Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Үҙгәрештәрҙән файҙа көтәйек
Хәбәр итеүебеҙсә, илдең сәйәси тормошонда шаҡтай ҙур әһәмиәткә эйә булған “Берҙәм Рәсәй” партияһының яңырыуы көтөлә. Ҡыҙғанысҡа ҡаршы, быға тиклем уҙған ике һайлау ҙа әлеге фирҡәнең бер аҙ “мүкләнеүен” һәм электоратының күпмелер өлөшөн юғалтыуын күрһәтте. Был айырыуса Мәскәү һәм Санкт-Петербург тарафтарында, Үҙәк Рәсәйҙә, Алыҫ Көнсығышта, Себер төбәгендә асыҡ тойолдо. Меңдәрсә кешенең урамға сығып, власть партияһына дәғүә белдерә башлауы ла уйланырға урын ҡалдыра.
— Һығымта шундай: “Берҙәм Рәсәй”ҙең эш ысулы халыҡты ҡәнәғәтләндермәй башланы. Партия власҡа саманан тыш тығыҙ бәйләнгән булып сыҡты, — тине яңыраҡ ҡына партияның Башҡортостан төбәк башҡарма комитетына рәйес итеп тәғәйенләнгән Альберт Мифтахов. — Әгәр урындағы власть бурысын еренә еткереп үтәмәй икән, был шунда уҡ һайлау һөҙөмтәләрендә сағылыш таба. Декабрҙәге тауыш биреү һөҙөмтәләре күрһәтеүенсә, Президент һәм губернаторҙар абруй яулаған төбәктәрҙә генә “Берҙәм Рәсәй” партияһы өсөн тауыш биреүселәр күп, ә етәкселәр йәмғиәтте ҡәнәғәтләндермәгән урындарҙа — киреһенсә. Тимәк, фирҡә абруйына ҡарап түгел, ә аныҡ эштәре менән еңә.
Альберт Мифтаховтың фекеренсә, артабан да ошолай дауам итһә, партия көсһөҙләнәсәк һәм уның йоғонтоһо кәмегәндән-кәмейәсәк. Һайлаусылары ла аҙаясаҡ. Партия дәғүәселек шарттарында эшләргә бурыслы, бынан ул үҙе лә, халыҡ та, ил дә файҙа ғына күрә. “Берҙәм Рәсәй” етәкселеге, ошоно иҫтә тотоп, яңырырға тигән ҡарарға килгән. Башҡортостан төбәк башҡарма комитетында был үҙгәреште рәйесте алмаштырыуҙан башларға булдылар, ахырыһы. Шуға элекке оппозиционер һәм билдәле политологтың етәксе итеп ҡуйылыуы бер ҙә аптыратмай кеүек.
Яңы рәйес журналистарға партияның киләсәген нисек күреүе тураһында бәйән итте.
— Мин оппозицияла булған саҡта власты тәнҡитләү менән генә шөғөлләнмәнем. Ҡулымдан килһә, быны ошолай, тегене былай эшләр инем, тигән уйҙар күп булды. Хәҙер төбәк бүлексәһенең башҡарма комитетына етәкселек итеүҙе ышанып тапшырғастар, шул саҡтағы уйҙарымды тормошҡа ашыра башлармын, — тине ул.
Әле илдә һайлау буйынса ҡануниәт үҙгәрҙе һәм яңы партияны теркәү өсөн элекке кеүек 40 мең түгел, ә 500 кеше лә етә. Был илдә ваҡ фирҡәләрҙең ныҡ артыуына, шул уҡ ваҡытта элекке ҙур партияларҙа ағзаларҙың бер ни тиклем кәмеүенә килтерәсәк. Альберт Мифтаховтың әйтеүенсә, “Берҙәм Рәсәй”ҙән кешенең күпләп китеүе тураһында һүҙ бармай.
— Партия ағзаларының һаны барыбер артыуын дауам итәсәк, быны тәбиғи үҫеш тип атарға мөмкин. Ә кешене көсләп йәлеп итеүҙе туҡтатасаҡбыҙ, — тине ул.
Бөгөн партияның Башҡортостан төбәк бүлексәһендә 86 мең тирәһе ағза иҫәпләнә. Йыл да мең ярым-ике мең кешегә артыу күҙәтелә. “Берҙәм Рәсәй”ҙең республика кимәлендәге төп нигеҙе партия барлыҡҡа килгәндең тәүге йылдарында уҡ тупланған.
