Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Донъяға ғашиҡ композитор
Донъяға ғашиҡ композиторШағирә һәм композитор, журналист һәм драматург, Башҡортостандың атҡаҙанған уҡытыусыһы Зөһрә Хәдит ҡыҙы Фәйзуллинаның ижади тормошона бағышланған “Йырҙарымда – асылым” исемле тамаша гөрләп үтте.

Әбйәлил районының йәмле Ҡыҙыл буйында Ҡырҡтытау итәгендә урын­лашҡан Ҡаҙмаш ауылында уҡытыусылар ғаиләһендә донъяға килә Зөһрә Хәдит ҡыҙы. Йыр сәнғәтенә иртә ғашиҡ була ул, атаһының оҫта гармун уйнағанына әсәһе ҡушылып, моңло итеп йырлар булған.
– Үҙемде белгәндән алып йырлайым, бейейем, таҡмаҡ әйтәм, – ти композитор, хәтирәләр ебен һүтеп. – Әсәйем менән атайым кеүек уҡы­тыусы һөнәре буйынса белем алдым, гел төрлө түңәрәктәр ойош­торҙом: бейеү, йыр йәки шиғри берекмәләр астым.
Ғүмере буйы мәктәптә эшләгән Зөһрә Хәдит ҡыҙы “Атайсал” гәзитендә бүлек мөдире була, Сибай ҡала­һындағы “Сулпан” балалар театрында әҙәби бүлекте етәкләй. “Өсмөйөшлө һалдат хаттары...”, “Үҙем генә беләм”, “Аҡҡош моңо”, “Илекле ҡыҙ”, “Ҡыҙылым” йырҙары уның визит карточкаһына әйләнгән. “Мәктәп вальсы” инде утыҙ бер йыл Башҡортос­таныбыҙҙың һәр мәктәбендә сығарылыш класы уҡыусыларының ғына түгел, ата-әсәләр, уҡытыусылар күңеленә үтеп инә. “Олатайым аманаты”, “Оло Етегән”, “Йәйғор төҫө”, “Мәктәп сәхнәһе өсөн пьесалар”, “Беҙҙең байрамдар” исемле йыйынтыҡтары донъя күрә. З. Фәйзул­линаның пьесалары “Сулпан” һәм Өфө ҡурсаҡ театрҙарында тамашасы тарафынан йылы ҡабул ителә.
– 2002 йылда филармонияға килгәс иң беренсе уның “Ҡайындарым” тигән йырын йырланым. Шуның менән минең ижад юлым башланып китте, – тип бүлеште билдәле йырсы, Сибай филармонияһы солисы Айгөл Әсәҙуллина.– Баязит Байназаров, Нәркәс Әсәҙуллина менән Зөһрә апай йырҙарына бик уңышлы, танылған дуэттар башҡарабыҙ. Ғөмүмән әйткәндә, Зөһрә апайҙың ижадын яратам, район­даш булараҡ та миңә яҡын. Ул донъяны, кешеләрҙе ярата, наҙы бөтәһенә лә етә, шуға күрә үҙенә йәлеп итеп тора.
Билдәле йыр-моң эйәһенең ижадына арналған концертта Лилиә Ишем­йәрова, Урал Мортазин, Алһыу Бәхтиева, Нәсимә һәм Азамат Тимеровтар, Сәйет Билалов, Нәркәс Сиражетдинова, Әлфиә Әмирханова, Салауат Мөхәмәтйәнов һәм башҡа танылған сәнғәт оҫталары, Сибай концерт-театр берекмәһенең “Сибай” халыҡ бейеүҙәре ансамбле һәм йырсылары ҡатнашты. Зөһрә Хәдит ҡыҙын ҡотларға тип уның класташтары, төркөмдәштәре, ҡәләмдәш дуҫтары, йырсылар килде, сәскә-гөлләмәләр, бүләктәр тапшырҙы.
– Зөһрә апайҙың йырҙары беҙгә, Урал аръяғынан сыҡҡандарға (Лилиә Ишемйәрова, Сәғиҙулла Байегет, Гөлсөм Бикбулатова, Альберт Салауатов), ижад бейеклектәрен яулар өсөн трамплин булды, – ти Башҡортос­тандың атҡаҙанған артисы Алһыу Бәхтиева.
Композитор үҙе әйтеүенсә, сәхнә кешеһе хыялый һәм тырыш булырға тейеш. Шул саҡта ғына бөйөк маҡсаттарға ирешергә, яңы үрҙәрҙе яуларға мөмкин.
Зөһрә Фәйзуллинаны ысын мәғәнәһендә бәхетле кеше тип әйтергә була, ә ижадсының бәхете тәү сиратта уның күңел сафлығынан килә. Йәйғорло хистәре, серле күңел донъяһы менән һәр кемде әсир итә алыр ғәжәйеп тәбиғәтле ил инәһенә сәләмәтлек, һәр көнө шатлыҡҡа һәм бәхеткә тулы, йөҙө аяҙ, көләс булыуын теләйем.

