Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Бөркөт өсөн офоҡ ята йәйрәп, Ҡунһа осоп ҡая башына
Сатирик-шағир Камил Фазлый (Камил Нәжми улы Фазлетдинов) Бәләбәй районының Туҙлыҡыуыш ауылында хеҙмәткәр ғаиләһендә тыуған. Тәүге шиғырҙары урындағы урта мәктәптең VII класында уҡығанда “Башҡортостан пионеры” гәзитендә донъя күрә, радионан яңғырай. Мәктәпте тамамлау менән, ул Баймырҙа һигеҙ йыллыҡ мәктәбендә уҡыта, өлкән пионервожатый, комсомол райкомы тәҡдиме менән Бәләбәй эске эштәр бүлегендә милиционер була, Совет Армияһында хәрби бурысын үтәй.

1975 йылда Башҡорт дәүләт университетының филология факультетын тамамлағас, тыуған ауылына ҡайтып, ғүмере буйы йәш быуынға белем бирә, 11 йыл мәктәп директоры була. Урыҫ, немец, татар, башҡорт телдәренән уҡыта. Башҡорт теле уҡытыусыларының йыл бәйгеләрендә ҡатнашып, ҡала һәм районда еңеүҙәр яуланы, республика бәйгеһендә “Сәсән телле мөғәллим” номинацияһына лайыҡ булды. Ул – Башҡортостандың мәғариф алдынғыһы, Башҡортостандың атҡаҙанған уҡытыусыһы, “Рәсәй Федерацияһының иң яҡшы уҡытыусылары” конкурсы еңеүсеһе, Бәләбәй районының почетлы гражданы.

Зәйнәб Биишева исемендәге “Китап” нәшриәтендә бер нисә шиғри йыйынтығы донъя күрҙе. Камил Фазлый — Башҡортостан һәм Рәсәй Яҙыусылар, Журналистар союздары ағзаһы, Фәтих Кәрим исемендәге премия лауреаты.

Ғүмер тауы

Етмеш йәшкә бөгөн аяҡ баҫтым
Һәм ҡараным өҫтән түбәнгә.
Етмеш баҫмаң баҫып күтәрелдем,
Әй, ғүмерем, һине һөйгәнгә.

Сабый саҡтың сәскә яланынан —
Шул баҫҡыстан үрләп менгәнмен.
Кесе йәштән әжәл аяҡ салған,
Көрәшкәнмен, уны еңгәнмен.

Етмешемдең офоғо киңерәк,
Алыҫыраҡ бынан асыла.
Үткәндәрем томан эстәрендә,
Тарих булып ташҡа баҫыла.

Күптәр аҫта минән, өҫтә – аҙҙар,
Ҡул болғайҙар: “Әйҙә, юғары!
Һикһәнгә — ун, йөҙ йәшеңә тиклем
Утыҙ баҫма ҡалған ни бары!”

Әй, баҫмалар! Баҫып менгән һайын
Иҫә елдәр өҫтә көслөрәк.
Бына-бына йолҡоп осорорҙай,
Тотонорға һис бер юҡ терәк.

Күпме дуҫтар, ана, төштө осоп,
Күпмеһенең хәле самалы.
Бик борондан тауға үрләгәндәр,
Ғүмер-тауҙан торған заманы.

Йәбешәбеҙ, ғүмер тауы, һиңә,
Йәшәү көсө ҡалғас таяҡҡа.
Теш-тырнаҡлап йәбешәбеҙ, бел һин,
Өҙөлһә ҡул, хатта аяҡ та!

Әсир итә беҙҙе гүзәллегең,
Һәр инсаның һиңә табынған.
Йә, кемебеҙ осһон үҙе теләп
Упҡындарға ғүмер тауынан?!

Ҡыр ҡаҙҙары кеүек теҙелешеп
Йәшәлгән йыл йылға үрелә.
Маҡсат ҡуйып, альпинист шикелле,
Күтәреләм ғүмер үренә.

Бөркөт өсөн офоҡ ята йәйрәп,
Ҡунһа осоп ҡая башына.
Кешеләрҙең тормош офоҡтары
Ғүмер тауын яулап асыла.

