Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Кемдең ҡымыҙы иң тәмлеһе?
Кемдең ҡымыҙы иң тәмлеһе?Дәүләкән районында ҡымыҙ бешеү оҫталарының XII республика конкурсы үтеүе хаҡында алдан хәбәр иткәйнек инде. 47 райондан килгән ҡунаҡтарҙың 37-һе ҡымыҙ әҙерләү буйынса үҙенең таһыллығын күрһәтте.
Дим буйҙарын төйәк иткән башҡорттар элек-электән малсылыҡ, ҡымыҙ бешеү менән ихлас шөғөлләнгән. Лев Толстой, Антон Чехов кеүек бөйөк яҙыусыларҙың ғәжәп эсемлек менән сихәтләнер өсөн ошо төбәктәргә килеүе генә лә күп нәмә хаҡында һөйләй. Был яҡтар атай-олатайҙар шөғөлөн бөгөн дә ҙур теләк менән дауам итә.

Конкурс район мәҙәниәт һара­йында башланды. Бында ҡымыҙ әҙерләү маһирҙары башта теоретик белемдәрен күрһәтте. Унан ҡунаҡтар Яңы Яппар ауылына юлланды. Тө­ҙөк, ҡупшы йорттар, иркен ҡуралар урындағы халыҡтың заман ауыр­лығына зарланмай, ә булған мөмкинлекте уңышлы файҙаланып йәшәүе хаҡында һөйләй ине. Ҡунаҡтарҙы иң тәүҙә Гөлназ һәм Рөстәм Сәлимгәрәевтәр ҡаршыланы. Йылҡы малы үрсетеп, ҡымыҙ етеш­тереү менән шөғөлләнгән ғаиләнең эшмәкәрлеге менән танышҡас, һәр кем күңелендә, бына шулай йәшәһәң ине, тигән теләк тыуғандыр, моғайын. Гөлфирә менән Илшат Хәлиул­лин­дар, Зифа менән Филүс Хәлиул­линдарҙың да ҡунаҡтарға ғорур­ла­нып һөйләрлек уңыштары бар. Ҡурала ҡолондар уйнаҡлай, бейә­ләр кешнәшә. Ә инде былтыр ҡымыҙ бешеү буйынса республика чемпионы тип танылған Сания Ниғмәтул­лина тормош иптәше Илгиз менән булдырған хужалыҡ, ат фермалары буйлап йөрөгәндә, улар өсөн шундай уңғандар булыуына һоҡ­ландыҡ. Бөтәһе ике йөҙгә яҡын йылҡы малы аҫрайҙар. Заманса һауыу аппараттары менән эш итә ҡымыҙсылар. Етештергән эсемлек­тәре респуб­лика­быҙҙың төрлө сауҙа нөктә­ләрендә һатыла. Татлы бул­ғанға күрә лә халыҡ уларҙыҡын эҙләп, һорап ала.
Кемдең ҡымыҙы иң тәмлеһе?
Кемдең ҡымыҙы иң тәмлеһе?Ярышты республика ауыл хужа­лығы министры Илшат Фазрахманов асып, байрам менән тәбрикләне, уңыштар теләне.
– Ҡымыҙ бешеү – атай-олатай­ҙарыбыҙҙан ҡалған йола, – тине тармаҡ етәсеһе. – Ул – һаулыҡ сығанағы. Бөгөнгө шарттарҙа ошо кәсепте тергеҙеп, дауам итеп, үҙебеҙҙең иҡтисади хәлебеҙҙе, тормошобоҙҙо нығытабыҙ.
Ә тантана барған майҙанда һәр кешегә төрлө райондарҙан килгән ҡунаҡтарҙың ҡымыҙын, ҡаҙылығын тәмләү, һатып алыу форсаты тейҙе. Баймаҡ районының Йомаш ауылынан шәхси эшҡыуар Зифа Иҫәнова алыҫ ара тип тормай хатта ейәнсәре Гөлгөнәне лә алып килгән.
– Ҡала ҡыҙы булһа ла, каникулда миңә ихлас ярҙамлаша, – тип ҡыуанып һөйләне өләсәй. – Хәҙер ул да ҡымыҙ бешә белә.
Зифа инәй ҡымыҙҙы ерек сөрөгө менән ыҫлап та, сейә емеше ҡушып та әҙерләй.
– Ҡырҡҡа яҡын бейәбеҙ бар, әле ун өсөн һауабыҙ, – тине.
Әбйәлил районының Ишҡол ауылынан Зәлиә менән Рөстәм Мәхийә­новтар – республикала билдәле фермерҙар. Уңғандарҙың ҡураһында өс йөҙ самаһы йылҡы малы бар.
Бына барыһы ла түҙемһеҙләнеп көткән минуттар етте. Һәр кемдең ҡымыҙын, уның нисек етеште­релеүен, ниндәй һауыттарға тултырылыуын ентекле тикшергән жюри комиссияһының һөҙөмтәләре әҙер. Конкурстың чемпионы тип “Йоматау” шифаханаһы директоры Рушан Нәбиуллин танылды. Төп бүләк – башҡорт тоҡомло айғырҙы “Өфө” йылҡысылыҡ заводы директоры Рөстәм Сәйетов тапшырҙы. Әбйә­лил районынан икенсе урынды яулаған Гүзәлиә Мәхийәноваға танылған фермер Хәсән Иҙиәтуллин йылҡы малы бүләк итте. Өсөнсө баҫҡысҡа Белорет уҙаманы Рәүеф Мәғә­фүров күтәрелде. Бүләккә эләк­кән ҡолон уның артабанғы эшендә ырыҫ, ҡот килтерер тип ышанғы килә.
Әйткәндәй, конкурста башҡа төр­лө мауыҡтырғыс ярыштар ҙа ойошторолдо. Мәҫәлән, ат туғарып егеү буйынса Мәләүезден Рауил Хаюков иң таһыллыһы тип билдәләнһә, Әбйәлилдән Рәсих Ҡарабандин икенсе булды.
Ҡымыҙ етештереү буйынса был­тырғы күрһәткестәргә лә йомғаҡ яһалды. Беренсе урынды алған – Баймаҡ, икенсегә сыҡҡан Әбйәлил, өсөнсө баҫҡысҡа күтәрелгән Бәләбәй райондары министрлыҡтың дипломдары менән бүләкләнде.

Дәүләкән районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 727

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 732

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 869

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 1 027

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 863

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 824

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 845

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 1 107

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 145

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 256

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 238

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 214