Әлеге сәйәси фирҡәне дәүләт хеҙмәткәрҙәре менән эшҡыуарҙарҙың партияһы тип иҫәпләргә күнеккәнбеҙ, әммә был ысынбарлыҡҡа тура килмәй булып сыҡты. Баҡһаң, ағзалар араһында чиновниктар ни бары 11 процент тәшкил итә, ә бизнес вәкилдәре уларҙан саҡ ҡына күберәк. Асыҡланыуынса, күпселеге, йәғни 47 проценты — интеллигенция вәкилдәре: уҡытыусылар, табиптар... Альберт Мифтаховтың әйтеүенсә, ағзаларҙың күпселеге бөгөн партия тормошонда бер нисек тә ҡатнашмай һәм уға йоғонто яһамай. Яңы рәйес уларҙы ла эшләтеүҙе үҙенең төп бурысы итеп күрә.
Альберт Линар улы “Берҙәм Рәсәй”ҙең оппозиция менән хеҙмәттәшлеккә әҙерлеген билдәләне. “Барлыҡ конструктив сәйәси көстәр менән эшлекле бәйләнештә торасаҡбыҙ. Хатта союздарға һәм альянстарға инергә лә әҙербеҙ”, — тине ул. Был йәһәттән эш әле үк бара. Мәҫәлән, власть структураларында һәм хатта “Берҙәм Рәсәй”ҙең үҙендә лә элекке оппозиционерҙар эшләй башланы. Шуға күрә республикалағы һәм илдәге хәлдәрҙе нигеҙле тәнҡитләп, уларҙы икенсе төрлө хәл итеү юлын тәҡдим итеүселәрҙең фекеренә һәр саҡ ҡолаҡ һалалар.
— Ундайҙарҙан тыш, беҙҙә даими оппозицияла тороусы, бөтөн нәмәгә ҡәнәғәтһеҙлек белдереп, сүп өйөргә яратыусы кешеләр ҙә юҡ түгел, — ти башҡарма комитет рәйесе. — Эйе, улай рәхәт, сөнки бер ниндәй ҙә яуаплылыҡ юҡ. Барлыҡ башланғысҡа ҡаршы төшөп йөрөүе еңел ул. Минеңсә, улар — маргиналдар.
Май аҙағында йәки июнь башында “Берҙәм Рәсәй” ил күләмендә үҙенең сираттан тыш съезын үткәрергә йыйына. Ул декабрҙә һәм мартта үткән ике һайлауға йомғаҡ яһауға арналасаҡ.
— Илдә һайлау системаһы үҙгәрә, был партияларға ла, төбәк башлыҡтарын һайлауға ла ҡағыла. Төбәк парламенттарына депутаттар һайлау буйынса шарттар үҙгәрәсәк, урындағы үҙидара органдарына вәкәләтте күберәк биреү хаҡында ла һүҙ йөрөй, — тине Альберт Мифтахов. — Был осраҡта партияның эшмәкәрлек йүнәлештәре лә үҙгәрергә тейеш. Шуға күрә съезға йыйылыу, үткәндәргә анализ яһау һәм киләсәккә пландар билдәләү — көнүҙәк мәсьәлә.
Съезд барышында партияның Генераль Советында етди генә үҙгәреш булыуы көтөлә. Мәҫәлән, унан элекке сәйәсмәндәрҙең китеүе күҙаллана. Ҡасандыр бик ҙур абруйға эйә булған төбәк башлыҡтары Генераль Советтың бөгөнгө ҡалыптарына ярарлыҡ түгел.
Партия өсөн мөһим сараны ойоштороу буйынса ла үҙ фекерҙәрен әйтте яңы рәйес. Ул съезды шаҡтай юғары кимәлдә үткәреүгә риза түгел. Бындай сараларҙы ябайыраҡ итергә, эшлекле форум кимәленә төшөрөргә кәрәк, тине ул. Альберт Мифтаховтың фекеренсә, делегаттар һайлауға ла етдиерәк ҡарау мөһим. КПСС заманынан ҡалған йола буйынса партия съездарына ауыл хужалығы хеҙмәтсәндәрен һәм эшселәрҙе саҡырыуҙан фәтүә күрмәй ул.
Дөйөм алғанда, “Берҙәм Рәсәй” үҙгәрештәргә аяҡ баҫырға тора. Яңы рәйес атап үткән бурыстар тормошҡа ашыр кеүек.
Ә. ИЛДУСОВА.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Китте... Икмәк, ит етештереүҙе хәстәрләп китте

