Башҡортостан Башлығы хис-тойғоларҙы ситкә ҡуйырға һәм мәктәптәрҙең хәүефһеҙлеге мәсьәләләрен хәл итергә саҡырҙы » Башҡортостан гәзите | Газета Башкортостан на башкирском языке. Архив материалов.

Башҡортостан гәзите » Сәйәсәт » Башҡортостан Башлығы хис-тойғоларҙы ситкә ҡуйырға һәм мәктәптәрҙең хәүефһеҙлеге мәсьәләләрен хәл итергә саҡырҙы

Башҡортостан Башлығы хис-тойғоларҙы ситкә ҡуйырға һәм мәктәптәрҙең хәүефһеҙлеге мәсьәләләрен хәл итергә саҡырҙы 09.02.2026 // Сәйәсәт

Башҡортостан Башлығы республика хөкүмәтендәге оператив кәңәшмәлә уҙған аҙнала Өфөнөң 16-сы мәктәбендә һәм Башҡорт дәүләт медицина университеты ятағында булған ғәҙәттән тыш хәлдәр тураһында һөйләне.

Фото: Олег Яровиков / «Башинформ» мәғлүмәт агентлығы архивы

– Эмоцияларҙы ситкә ҡуйырға, айыҡ аҡыл менән эш итергә һәм төп мәсьәләне хәл итергә кәрәк. Беҙҙең мәктәптәрҙә хәүефһеҙлек системаһын көсәйтеү тураһында уйлау зарур, – тине Радий Хәбиров. – Бының менән шөғөлләнәбеҙ, аныҡ саралар тураһында хәбәр итербеҙ. Хәҙер мәктәптәрҙә хәүефһеҙлекте бер кимәлгә арттырабыҙ. Бәхеткә күрә, ауыр эҙемтәләрһеҙ үткәреп ебәрҙек.

Республика етәксеһе һүҙҙәренсә, тағы бер сара – профилактика.

– Мәктәпкә килгәндә, буллинг факты раҫланһа һәм мәктәп әһәмиәт бирмәһә, кадрҙар буйынса ҡарарҙар ҡабул итербеҙ. Әгәр мәктәптә быға юл ҡуялар һәм был ауыр эҙемтәләргә килтерә икән, тимәк, беҙ ошо кешеләр менән хушлашырға тейешбеҙ. Әлеге ваҡытта уҡыусыларҙың фекере буйынса мәғлүмәт туплана. Эш тамамланғас, тейешле ҡарар ҡабул итербеҙ, – тине республика Башлығы.

https://www.bashinform.ru/news/politics/2026-02-09/glava-bashkirii-prizval-otklyuchit-emotsii-i-reshit-zadachi-bezopasnosti-shkol-4570288

Автор: Ләйлә Аралбаева / Источник

Баҫып сығарырға