Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Быуаттарҙы урай-урай,Эй һыҙа моңло Ҡурай...
Быуаттарҙы урай-урай,Эй һыҙа моңло Ҡурай...Ошо көндәрҙә ҡыуаныслы хәбәр ишетеү бәхетен кисерҙек – ҡурайыбыҙҙы Башҡортостандың төбәк бренды итеп танығандар. Рәсәй патентының Федераль сәнәғәт милек институты уйын ҡоралы – ҡурайҙың килеп сығышының төбәк урынын теркәне. Был хаҡта беренселәрҙән булып республикабыҙҙың мәҙәниәт министры Әминә Шафиҡова һөйөнсөләне. Ҡурайҙың Башҡортостандың рәсми бренды булып танылыуы уның тап беҙҙең төбәктә барлыҡҡа килгәнен раҫлай.


Федерация Советының Фән, мәғариф һәм мәҙәниәт буйынса комитеты рәйесе урынбаҫары, сенатор Лилиә Ғүмәрованың һүҙҙәренә ҡара­ғанда, Бөтә Рәсәй патент-техник китапханаһында барған һөйләшеүҙә 250 тирәһе белгес ҡатнашҡан, шул иҫәптән илебеҙҙең төбәктәренән дә вәкилдәрҙе саҡырғандар. Шул иғтибарға лайыҡ, арҙаҡлы ҡурайсы, Башҡортостандың халыҡ артисы, Салауат Юлаев исемендәге дәүләт премияһы лауреаты Азат Айытҡоловтың был изге эште күптән башлап ебәргәнен барыһы ла хәтерләйҙер.
Берәй дәүләтте нисек күҙ алдына баҫтыралар? Ә Башҡортостанды? Һүҙ ҙә юҡ, визит карточкаһы була алырлыҡ тауарҙарыбыҙ бихисап. Башҡортто танытҡан балы, ҡымыҙы, ҡурайы, милли батырыбыҙ Салауат Юлаев, үҙ сиратында шул исемдәге хоккей командаһы һәм башҡалар бар. Шулар араһынан ете тажлы үлән ҡурайыбыҙҙың дәүләт символдарыбыҙҙа һынландырылыуы күпте һөйләй. Бер юлы флагта ла, гербта ла уның урын алыуы, хатта гимнда ла моңо яңғырауы ғәжәп бит!
Республика халыҡ ижады үҙәге тейешле документтар йыйғанда өҫтәмә рәүештә ғилми тикшеренеүҙәр алып барған, ҡурай буйынса оҫталар менән кәңәшләшкән, әллә күпме архив белешмәләре туплаған. Республикабыҙҙың Ҡурайсылар союзы ла бик ҙур ярҙам күрһәткән.
Йәшермәйек, ҡурай тирәһендә тартҡы­ла­шыуҙар ҙа булманы түгел. Бер ваҡыт был ҡоралда уйнаусыларҙың бөтөү хәленә етеүенә лә шаһит инек. Ата-бабаларыбыҙ ҡалдырған мираҫтан нисек кенә ҡолаҡ ҡаҡтырырға маташмаһындар, Урал тәбиғәтендә үҫкән көпшә ҡурайҙы бүтән береһе лә алмаштыра алмай. Ғәбит сәсән, Ишмөхәмәт сәсән, Ишмулла һәм Сәйфулла Дилмөхәмәтовтар, Рәхмәтулла Бүләкәнов, Кәрим Дияров, Юлай Ғәйнетдинов, Ишморат Илбәков, Әҙеһәм Исҡужин, Рәсүл Ҡарабулатов, Роберт Юлдашев һәм башҡа оҫталар көйҙәр яңғыратҡан ҡурайыбыҙ мәңге уйнап торор, мәңге тынмаҫ...
Шулай итеп, Тула гармунынан ҡала, уйын ҡоралы булараҡ ҡурай икенсе булып рәсми теркәү үтте.


Артур ӘЛИБӘКОВ, Республика халыҡ ижады үҙәге директоры:
– Бөгөнгө глобалләштереү заманында милли үҙенсәлектәр юғалыуға табан бара. Төп маҡсат – халҡыбыҙға мөһим булған ата-бабаларыбыҙҙан ҡалған алтын мираҫты һаҡлап алып ҡалыу. Ҡурай – музыка уйын ҡоралы ғына түгел, ә милләтебеҙҙең йөрәге, тын алышы, күңел кисереше, тарихын һаҡлап алып килеүсе, йәш быуынға еткереүсе.

Азат АЙЫТҠОЛОВ, Башҡортостандың халыҡ артисы, Салауат Юлаев исемендәге дәүләт премияһы лауреаты:
– Әлбиттә, был бер көндә генә башҡарыла торған бурыс түгел. Мин Ҡурайсылар союзы рәйесе булғанда уҡ эш башланғайны, әммә төрлө сәбәптәр арҡаһында һүнеңкерәп ҡалды. Республикабыҙға яңы етәкселек килгәс, эш ҡыҙыулана төштө. Һәм, ниһайәт, ҡурайыбыҙға патент бирелде. “Оло еңеүең менән!” – тип ҡотлаусылар күп. “Быны бөтә башҡорт халҡының еңеүе тип ҡабул итәйек”, – тип аңлатам барыһына ла. Иң беренсе Башҡортостан Мәҙәниәт министрлығына оло рәхмәтемде белдерәм. Хыялдарымдың икеһе тормошҡа ашты ла инде – ҡурайсыларҙы ваҡытынан алдан пенсияға сығарыуҙы һәм ҡурайға патент алыуҙы хәл итеүҙән тыш, милли уйын ҡоралына һәйкәл ҡуйыу уйы менән дә янам.

