Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ысын тойғоларығыҙ өсөн рәхмәт, артистар!
Ысын тойғоларығыҙ өсөн рәхмәт, артистар!Яңыраҡ шундай спектакль ҡараным, хатта бер һүҙ менән генә нимә кисергәнемде лә аңлата алманым. Үҙемдең тәүге тойғоларым менән осраштым: иланым, ғәрләндем, һыҙландым! Халыҡ артисы Фидан ағайға “үпкәләп бөттөм”. Ниңә “алданың” һин мине, Фидан ағай, мин бит Зөлҡәрнәй шаярып ҡына ғашиҡ булған, Хәниф менән икәүләшеп шаярышып ҡына йөрөйһөгөҙ икән ул агроном ҡыҙ янында тип уйлағайным. Һандуғасты әйтәм.
И. Абдуллиндың “Тиле йәшлек”пьесаһындағы геройҙар хаҡында һүҙем.



Баҡтиһәң, Зөлҡәрнәй бит Һандуғасты яратҡан! Аңлайһы­ғыҙмы, Ул Уны ысынлап та яратҡан. Был хаҡта миңә М. Аҡмулла исемендәге Башҡорт дәүләт педагогия университетының башҡорт филологияһы факультеты студенттары, “Ҡорос” театры һөйләне.
Күптән түгел генә булды тамашаның премьераһы. Барып ҡарай алмағайным, бына йәнә мөмкинлек тыуып, М. Аҡмулла исемендәге Башҡорт дәүләт педагогия университетына юлландым. Беренсе тап­ҡыр ҡарамайым “Ҡо­рос”тарҙың сығышын. Улар Н. Ғә­йетбаевтың “Ауылға ҡыҙҙар килде” пьесаһын сәхнәләштереп тә ҡыуан­дырғайны. Был юлы нимә менән һоҡлан­ды­рырҙар икән, тип барыуым, ысынлап та, бушҡа булманы. Актер, йырсы, режиссер Илнур Лоҡманов һәр сәхнә әҫәре һайын оҫтарғандан-оҫтара бара! Был иҫ киткес күренеш! Халыҡ театры исемен юҡҡа яуламаған икән “Ҡорос”. Бында бит актерҙар уйнамай, ә бөгөн, иртәгә мәктәпкә, гимназияларға уҡытырға барырға тейешле студенттар сығыш яһай. Нисек шул тиклем итеп егеттәрҙең күңел донъяһын асырға була икән ул махсус белеме булмаған фи­лологтарға, тинем Фәдис Иҙрисов­тың, Айҙар Ғәйнетди­новтың, Инсаф Хужабир­гәновтың ролдәрен башҡарыу ләззәтен тамашасы булараҡ та татып! Һүҙ юҡ... Бары тик күҙ йәштәре, эстән һыҙланыу, совет осоро кешеләренең, ауылдың сафлығына һоҡланыу, Бөйөк Ватан һуғышы афәтенән һуң да кешеләрҙең йөҙөнән бәхет тойғоһо китмәүен күреү...
Ысын тойғоларығыҙ өсөн рәхмәт, артистар!Зөлҡәрнәйҙең (Фәдис Иҙрисов) нисек итеп сәхнә иҙәнен төйөп йәне әрнеүен күрһәгеҙ! Егеттәргә хас булғанса, ул да башта һуғышып, Шифабикә инәйҙең өйөн пыр туҙҙырып баҫырға уйлай ғәрлеген... Әммә уның менән генә эш бөтәме һуң? Бында бит егеттәр араһындағы дуҫлыҡ тураһында ла һүҙ бара! Бына ҡайҙа ул ысын дуҫлыҡ! Бер ниндәй һынауҙарға ла, ҡаршылыҡтарға ла, дан-шөһрәткә лә бирешмәгән тойғолар. Хәнифтең дә, Һандуғастың да, Зөлҡәрнәйҙең дә күңелдәре яҡты, ниәттәре изге, намыҫтары таҙа! Ҡалай һағындырған икән М. Ғафури исемендәге Башҡорт дәүләт академия драма театрының үҙебеҙҙең авторҙарҙы ҡуйған, үҙебеҙҙең геройҙарҙы, романтик рухты алып сыҡҡан осоро! Юҡҡа яраттымы ни халыҡ, тамашасы Илшат