә бөгөн минең тотош Башҡортостанға бер генә һүҙ әйткем килә: "Драматург тыуҙы! Драматург!.."




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 816

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 1 274

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 812

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 991

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 813

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 777

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 826

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 829

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 995

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 773

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 913