Заһир ШӘЙӘХМӘТОВ, ҡурайсы, 6-сы музыка мәктәбе директоры:
– Был яңылыҡты ифрат шатланып ҡабул иттем. Ҡурайҙы һаҡлап ҡалыу, улай ғына ла түгел, нәҡ башҡорттоҡо итеүгә күпме көс түгелгәнен тик ҡурайсы Азат Миңлеғәле улы үҙе генә беләлер. Юғиһә кемдәр генә уны үҙҙәренеке итергә тырышманы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Радик Юлъякшин да килә

Радик Юлъякшин да килә 05.02.2019 // Анонстар

6 февралдә Башҡортостандың халыҡ артисы Әхәт Мортазиндың Хәтер кисәһе үтә....

Тотош уҡырға 842

Ғабдрахман Ҡадировтың мотоциклын күрергә килегеҙ

Ғабдрахман Ҡадировтың мотоциклын күрергә килегеҙ 09.01.2019 // Анонстар

29 ғинуарҙа Башҡорт дәүләт филармонияһында “Башҡортостандың 100 исеме” проекты сиктәрендә “Тәүге...

Тотош уҡырға 879

Рок тере. Мәннән дә тере

Рок тере. Мәннән дә тере 14.12.2018 // Анонстар

Башҡорт рок-музыка яратыусылары йәнә Өфөлә “Урал батыр” республика фестивалендә йыйыласаҡ. Икенсе...

Тотош уҡырға 909

Телевидениела – “Тракторсы мөхәббәте”

Телевидениела – “Тракторсы мөхәббәте” 26.10.2018 // Анонстар

Башҡортостан юлдаш телеканалы “Тракторсы мөхәббәте” тигән ҡаҙаҡ киносериалын күрһәтә....

Тотош уҡырға 983

Аҙанлы таң – көнгә ҡеүәт

Аҙанлы таң – көнгә ҡеүәт 22.08.2018 // Йәмғиәт / Анонстар

Байрамса кейенгән, йөҙҙәрендә нур балҡыған, ҡараштарынан изгелек бөркөлгән ҡәрҙәштәребеҙ иртә менән...

Тотош уҡырға 998

Иҫке Күлдә – яңы үҙәк

Иҫке Күлдә – яңы үҙәк 21.08.2018 // Социаль мәсьәлә / Анонстар

Нуриман районының Иҫке Күл ауылында “Башҡортостандың 100 йыллығына – 100 объект” программаһына...

Тотош уҡырға 1 101

Нуриман районының Иҫкекүл ауылында яңы социаль-мәҙәни үҙәк асылды

Нуриман районының Иҫкекүл ауылында яңы социаль-мәҙәни үҙәк асылды 17.08.2018 // Йәмғиәт / Анонстар

Нуриман районының Иҫкекүл ауылында социаль-мәҙәни үҙәк асылды. Тантанала республика Башлығы...

Тотош уҡырға 1 123

Башҡорт сәйен эсеп ҡарағыҙ!

Башҡорт сәйен эсеп ҡарағыҙ! 16.08.2018 // Иҡтисад / Анонстар

Боланут (иван-чай) хаҡында күптәрҙең ишеткәне бар. Интернет селтәрендә лә был шифалы эсемлектең...

Тотош уҡырға 1 137

Ергә эйелергә йыбанмаһаң...

Ергә эйелергә йыбанмаһаң... 15.08.2018 // Эшҡыуар / Анонстар

Илле дүрт сутый баҡса. Аҙмы был, күпме? Йөҙәр гектар баҫыуҙарҙа эш иткәндәргә бындай ҙурлыҡтағы...

Тотош уҡырға 1 197

Төбәк бәҫе – мәғарифтың көсөндә

Төбәк бәҫе – мәғарифтың көсөндә 14.08.2018 // Социаль мәсьәлә / Анонстар

Баш ҡалабыҙ Өфөлә сираттағы Мәғариф буйынса республика кәңәшмәһе үтте. Уның эшендә 600-ҙән ашыу...

Тотош уҡырға 1 067

Эштең ауырлығын һиҙмәйҙәр

Эштең ауырлығын һиҙмәйҙәр 10.08.2018 // Иҡтисад / Анонстар

Байрам алдынан төҙөлөш тармағы хеҙмәткәрҙәре Башҡортостан Республикаһы Башлығы Рөстәм Хәмитовтың...

Тотош уҡырға 1 065

Күрһәтерлек өлгө бар

Күрһәтерлек өлгө бар 08.08.2018 // Иҡтисад / Анонстар

Республика Башлығы Рөстәм Хәмитов Бүздәк районына эш сәфәре барышында ураҡ барышы менән танышты,...

Тотош уҡырға 1 035