Йомағо­ловты, Әхтәм Абушахмановты, Фидан Ғафаровты, Олег Хановты, Хөрмәтулла Үтәшевты! Һылыулыҡ­тарынан бигерәк, беҙҙең халыҡ тойғоларын асҡан өсөн үҙ итте Рәмзиә Хисамованы, Нурия Ирсаеваны, Илһөйәр Ғәзетдинованы... Был театрҙа эшләмәһәләр ҙә, Рәмилә Хоҙайғолова менән Рәмилә Сәлимгәрәеваны ла халыҡ тап халыҡсанлығы өсөн яратты. Өлкәнерәк быуынды мин тереләй сәхнәлә күрә алманым, шуға күрә кемдәрҙелер телгә алмаһам, ғәфү ҡылығыҙ!
Фәдис, Айҙар, Инсаф, Алия, Динә, Зарема, һеҙҙең һымаҡ уҡы­тыусыларҙа мин дә уҡырға теләр инем. Фәдисте беҙ уҡыу алдын­ғыһы, оҫта бейеүсе тип белә инек, баҡтиһәң, ул бынамын тигән артист икән дә! Инсаф, Динә, Алия – улар бит “Башҡортостан” гәзитенең автор­ҙары, талантлы ҡәләм оҫталары. Алия “Һылыу­ҡай”ҙа ла ҡатнашты, бик матур итеп бейей ҙә әле ул. Айҙар менән күпме йәмә­ғәт сараларында бергә йөрөйбөҙ, ә уның Бытбылдығы һис кенә лә кәм булманы бит Муллаян ағайҙың образынан. Өлкән артистар үҙҙәре барып ҡараһын ине йәшлектәрен! Әйткәндәй, тағы ла спектакль февралдә сәхнәгә сығасаҡ.
Был студенттар – буласаҡ мөғәллимдәр. Ижади мөхит тыуҙыр­ған уҡыу йорто етәкселәренә рәхмәт! Әйткәндәй, улар был тамашала ҡатнашты. Ректор Раил Әсәҙуллин, проректор Венер Шәйәх­мәтов студенттарын уңыштары менән ҡотланы. Йәштәрҙе тәбрик­ләргә халыҡ артистары Әхтәм Абушахманов, Рәмилә Сәлимгәрәева килгәйне. Улар, режиссер Илнур Лоҡмановты юғары уңышы менән ҡотлап, ижади фекерләгән студенттарға ҙур өмөттәр бағланы.
Башҡорт филологияһы факультеты деканы, ғалимә Луиза Сәмситоваға айырым рәхмәт әйтке килә. Ул ошо студенттары тормошо менән йәшәй. Уның кеүек йәштәр донъяһын бар күңеле менән тойған декандар һәр ерҙә юҡ шул. Уның менән бергә ижад иткән, белем алған осорҙарын һағынып иҫләрҙәр әле студенттар. Режиссер Илнур Лоҡманов менән бергә тыуҙырған И. Абдуллиндың “Тиле йәшлеген” хәтерләгән кеүек. Илнур, беҙ һинән йәнә лә романтик рухтағы яңы тамаша, йөрәктәрҙе таҙартып сығарыр халҡыбыҙ образдарын көтәбеҙ. Һин яҡты маҡсаттар менән юғары осош алдың! Шул бейеклекте, зинһар, юғалтма!




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 238

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 621

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 304

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 381

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 236

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 267

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 240

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 242

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 336

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 255

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 424