Китте... Икмәк, ит етештереүҙе хәстәрләп китте 29.03.2019 // Сәйәсәт

Бөгөн Көйөргәҙе район Советы депутаттары хакимиәт башлығы Әхәт Ҡотләхмәтовтың отставкаһын ҡабул...

Тотош уҡырға 1 271

Медведевтан ярҙам көтәбеҙ

Медведевтан ярҙам көтәбеҙ 29.03.2019 // Сәйәсәт

Башҡортостан парламенты депутаттары социаль туҡланыу, айырыуса мәктәптәрҙә, балалар баҡсаларында...

Тотош уҡырға 1 235

Дәүләт-хоҡуҡ идаралығын кем етәкләй?

Дәүләт-хоҡуҡ идаралығын кем етәкләй? 28.03.2019 // Сәйәсәт

Башҡортостан Республикаһы Башлығының Дәүләт-хоҡуҡ идаралығы начальнигы итеп Азат Ғәлин...

Тотош уҡырға 1 303

Идаралыҡта – яңы етәксе

Идаралыҡта – яңы етәксе 28.03.2019 // Сәйәсәт

Искәндәр Әхмәтвәлиев Башҡортостан Башлығының Муниципаль берәмектәр менән эш итеү идаралығы...

Тотош уҡырға 1 321

Яңы вәкил тәғәйенләнде

Яңы вәкил тәғәйенләнде 28.03.2019 // Сәйәсәт

Башҡортостан Республикаһы Башлығының Дәүләт Йыйылышы – Ҡоролтайҙағы тулы хоҡуҡлы вәкиле итеп...

Тотош уҡырға 1 230

Хәйҙәр Вәлиев китте

Хәйҙәр Вәлиев китте 28.03.2019 // Сәйәсәт

Бөгөн Башҡортостандың Үҙәк һайлау комиссияһы рәйесе Хәйҙәр Вәлиев ваҡытынан алда вазифаһын бушатты....

Тотош уҡырға 1 309

Килешеү төҙөлдө

Килешеү төҙөлдө 28.03.2019 // Сәйәсәт

Бешкәктә Башҡортостан Республикаһы Хөкүмәте менән Ҡырғыҙ Республикаһы Хөкүмәте араһында...

Тотош уҡырға 1 219

Хәбиров, Байғусҡаров, Беляев... тағы кемдәр?

Хәбиров, Байғусҡаров, Беляев... тағы кемдәр? 27.03.2019 // Сәйәсәт

Бөгөн Башҡортостанда “Берҙәм Рәсәй” партияһынан республика Башлығы вазифаһына кандидатуралар тәҡдим...

Тотош уҡырға 1 237

Йөҙ меңенсе кем?

Йөҙ меңенсе кем? 27.03.2019 // Сәйәсәт

Учалы ҡалаһы “Таусы” хоккей клубының спорт директоры Айрат Нурғәлиевкә “Берҙәм Рәсәй”ҙең...

Тотош уҡырға 1 299

Киров районы 100 йыллыҡты билдәләне

Киров районы 100 йыллыҡты билдәләне 25.03.2019 // Сәйәсәт

Республикабыҙҙың 100 йыллыҡ юбилейы айҡанлы Башҡортостанда байрам саралары дауам итә....

Тотош уҡырға 1 213

“Берҙәм Рәсәй”ҙәр кандидат тәҡдим итә

“Берҙәм Рәсәй”ҙәр кандидат тәҡдим итә 25.03.2019 // Сәйәсәт

27 мартта “Берҙәм Рәсәй” партияһы Башҡортостан Республикаһы Башлығы вазифаһына кандидатура тәҡдим...

Тотош уҡырға 1 096

Республикабыҙ 278 Советтар Союзы Геройын үҫтергән

Республикабыҙ 278 Советтар Союзы Геройын үҫтергән 23.03.2019 // Сәйәсәт

Байрам уңайынан тантаналы йыйылыштағы сығышында Башҡортостан етәксеһе Радий Хәбиров бер быуатлыҡ...

Тотош уҡырға 1 187