БАШ
РУС
Ә һеҙ укропты нисек һаҡлайһығыҙ? 23.05.2026 // Баҡса
Укроп аппетитты яҡшырта, матдәләр алмашыныуына булышлыҡ итә һәм аш һеңдереүҙе яйға һала....
Бал шәкәрләнһә...
Халыҡ араһында ялған бал һатыусылар осрап тора. Нисек алданмаҫҡа, ысын бал ниндәй була?
Республиканың һәр район һәм ҡалаларында ауыл хужалығы йәрминкәләренең гөрләгән мәле: баҙарҙа ниндәй генә төрлө татлы ризыҡ һатылмай! Йүкә, ҡарабойҙай, көнбағыш, сәскә балы тиһеңме, солоҡтоҡомо... Шулай ҙа ялған бал һатыусылар ҙа осрап ҡуя.
Берәүҙәр - яҡшы, ысын бал шыйыҡ булырға, икенселәр кристаллашырға, беҙҙеңсә, шәкәрләнергә тейеш тип уйлай. Өсөнсөләр бал аҡ төҫтә булмай, ул шәкәр ҡушҡанға ағара тиһә, бәғзеләр ундайҙы иң яҡшы дауа, ти. Ысын балды нисек һайларға һуң?
Яҡшы сифатлы балдың төп билдәһе - ауыҙ ҡамашыуы, тамаҡ төбөндә оҙаҡҡа ҡалған тәм һәм, бал ҡапҡас, тиҙерәк һыу эске килеү тойғоһо. Әгәр банканың төбөнә ултыра икән, был - насар бал. Яңыһы йәй аҙағында - көҙ башында шыйыҡ була.
Йүкә балы - асыҡ һары төҫтә, көслө үҙенсәлекле еҫле. Шәкәрләнгәндә алтынһыу аҡһыл төҫкә инә.
Аҡ акация балы - төҫһөҙ, һыу шикелле үтә күренмәле. Әкрен шәкәрләнә, оҙаҡ ваҡыт шыйыҡ ҡала. Шәкәрләнгәндә ҡар кеүек ап-аҡ була.
Ҡарабойҙай балы - ҡыҙғылт-ҡараңғы төҫтә, үҙенсәлекле тәмле, шәкәрләнгәндә бутҡа кеүек массаға әүерелә.
Бәпембә балы - шыйыҡ килеш алтынһыу төҫтә, ләкин бик тиҙ шәкәрләнә.
Балды ағас һауытта һаҡларға кәңәш итәләр. Уны 37 градустан артыҡ йылытырға ярамай, артыҡ эҫелектән ферментатив сифатын юғалта, тәме, төҫө һәм еҫе юғала.
Әгәр бал һайлағанда ниндәйҙер шик тыуһа, уны бер аш ҡалағы алып, бер стакан һыуға һалып болғатығыҙ. Тулыһынса иреп бөтөргә тейеш. Стакан төбөндә ниндәйҙер ҡалдыҡ барлыҡҡа килһә, балдың ысын түгеллеген аңлата. Шулай уҡ хаҡы үтә арзан булһа ла, шикләнергә урын бар. Балды тәмләгәндә, әскелтем булырға тейеш. Әгәр кәнфит (карамель) тәме килһә, тимәк, уны иреткәндәр.
Иң яҡшыһы: шифалы балды үҙегеҙҙең яҡшы белгән ҡортсоларҙан һатып алығыҙ.
Автор фотолары.
Автор: Карима Усманова / Источник
Серәкәйҙән һаҡланыу өсөн шәп ысул бар! 21.05.2026 // Баҡса
Йәнгә тейеп бимазалаған, тешләп аллергия тыуҙырған бөжәктән һаҡланыу өсөн ябай ғына алымдар тәҡдим ......
Помидорҙы күсереп ултыртҡан мәлдә көл һибегеҙ 18.05.2026 // Баҡса
Уңыш ике тапҡыр мулыраҡ буласаҡ. Әммә ҡайһы бер үҙенсәлектәрҙе белергә кәрәк....
Бесәйҙе түтәлдәр өҫтөнән йөрөүҙән нисек биҙҙерергә? 17.05.2026 // Баҡса
Бөтәһе лә баҡса сәсә. Хәҙер инде уны утарға, һыу һибергә, ҡоротҡостарға ҡаршы көрәшергә ҡала. Тик ......
Үлеп барған гөлдө лә терелтер... 17.05.2026 // Баҡса
Бер йомортҡа ағына 200 миллилитр (бер стакан) йылы һыу ҡойоп, яҡшы итеп болғағандан һуң......
Картуфты ҡасан ултыртырға? 07.05.2026 // Баҡса
Халыҡ мәҡәле буйынса “Картуфты муйыл сәскә атҡанда, ҡайын япрағы бер тин ҙурлығында булғанда ......
Уңыш та мул булыр, ҡоротҡостарға ла бирешмәҫ 03.05.2026 // Баҡса
Йыл һайын төрлө сорт бәрәңге үҫтергән, әҙ генә ерҙән дә мул уңыш алыуға өлгәшкән оҫта баҡсасы ......
Картуф үҫтерәм тип көрәктәрен һындырып бөткәс... 28.04.2026 // Баҡса
Йә ер ҡаты, йә һыулы... Таулы яҡтарҙа яҡшы уңыш алып булмай. Әммә балсыҡлы йә, киреһенсә, һаҙлыҡлы ......
Ҡурай еләге эре булһын тиһәгеҙ... 28.04.2026 // Баҡса
Бының өсөн апрелдә нимә эшләргә кәрәк?.. Май айында нимә эшләргә?.....
Мин баҡсала ағыу ҡулланмайым, ти, Татьяна 25.04.2026 // Баҡса
Ҡасандыр телевидение аша бер фермер ҡатын тураһында тапшырыу ҡарағайным. Ул йәшелсәләрҙе, емештәрҙе ......
Гортензияны бик иртә асмағыҙ 24.04.2026 // Баҡса
Улар йәй буйы сәскә атып ултырһын өсөн эште яҙҙан уҡ башлағыҙ...