Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Боронғо мәсеткә – яңы һулыш
Боронғо мәсеткә – яңы һулышИзге Ҡорбан ғәйете Түбәнге Яйыҡбай ауылы халҡына икеләтә шатлыҡ килтерҙе: унда республикалағы иң боронғо мәсеттәрҙең береһе яңынан төҙөкләндерелеп эш башланы.

Архив материалдарына ҡара­ғанда, иман йортона 1860 йыл тирәһендә нигеҙ һалына. Уны Мәккәгә барып ҡайтҡан Кирәй исемле кешенең төҙөтөүе ихтимал, ти ауыл ҡарттары. Төрлө йылдарҙа был изге урынға Мифтахетдин Аҡмулла, Мөжәүир хәҙрәт кеүек олуғ шәхестәр килеп китә. Әйткәндәй, мәсет уҙған быуат­тың туҡһанынсы йылдарында ла ремонтлана. Боронғо ҡоролошон үҙ­гәрт­мәй, ватмай, емермәй, шул килеш һаҡлай алыуҙары – үҙе оло ихтирам билдәһе. Ниғәмәт ауыл би­ләмәһе башлығы Фәниә Вахитова әйтеүенсә, иман йортоноң манара­һы­на совет осоронда ла теймәгәндәр.
Һуңғы төҙөкләндереү эштәре Рамаҙан айының тәүге көнөндә башланып, Ҡорбан ғәйетенә ҡарай тамамланған. “Изге ғәмәл, әлбиттә, кешеләрҙең ихтыяжынан сығып башҡарылды, – ти Фәниә Вахитова. – Халҡыбыҙ асылына ҡайтырға, хаҡ юлға баҫырға ынтыла. Бигерәк тә йәштәрҙең, балаларҙың Аллаһ йортона килеүе ҡыуандыра. Шанлы һәм данлы йылдарҙың тере тарихын һаҡлаған мәсет халҡыбыҙға оҙаҡ йылдар хеҙмәт итһен, аҙан тауышы яңғырап торһон”.
Мәсет бинаһы Башҡортостандың мәҙәни мираҫы булған күсемһеҙ милек объекттарын һаҡлау һәм файҙа­ланыу буйынса ғилми тикшеренеү үҙәге тарафынан тергеҙелгән. Ойошма етәксеһе Динир Ғәйнуллин үҙ сығышында был иман йортоноң ҡоролошо бик дөрөҫ, теүәл икәнен билдәләне.
– Мәсет төҙөргә теләгәндәргә Түбәнге Яйыҡбай ауылы ғибәҙәтха­наһының проектын тәҡдим итәбеҙ, – тине ул. – Урындағы халыҡҡа ошо ҡиммәтле ҡомартҡыны бөгөнгәсә һаҡлап ҡалғаны өсөн ҙур рәхмәт!
Дөйөм шатлыҡты уртаҡлашырға Баймаҡ районы хакимиәте башлығы Илшат Ситдыҡов, республиканың көньяҡ-көнсығыш төбәге райондары ахуны Хәмзә хәҙрәт Хафизов, күрше ауыл мәсеттәренең имам-хатиптары һәм башҡалар килде. Урындағы иң оло кеше, 88 йәшлек Бәҙерниса инәй Хәсәнова күңел хистәрен күҙ йәштәре аша еткерҙе:
– Был көндө күрә алыуыма шул тиклем бәхетлемен! Бала саҡтан олатайым Дәүләтҡол Суфиянов, Сабирйән апа Әмировтар менән мәсеткә килә торғайным. Уларҙың тубығына ятып аят тыңлап йоҡлап киткән саҡтарым күп булды. Ошонда ғәйеттәр, төрлө осрашыуҙар үтер ине. Олатайым диндар кеше булды. Бала саҡ хистәрен яңынан кисерә алыуыма, изге йорттоң, ауылды нурлап, яңынан ҡалҡыуына һөйөнөсөм сикһеҙ. Мәсет бар ерҙә тәртип көсәйә, ырыҫ-бәрәкәт арта. Шулай булһын, иншаллаһ!
Район хакимиәте башлығы Илшат Ситдыҡов йыйылған бар халыҡты Ҡорбан ғәйете менән ихлас ҡотланы, төбәктә мәсеттәрҙең күбәйә барыуына ҡыуанысын белдерҙе.
– Беҙҙең Баймаҡ иман йортта­рының һаны буйынса республикала алдынғылар рәтендә, – тине ул. – Был – бик шатлыҡлы күренеш. Әлбиттә, мәсеттәрҙең күпләп төҙө­лөүе генә түгел, уларға халыҡтың әүҙем йөрөүе лә мөһим. Ул йәһәттән дә ҡыуанысыбыҙ артҡандан-арта: райондаштарыбыҙ ихлас, йылдан-йыл хаҡ юлға нығыраҡ тартыла.
Ике манаралы, дәүләттең төрлө ҡоролоштарына бирешмәй һаҡланып ҡалған был изге йорт – үҙе бер тарих, мәҙәни объект. Беҙ, тотош район халҡы, ошоноң менән хаҡлы ғорурланабыҙ. Ата-бабағыҙ төҙөгән мәсетте емерергә бирмәүе­геҙ, ҡәҙерләп һаҡлауығыҙ – үҙе батырлыҡ. Ҙур рәхмәт һеҙгә! Заман талаптарына ярашлы төҙөклән­дерелгән иман йорто барлыҡ быуын вәкилдәрен берләштергән, туплаған урынға әйләнһен. Аҙан тауышы яңғырап торһон. Халыҡ мәсет һуҡмағына саң ҡундырмаһын. Хаҡ юлдан тайпылмайыҡ!
Тантаналы саранан һуң иман йортонда йәмәғәт намаҙы уҡылды, унан бөтөн халыҡ Ҡорбан ашына йыйылды.


Рәмил ХӘСӘНОВ, Түбәнге Яйыҡбай ауылы имам-хатибы:
– Ошо көндәрҙә мәсеттең боронғолоғон дәлилләгән яҙма табылды, унда төҙөлөү ваҡыты 1830 йыл тиелгән. Тимәк, иман йортона күпкә алдараҡ нигеҙ һалыныуы ихтимал. “Был мәсет Үрге һәм Түбәнге Яйыҡбай ауылдары уртаһындағы Мөрсәлимдә булған”, – тип һөйләй торғайны беҙҙең олатайҙар. Уны аҙаҡ бында күсереп ултыртҡандар.


Мәжит ҒИЛЕМХАНОВ, 84 йәштә, Ниғәмәт ауылынан:
– Колхозда оҙаҡ йылдар шофер булып эшләнем. Был иман йортон уҙған быуаттың илленсе йылдарынан беләм. Ауыл ҡарттарын эш башланғансы машинала мәсеткә алып килә торғайным.

Баймаҡ районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 260

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 223

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 347

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 333

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 853

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 461

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 446

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 537

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 404

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 388

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 327

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 597