Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Баш ватам (Юмореска)

Беренсе апрель ине. “Кемде алдарға?” – шул һорау башымдан китмәй. Ҡатынымды шаяртырға уйлағайным: “Ә, алдарға уйлайһыңмы?” – тине. Һис рәт сығырлыҡ түгел.

Эшкә барғас та, тырышлығым бушҡа ғына булды: береһе лә ышанмай, хатта дөрөҫөн әйтһәң дә. Бына һиңә мә! Кешеләр ҙә бик етеҙләнде, үҙемде алдап китәләр.

Ярты көн уҙҙы, ә мин береһен дә һемәйтә алмайым! Булдыҡһыҙлығымдан ғәрләнеп тә ҡуям. Еңелсә генә башым ауырта башланы. Ауыртмаҫлыҡ та түгел, тырышып-тырмашып төрлө пландар ҡорам. Тик әлегә уңышһыҙ. Шул мәлдә йәше утыҙға етһә лә, һаман кейәүгә сыҡмаған Зөлфиә ҡылт итеп иҫемә килеп төштө. Бәй, мин әйтәм, бына кемде алдарға кәрәк. Эскә йылы йүгереп үткәндәй булды. Юғалған әйберемде тапҡандай шатланып, йүгерә-атлай бухгалтерияға ашыҡтым. Бәхеткә күрә, Зөлфиә үҙе генә булып сыҡты. Индем, иҫәнлек-һаулыҡ һораштым. Яҙлы-көҙлө ауырып торған әсәһенең дә таҙалығы менән ҡыҙыҡһындым. Үҙем һөйләшәм, үҙем уйланам.

Нимә тип алдарға? Һәм шалт: утыҙ биш йәшкә етеп тә кәләш ҡуйынының йылыһын татымаған Сәмит башыма килеп керҙе. Зөлфиәнең минең менән ихлас күңелдән һөйләшкәнен тойғас, йөрәгенә нығыраҡ керәм. Яйына килтереп тормош, мөхәббәт, аҡҡоштар парлы булһа ғына йәшәй ала, бәхетле була, тип фәлсәфә һатам. Зөлфиәнең мине тыңлап, фекерем менән килешеп ултырыуын күргәс, Сәмит тураһында һүҙ башланым. Мин әйтәм: “Сәмит һиңә күптән күҙ атып йөрөй, тик әйтергә генә ҡыймай”. “Зөлфиә миңә оҡшай ҙа ул, тормош юлыбыҙҙы бергә осраштырһаҡ, нисек яҡшы булыр ине”. Зөлфиәнең йөҙө үҙгәреп китте. Бөттө баш, барып сыҡмаҫмы икән?

– Ул һине ярата, Зөлфиә. Ярата. Ярата!
Шундай йомшаҡ, ябай был һүҙҙәр, әйтерһең дә, үҙемдең һөйөүемде аңлатам. Йөрәгем дөпөлдәп тибә башланы. Зөлфиәнең битенә алһыулыҡ йүгерҙе. Әһә, мин әйтәм, эш яҡшы яҡҡа уңайланды. Зөлфиә нимәлер әйтергә ауыҙын асҡайны, тиҙ генә һүҙемде дауам иттем.

– Хәҙер икегеҙ ҙә шаярыу йәшенән үткәнһегеҙ, ысынлап уйларға кәрәк. Бөгөн клубта һинд киноһы була, бар. Сәмит һине оҙатып ҡуйыр, – тип тә өҫтәп ҡуйҙым.

– Улай килешерме һуң, оят бит әле, – тип киреләнеп маташҡан була.
– Юҡ, Зөлфиә, нисек оят булһын, һин үҙ бәхетең өсөн көрәшергә тейешһең, – тип әйткәс, риза булып, баш ҡаҡты.
Быныһы булды! Тик алдауҙы дауам итергә кәрәк. Шундай хистәр менән машина паркына табан атланым. Сәмит кисә “ремонтҡа туҡтайым” тигәйне. Гаражға барып кергәндә, ул КамАЗ-ының аҫтында нимәлер борғолап ята ине.

– Сәләм, йәштәш!
– Ә, был һинме, нихәл, – тип машина аҫтынан ҡысҡырҙы. Мин килгәнгәме, әллә эше бөтөпмө, Сәмит машина аҫтынан сыҡты ла майлы ҡулын һөртә-һөртә:
– Артыҡ зыянлы булмаған, ремонтлап бөттөм инде, – тине. Хәл-әхүәл, донъя яңылыҡтары тураһында һөйләшеп алдыҡ. Мин һүҙ ҡуҙғатырға уңайлы ваҡыт эҙләйем, Сәмит, уйымды һиҙгәндәй, һорап ҡуйҙы:
– Бөгөн клубта яҡшы кино була икән.
Сығырға ла әллә нисек бер үҙемә...

Шул форсаттан файҙаланып:
– Сәмит, һин киноға сыҡ инде, бәлки, тормошоңда бөгөн ҙур үҙгәреш булыр. Зөлфиә һинең турала ҡыҙыҡһынып торғайны, – тинем.
Сәмит ҡолаҡтарына саҡлым ҡыҙарҙы. Башын түбән эйҙе, уңайһыҙлыҡтан ҡасырға тырышыпмы, асҡыс­тарын йыя башланы. Ә үҙе минең нимәлер һөй­ләгәнемде көтә.

– Сәмит ағайға күптән күҙ һалып йөрөйөм, тәҡдим яһаһа, бәлки, риза ла булыр инем, ти... – Шаштырып ебәрмәнемме икән, тип борсолоп та ҡуйҙым.

Сәмит уңайһыҙланып ҡына:
– Әллә шул, ҡыуып ҡайтармаһа ярай ҙа. Хәҙер оят инде, ҡыҙҙар артынан йөрөү ҙә онотолоп бөткән, нимә тип һүҙ башламаҡ кәрәк.
– Һин, Сәмит, үҙ бәхетеңә үҙең ҡаршы килмә әле, һин бит егет кеше, үҙ һүҙеңде әйтергә тейешһең, – тип ашыҡҡан кешеләй булып китеп тә барҙым.

“Һуңынан нимә булып бөттө һуң?” – тип һорарһығыҙ. Нимә булһын? Өсөнсө апрелдә Зөлфиә менән Сәмиткә никах уҡынылар. Минең тырышлығым менән бер яңы ғаилә артты. Бик шатмын. Бына әле алдағы йылда беренсе апрелдә кемдәрҙе ҡауыштырып шатландырырмын икән, тип баш ватам.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 1 650

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 2 022

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 1 536

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 748

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 1 568

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 1 433

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 1 489

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 1 381

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 643

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 1 374

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 1 545