Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ҡамышлы күлдәр иленән — тымыҡ йылға буйына

Башкөллө эшкә сумғас, һағыныу тойғоһо ла онотола.

Маңлайыңа ни яҙылған, шуны күрмәй сараң юҡ, тибеҙ. Ысынлап та, әҙәм балаһын яҙмыш елдәре ҡайһы тарафҡа ғына илтмәй. Миәкә районы Ҡырғыҙ-Миәкә ауылындағы Мансур Абдуллин исемендәге 1-се урта мәктәптең башҡорт теле һәм әҙәбиәте уҡытыусыһы, Башҡортостандың мәғариф алдынғыһы Фидалия КАПИТОНОВА ла, кешене ризыҡ йөрөтә, тип ошо һүҙҙәремде ҡеүәтләне.


– Һөйләшеүҙе ябай ғына һорау­ҙан башламаҡсымын. Ни өсөн табип та, бухгалтер ҙа түгел, ә уҡытыусы һөнәрен һайланығыҙ?
– Мәктәптә уҡығанда уҡ, ҙур үҫкәс уҡытыусы буласаҡмын, тигән уй кү­ңе­лемдә бөрөләнде, ә инде өлкән клас­тарҙа үҙемде мөғәллимә һөнәренән башҡа күҙ алдына ла килтермәй торғай­ным. Сәбәптәре билдәле: үҙидара көнөн түҙемһеҙләнеп көтөп алғаным иҫтә. Хәтеремдә, тиҫтерҙәремде таҡта янына баҫтырып, дәрес һөйләтәм, уларҙы бүлдерә-бүлдерә үҙемдән нимәлер өҫтәйем. Әйтәләр бит, үҙең ҡабатлаған һайын, тема тиһеңме, бүтән әйберме, ул хәтергә тәрәнерәк уйыла. Хатта белмәгәнеңде белә, аңлама­ғаныңды нығыраҡ аңлай башлайһың.

– Һеҙ – Советтар Союзы Геройы Мансур Абдуллин исемен йөрөткән мәктәп хеҙмәткәре. Бындай данлы белем усағында эшләү – ғорурлыҡ, һәлкәүлеккә юл ҡуйырға, тарҡау булырға ла ярамайҙыр?
– Ҡабатлағандан доға иҫкермәй тигәндәй, уның тураһында кәлимә һүҙ әйтеү урынлы, минеңсә. Арҙаҡлы шәхесебеҙ Мансур Һиҙиәт улы 1919 йылда Ҡырғыҙ-Миәкә ауылында туған. Тәүҙә туған колхозында тир түккән, аҙаҡтан инде уны аң-белем таратыу маҡсатында яҙмыш елдәре Үзбәкстан тарафтарына илтә – бында мөғәллим­лек менән шөғөлләнә. Шунан Ҡыҙыл Армия сафына алынған. Яҡташыбыҙ, Курск дуғаһында батырлыҡ күрһәтеп, юғары награда менән бүләкләнә.

Тыныс тормошта Мансур Абдуллин уҡытыусы һөнәренә тоғро ҡала, мәктәп директоры, РОНО мөдире кеүек яуаплы вазифалар башҡара. Ысынлап та, бындай мәктәпкә барғы килеп тора, артта һөйрәлеү тураһында башҡа ла инеп сыҡмай. Тыуған яҡтарыма ҡайтҡанда, кем менән генә һөйләшмәйем, мин эшләгән мәктәпкә Геройҙың исеме бирелгән, тип ҡабатлайым.

– Эйе, мәктәптең даны педа­гогтарға өҫтәмә бурыстар йөкмәтә. Ә бына егеттәрҙә һәм ҡыҙҙарҙа, моғайын, маһайыу сифаты ла юҡ түгелдер...
– Маһайыу тигәндән, һәр ваҡыт осрашыуҙарҙа ҡайһы мәктәптең уҡыусыһы икәнегеҙҙе онотмағыҙ, тибеҙ. Бынан тыш, илһөйәрлек тойғоһон күңелдәренә һалырға тырышабыҙ. Герой исеме үҙе ни тора! Бахыр булмағыҙ, батыр булығыҙ, тип өйрәтәбеҙ. “Ватанды һаҡлау – ир-аттың бурысы” кеүек темалар буйынса осрашыуҙарҙы йыш үткәрәбеҙ. Юғиһә ҡайһы бер үҫмер егеттәребеҙ армияға бармаҫ өсөн ниндәй генә юлға баҫмай, иң киң таралғаны – улар ауырыу, имеш, ҡулына ҡорал тоторға эшкинмәйҙәр. Быны хурлыҡҡа тиңләйем. Һүҙ ҙә юҡ, ил тыныслығы һағына баҫырға ашҡы­нып тороусылар бар, ундай арыҫлан йөрәклеләр менән осрашыуҙан күңел йыуаныс ала.