Әлфинә КИЛДЕЙӘРОВА,
БДПУ студенты.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Бер быуаттан йәнә тупланы Темәс

Бер быуаттан йәнә тупланы Темәс 31.03.2019 // Рухиәт

Тап бынан йөҙ элек булған кеүек үк, ҡунаҡтарҙы Темәс ерендә һыбайлылар флагтар тотоп ҡаршы алды....

Тотош уҡырға 1 189

Татарстан башҡорттары ҡоролтайға әҙерме?

Татарстан башҡорттары ҡоролтайға әҙерме? 30.03.2019 // Рухиәт

Бөгөн Ҡазанда Татарстан башҡорттары ҡоролтайы ултырышы булды....

Тотош уҡырға 1 212

Бабичтың кендек ҡаны тамған ер ул Ҡыйғаҙытамаҡ!

Бабичтың кендек ҡаны тамған ер ул Ҡыйғаҙытамаҡ! 30.03.2019 // Рухиәт

Башҡортостан автономияһының йылъяҙмасыһы, дәүләт эшмәкәре, шағир, музыкант, ойоштороусы Шәйехзада...

Тотош уҡырға 1 174

Шәхестәре данлай төйәкте

Шәхестәре данлай төйәкте 30.03.2019 // Рухиәт

Башҡортостандың 100 йыллығы уңайынан Ейәнсура районы үҙәге Иҫәнғолда күркәм байрам тантаналары...

Тотош уҡырға 1 181

Санкт-Петербургта – башҡорт ҡоролтайы

Санкт-Петербургта – башҡорт ҡоролтайы 30.03.2019 // Рухиәт

V Бөтә донъя башҡорттары ҡоролтайына республикабыҙҙың ҡала-райондарында, милләттәштәребеҙ күпләп...

Тотош уҡырға 1 152

Байғусҡар музейында – тәүге ҡунаҡтар

Байғусҡар музейында – тәүге ҡунаҡтар 27.03.2019 // Рухиәт

Хәйбулла районының Байғусҡар мәҙәниәт йорто янында музей асылды. Уны экспонаттар менән...

Тотош уҡырға 382

Дәүләкәндәр ҡорға йыйылды

Дәүләкәндәр ҡорға йыйылды 27.03.2019 // Рухиәт

Бөгөн Дәүләкән ҡалаһында район башҡорттары ҡоролтайы ултырышы үтте....

Тотош уҡырға 325

Беҙ үҙебеҙҙекеләрҙе ташламайбыҙ!

Беҙ үҙебеҙҙекеләрҙе ташламайбыҙ! 23.03.2019 // Рухиәт

Республика Башлығы вазифаһын ваҡытлыса башҡарыусы Радий Хәбиров юбилей тантанаһында тел һәм...

Тотош уҡырға 419

Дуҫлыҡ тамырҙарыбыҙ тәрәндә

Дуҫлыҡ тамырҙарыбыҙ тәрәндә 23.03.2019 // Рухиәт

Республикабыҙҙың оло байрамына тѳрлѳ милләт вәкилдәре килде. Уларҙың һәр ҡайһыһы Башҡортостанға,...

Тотош уҡырға 350

Хәлең нисек, Хәйбулла башҡорто?

Хәлең нисек, Хәйбулла башҡорто? 23.03.2019 // Рухиәт

Республиканың 100 йыллығын билдәләү уңайынан Аҡъяр мәҙәниәт йортонда Хәйбулла районы башҡорттары...

Тотош уҡырға 294

Вәкәләтле илселәр

Вәкәләтле илселәр 22.03.2019 // Рухиәт

Бына нисәмә йыл инде “Китап” нәшриәте уҡыусыларын һөйөндөрөп, халыҡҡа рухи аҙыҡ өләшә....

Тотош уҡырға 405

Тарих ни һөйләй?

Тарих ни һөйләй? 20.03.2019 // Рухиәт

Иле бар халыҡ кәм булмаҫ....

Тотош уҡырға 414