Ғүмер тауын яулау — спорт майҙаны,
Ныҡлығыңдан тора, үҙеңдән.
Менгән һайын ҡөҙрәт-ҡеүәт кәмей,
Баҫҡыс буйлап... финиш теҙелгән...

Йәйғор балҡышы

1937 йылғы репрессия ҡорбаны,
Башҡортостандың халыҡ комиссары Ғ.Й. Йәһүҙиндең ҡыҙы Эра апайға

Күңелегеҙ нурлы ҡояш
Икәнен яҡшы беләм.
Ә тәрәндә — рәнйеш, әрнеү
Ете йоҙаҡҡа элгән...

Ул рәнйештәр ҡанлы йылда
Киҫелгән йәндәр өсөн.
Палач вәхшилеген ҡылған
Үлемес мәлдәр өсөн.

Тамуҡлы яуыз заманды
Күрмәһен ҡабат халыҡ.
Күҙгә ҡарап аңлашайыҡ,
Кеше бит түгел балыҡ!

Комиссар йәнле ҡыҙ бала!
Ҡайғыны эскә йыйып,
Фиҙакәрлек күрһәттегеҙ,
Яҡты маҡсаттар ҡуйып.

Атайығыҙҙай тырышып
Матурлар өсөн илде.
Аң-ҡөҙрәтте ҡушып бергә
Һәм биштән быуып билде.

Улдарығыҙ һәм ейәндәр
Атлайҙар Һеҙҙең юлдан.
Ошо юлда Йәһүҙиндәр
Күпме изгелек ҡылған!

Төҫтәр балҡышы шикелле,
Быуындар, һеҙҙең хеҙмәт.
Һеҙгә яуған рәхмәт һүҙҙәр —
Ғимад ағайға хөрмәт!

Йәйғор балҡышы шикелле,
Юлығыҙ балҡып яна.
Аҡ бәхеттәр бирһен Хоҙай,
Уңыш яңынан-яңа!

Ҡышҡы алмалар

Ҡыш уртаһы. Ынйы күлдәк
Кейгән саҡта һәр ағас,
Ҡыҙыл алмаға төрөнөп,
Ултыра бер алмағас.

Ҡурҡмайынса һалҡындарҙан,
Бирешмәйсә елдәргә.
Кем ышаныр, ошо хаҡта
Теләһәм дә һөйләргә?!

Шаҡ ҡатырып яҙайымсы,
Тиһәм быны йыр итеп,
Осто-китте “алмалар”ым-
Ҡыҙылтүштәр пыр итеп...

Күңелдәрҙе арбай ижады

Мостай Кәрим! Был тылсымлы һүҙҙән
Күҙ алдыма баҫа илкәйем —
Тал туғайлы гүзәл Башҡортостан,
Ағиҙелем менән Димкәйем.

Мостай Кәрим! Күпме уҡыусыға
Әҫәрҙәре фәһем өләшкән!
Ер шарына нурлы илһам сәскән
Алтын йондоҙ ҡалҡып Келәштән.

Мостай Кәрим! Камиллыҡтың йөҙө,
Талант менән аҡыл табышҡан.
Мөхәббәте — ҡабатланмаҫ бер йыр —
Йөрәк менән йөрәк ҡауышҡан.

Донъя әҙәбиәтенең майҙанында
Һоҡландырғыс ғәжәп таланттыр.
Илһам ҡанаттары ҡолас етмәҫ,
Фәрештәләр ҡуйған ҡанаттыр.

Ваҡсылдарға ғүмер ваҡланманы,
Танау сөйөп эре булманы.
Ялағайлы ҡуштандарҙы ситләп,
Ябай халыҡ һүҙен тыңланы.

Йырға һалды Башҡортостан данын,
Йүкә балын, ҡурай моңдарын.
Республикамдың уңған эшсәндәрен,
Гәрәбәләй иген ҡырҙарын.

Быуат үтер быуат арттарынан,
Яңы быуын уҡып таң ҡалыр.
Инеп уның ижад баҡсаһына
Күп быуындар рухи ял алыр.

Алтын йондоҙолай алтын шағир,
Үлемһеҙ йыр сәскән эш аты.
Кешеләрҙе һанлар, яҙмыштарҙы аңлар,
Тырыштарҙы данлар ижады.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 179

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 409

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 256

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 249

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 140

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 228

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 190

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 198

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 256

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 187

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 377