– Ҡамышлы күлдәр төйәгенән тымыҡ ҡына аҡҡан Дим йылғаһы яҡтарына барып эләгеү нисек булды?
– Элек бит вуз тамамлағас та йүнәлтмә нигеҙендә ҡайҙалыр эшкә барыу тигән тәртип көслө ине. Нуриман районының Ишморат ауылы – тыуған яғым. Башҡорт дәүләт университетынан һуң Миәкә районында эш башланым. Әйтерһең дә, был яҡтарҙа йыш булғанмын, тәбиғәт тә, кешеләре лә электән миңә таныш. Һис кенә лә сит ҡарашты тойманым, коллективҡа тиҙ ылығып киттем. Башкөллө эшкә күмелгәс, һағыныу тойғоһо артҡы планға күскәндер.
Әле беҙҙә 900 бала уҡый, һәр береһе нимәгәлер һәләтле, һәр кемдең үҙенең фекере бар. Бигерәк тә хәҙер үҙ позицияңда тороу отошло, ел ыңғайына иҫеү бер урында тапаныу менән бер. Ҡыҙ һәм егеттәр менән мәж киләбеҙ, конкурстарҙа үҙебеҙ ҡатнашыуҙан тыш, уҡыусыларҙы ла төрлө олимпиада­ларға, бәйгеләргә йәлеп итәбеҙ. Төрлө кисәләрҙе, байрамдарҙы бергә матур итеп ойошторабыҙ.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Шәжәрәле ерҙә тәртип түрҙә

Шәжәрәле ерҙә тәртип түрҙә 30.03.2019 // Белем һәм тәрбиә

2018 йылдың 1 сентябрендә “Башҡортостан тарихы шәхестәр күҙлеге аша: генеалогик аспект” тигән...

Тотош уҡырға 761

Шунда уҡ икенсе курсҡа ҡабул ителһәләр...

Шунда уҡ икенсе курсҡа ҡабул ителһәләр... 27.03.2019 // Белем һәм тәрбиә

Республика етәксеһе Радий Хәбиров медицина училищеһын тамамлағандарҙы шунда уҡ ошо йүнәлештәге...

Тотош уҡырға 196

Монголиянан ҡунаҡ килде

Монголиянан ҡунаҡ килде 27.03.2019 // Белем һәм тәрбиә

БДУ-ның Сибай институты студенттары Монголияның Фән һәм технология дәүләт университеты профессоры...

Тотош уҡырға 624

Биш көнлөк уҡыу башлана

Биш көнлөк уҡыу башлана 27.03.2019 // Белем һәм тәрбиә

1 апрелдән Өфөнөң башланғыс класс уҡыусылары биш көнлөк уҡыуға күсә....

Тотош уҡырға 167

Данлы юлға тап төшөрмәй

Данлы юлға тап төшөрмәй 27.03.2019 // Белем һәм тәрбиә

Сибай гимназия-интернаты — төбәктә генә түгел, республикала ла киң билдәле уҡыу йорттарының береһе....

Тотош уҡырға 383

Балағыҙҙы кем итеп күрәһегеҙ?

Балағыҙҙы кем итеп күрәһегеҙ? 26.03.2019 // Белем һәм тәрбиә

“Ромир” холдингы ата-әсәләр араһында ҡыҙыҡлы һорау алыу ойошторған. Рәсәйҙәр балалары өсөн ниндәй...

Тотош уҡырға 157

Йәй етте ләме ни?

Йәй етте ләме ни? 26.03.2019 // Белем һәм тәрбиә

Ҡырмыҫҡалы районы хакимиәте йыл да балаларҙың йәйге ялын файҙалы үткәреү, сәләмәтлектәрен нығытыу...

Тотош уҡырға 218

"Үлмәҫбай" ҙа яңғыраны

"Үлмәҫбай" ҙа яңғыраны 25.03.2019 // Белем һәм тәрбиә

“Башҡортостан халыҡтары телдәре һәм мәҙәниәте – республиканың милли ҡаҙанышы” форумында балалар ҙа...

Тотош уҡырға 218

Барыһы ла үҙебеҙгә бәйле

Барыһы ла үҙебеҙгә бәйле 25.03.2019 // Белем һәм тәрбиә

Туған телдең, мәҙәниәттең яҙмышы һәр заманда ла кешенең, халыҡтың үҙенә бәйле. Был рухи...

Тотош уҡырға 170

Милли ҡаҙаныштарыбыҙ һағында

Милли ҡаҙаныштарыбыҙ һағында 25.03.2019 // Белем һәм тәрбиә

Өфөлә Рәсәй Президенты ҡарамағындағы Гражданлыҡ йәмғиәтен үҫтереү һәм кеше хоҡуҡтары буйынса...

Тотош уҡырға 148

Етәкселәр уҡыусыларға рәхмәт белдерҙе

Етәкселәр уҡыусыларға рәхмәт белдерҙе 23.03.2019 // Белем һәм тәрбиә

Бөгөн Өфөлә химия буйынса Бөтә Рәсәй олимпиадаһының һуңғы, өсөнсө, этабы тамамланды. Дөйөм алғанда,...

Тотош уҡырға 157

"Әкиәт"тән – мажаралы әкиәттәр

"Әкиәт"тән – мажаралы әкиәттәр 23.03.2019 // Белем һәм тәрбиә

Сибайҙың “Әкиәт” балалар баҡсаһы хеҙмәткәрҙәре үҙ тәрбиәләнеүселәре, ата-әсәләр менән берлектә...

Тотош уҡырға 299