Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Ауыл табибы” тигән исеме бар...
Бүздәк районының Күҙәй ауылы район үҙәгенән бер аҙ ситтәрәк урынлашҡан: йомоштарҙы йомошлайым тиһәң, биш тиҫтә километрға яҡын юл үтергә кәрәк. Ә сирләп-фәлән китһәң? Ай-һай, тикшерелеү һәм дауаланыу өсөн был арала көн дә йөрөү һис тә еңелдән түгел, бигерәк тә балалы ғаиләләргә, оло йәштәгеләргә. Шуға ла үҙендә 500-ләп самаһы кеше йәшәгән Күҙәй генә түгел, күрше-тирә ауылдарҙың халҡы өсөн дә урындағы табип амбулаторияһының даими эшләп тороуы ифрат мөһим. 1937 йылдан үҙ эшмәкәрлеген башлаған, тарихыбыҙҙың төрлө осорҙарын үткәргән, һәр саҡ халыҡ сәләмәтлеге һағында торған был учреждение иһә бөгөн яңы һулыш кисерә.

Кешеләрҙең бына ошондай ябай, әммә мөһим өмөттәрен аҡлап, ауыл тормошона йәнлелек һәм ышаныс өҫтәп, бынан ике йыл самаһы элек йәш табип Эльвина Мәсәлимова Күҙәйгә эшкә килгән. Благовар районының Мирный ауылында тыуып үҫкән ул. 2017 йылда Башҡорт дәүләт медицина университетын тамамлаған.

– Атайым менән әсәйем – ябай ауыл кешеләре. Медицина менән ҡыҙыҡһыныу иһә бала саҡтан килә. Әллә ғаиләлә берҙән-бер бала булғанға, яҡындарым бер ваҡытта ла хыялдарымды сикләмәне – күңелемә ятҡан шөғөлдө һайланым. Бына ошолай, үҙем теләп-тырышып табип булып киттем, – ти Эльвина Дамир ҡыҙы.

Әле генә юғары уҡыу йортон та­мамлаған йәш белгестең төпкөл­дәге Күҙәй табиплыҡ амбулатория­һына эшкә килеүенә бәғзеләр аптырап та ҡалғандыр, сөнки йәше­рен-батырыны юҡ, хәҙерге йәштәр үҫеш өсөн ҡулай булған ҡала поликлиникаларын, дауаханаларын йә булмаһа район үҙәктәрендәге ҙур медицина учреждениеларын үҙ итә. Был йәһәттән дә яуабы әҙер Эльвинаның: бер ваҡытта ла ҙур ҡала мөмкинлектәре уны ҡыҙыҡһындырмаған, һил ауыл тормошо, күңелгә яҡын таныш кешеләр менән аралашып, уларға файҙа килтереп лайыҡлы тормош юлы үтеү – белгестең хыялы.

Күҙәйҙәге медицина учреж­дениеһында бер табип, шәфҡәт туташтары, лаборатория белгестәре – йәмғеһе тиҫтәләп белгес эшләй.
Быға тиклем халыҡты оҙаҡ йылдар дауамында тәжрибәле доктор, кешелекле һәм кеселекле белгес Рида Ғәли ҡыҙы Теләпова дауа­лаған. Пенсия йәшенә еткәс тә кешеләрҙең үтенесе буйынса байтаҡ йылдар эшләгән әле ул. Урынына килгән йәш белгес Эльвина Мәсәлимованы ихлас ҡаршы алған, халыҡ менән танышып, эштең айышына төшөнгәнсе кәңәш­тәре менән ярҙамлашып, олпат тәжрибәһе менән уртаҡлашып, дәртләндереп торған.

– Коллектив мине, ғөмүмән, бик йылы ҡаршы алды. Хәйер, бында ихлас, ярҙамсыл кешеләр йәшә­гәнен һәм эшләгәнен алдан уҡ ишетеп белә инем. Шуға үҙем дә асыҡ күңелле, башҡаларға файҙалы булырға тырышам. Ауыл ерендә халыҡтың күҙ терәп торған табибы булыу иңгә иҫ киткес ҙур яуаплылыҡ өҫтәй бит ул. Ҡайһы саҡта бәғзеләр, сире йонсотҡандан бигерәк, бер аҙ гәпләшеп, донъяуи хәлдәрҙе барлап алырға, йылы һүҙ ишетер өсөн дә инеп сыға. Мәҫәлән, кемдеңдер балалары оҙағыраҡ ҡайтмаған, ҡайһыһының ниндәйҙер ғәмәлгә күңеле ҡырылған... Бына ошондай ваҡытта ла ауылдаштарымды тыңларға, аңларға тырышам. Һүҙ менән дә күңел дауалана бит, – тип йылмая Эльвина Дамир ҡыҙы.

Хәйер, тормош һәүетемсә аҡһа ла, төрлө хәлдәр килеп тыуғанда, һәр саҡ тейешле медицина ярҙамы күрһәтә бындағы белгестәр. Дөйөм практика табибы Эльвина Мәсә­лимова, фельдшер-акушер, балалар шәфҡәт туташы, процедуралар яһаған шәфҡәт туташтары, анализдар алған лаборатория белгестәре – һәммәһе лә тәүлек әйләнәһенә халыҡтың һаулығы һағында. Стационар шарттарҙа дауаланыу өсөн алты койка-урын да ҡаралған. Ә Күҙәй ауыл биләмәһе ярайһы ғына ҙур: 11 ауылда ике меңдән ашыу кеше йәшәй. Иң алыҫ тораҡ Күҙәйҙән 20 километр самаһы алыҫлыҡта урынлашҡан, медицина ярҙамы кәрәк булған осраҡта, амбулаторияның махсус автомобиле һәм водителе бар.

...Күптән түгел йәш табип Эльвина Мәсәлимованың тормошонда тағы бер ҙур ваҡиға булған – һөйгән кешеһе менән ғаилә ҡорған ул. Тормош иптәше лә Благовар районынан, ауыл хужалығы белгесе. Эльвина кеүек Күҙәйҙе үҙ итә. Әлегә йәштәрҙең, әлбиттә, үҙ торлаҡтары юҡ, ваҡытлыса мөйөш табылған. Әммә тормоштарын йәмләп ебәрер­лек өмөттәре лә юҡ түгел: ер участкаһы һатып алғандар, “Ауыл табибы” программаһы буйынса түләнгән бер миллион һум аҡсаны ла торлаҡ өсөн тотонмаҡсылар.


Автор: Махсус битте Гүзәлиә БАЛТАБАЕВА әҙерләне
Фото: Айрат Нурмөхәмәтов фотолары


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Төйәләҫтәр алыҫҡа йөрөмәҫ

Төйәләҫтәр алыҫҡа йөрөмәҫ 30.03.2019 // Социаль мәсьәлә

Сибай ҡалаһының Төйәләҫ ҡасабаһында йыл аҙағында заман талаптарына яуап биргән фельдшер-акушерлыҡ...

Тотош уҡырға 2 259

Көслө рухлыларҙы йыйҙы "Баһадир"

Көслө рухлыларҙы йыйҙы "Баһадир" 29.03.2019 // Социаль мәсьәлә

Баймаҡтың “Баһадир” физкультура-һауыҡтырыу комплексында һаулыҡ мөмкинлектәре сикләнгән балалар һәм...

Тотош уҡырға 1 168

“Ахай” өлкәндәрҙе көтә

“Ахай” өлкәндәрҙе көтә 29.03.2019 // Социаль мәсьәлә

Ярҙамға мохтаж ололар, инвалидтар унда яҡлау таба....

Тотош уҡырға 1 617

Иң яҡшы бүләк – аралашыу

Иң яҡшы бүләк – аралашыу 27.03.2019 // Социаль мәсьәлә

Ишембай районының Петровский ауылындағы балалар йорто тәрбиәләнеүселәре Өфө дәүләт нефть техник...

Тотош уҡырға 1 279

"Бөгөндән ҡабул итергә әҙербеҙ"

"Бөгөндән ҡабул итергә әҙербеҙ" 27.03.2019 // Социаль мәсьәлә

Ошо көндәрҙә Башҡортостан дәүләт медицина университетынан буласаҡ табиптар эш биреүселәр менән...

Тотош уҡырға 1 289

Үҙебеҙҙә дауаланһындар тиһәк…

Үҙебеҙҙә дауаланһындар тиһәк… 27.03.2019 // Социаль мәсьәлә

Республика йортонда Башҡортостан Башлығы вазифаһын ваҡытлыса башҡарыусы Радий Хәбиров “Сәләмәтлек...

Тотош уҡырға 1 079

"Генус" менән килешеү өҙөлә

"Генус" менән килешеү өҙөлә 26.03.2019 // Социаль мәсьәлә

Башҡортостан Хөкүмәте “Генус” шәхси компанияһы менән Салауат бала табыу йортона бәйле концессион...

Тотош уҡырға 1 109

Ысын дуҫлыҡҡа нигеҙ

Ысын дуҫлыҡҡа нигеҙ 25.03.2019 // Социаль мәсьәлә

Бөрйәндә һаулыҡ мөмкинлектәре сикләнгән һәм ата-әсә ҡарауынан мәхрүм ҡалған балалар өсөн “Бәләкәй...

Тотош уҡырға 1 211

Каринэ Хәбирова аш-һыу серҙәрен дә асты

Каринэ Хәбирова аш-һыу серҙәрен дә асты 24.03.2019 // Социаль мәсьәлә

Башҡортостан Башлығы вазифаһын башҡарыусы Радий Хәбировтың ҡатыны Каринэ Александровна...

Тотош уҡырға 1 197

“Иң ҡырҡыу мәсьәлә – табиптар етешмәүе”

“Иң ҡырҡыу мәсьәлә – табиптар етешмәүе” 22.03.2019 // Социаль мәсьәлә

“Рәсәй 24” телеканалына биргән интервьюһында Башҡортостан Башлығы вазифаһын ваҡытлыса башҡарыусы...

Тотош уҡырға 1 255

Аҙнаһына дүрт көн эшләрҙәрме?

Аҙнаһына дүрт көн эшләрҙәрме? 21.03.2019 // Социаль мәсьәлә

Республикала өс һәм унан күберәк бала тәрбиәләгән әсәләрҙең аҙнаһына дүрт көн эшләй, хеҙмәтен...

Тотош уҡырға 1 108

Ҡала табиптарының үҙҙәренә лә ярҙам кәрәк

Ҡала табиптарының үҙҙәренә лә ярҙам кәрәк 21.03.2019 // Социаль мәсьәлә

“Һаулыҡ сәғәте”ндә төбәк етәксеһе Радий Хәбиров республиканың ҡала дауаханаларына эшкә барған...

Тотош уҡырға 1 168