— Китабымды баҫтырырға ине, тик нәшриәт йорттары 500-ҙән дә кәм заказға риза түгел...
— Юбилейыма альбом әҙерләп йөрөйөм, әммә аҙ тиражда баҫырға урын юҡ...
Элегерәк бындайыраҡ һөйләшеүҙәр ҡәҙимге кеүек тойола ине, әммә бөгөн хәлдәр үҙгәрҙе. Хәҙер китап сығарырға теләгәндәр 100 данаға ла, 50-гә лә, хатта биш бөртөккә лә заказ бирә ала. Нисек тиһегеҙме? Ошо көндәрҙә генә “Белая река” нәшриәтендә заманса ҡоролма сафҡа инде. “Элек беҙ: “Тираж ни тиклем күберәк, шул тиклем яҡшы”, – ти торғайныҡ. Хәҙер иһә, “Күпме теләйһе­геҙ, шул тиклем баҫабыҙ” принцибынан сығып эшләйбеҙ”, — ти “Белая река” нәшриәте директоры Олег Лищенко.

iGen һанлы баҫыу маши­наһы “Башинформ” агентлы­ғын­да үткән матбуғат конфе­рен­ция­һының да төп “сәбәпсе­һе” булды. “Башҡорт­ос­тан Рес­публикаһында һанлы оператив поли­графия­ның үҫеше” тип атал­ған һөйләшеүҙә Мат­буғат һәм киң мәғлү­мәт саралары агент­лығы етәксеһе Борис Мел­коедов, “Республика Баш­кортостан” нәшриәт йортоноң генераль директоры Венера Хәкимова, “Белая река” нәш­риә­тенең, “Ксерокс СНГ” компа­нияһының вәкилдәре ҡатнашты.
“Полиграфия тар­ма­ғында ҙур тираждар һәм оҙайлы сроктар артта ҡала. Һанлы техноло­гия­ларҙың үҫеше предприя­тие­ларҙың да конкурент­лыҡ һәлә­тенә йоғонто яһай. Беҙҙең ос­раҡ­та иһә “Белая река” кеүек дәү­ләт предприятие­һы­ның инвестицияларын оҫта файҙала­ныуы иғти­барға лайыҡ. Заманса машина яңы мөмкинлек­тәр аса­саҡ”, – тине Борис Николаевич.
Заманса баҫыу ма­ши­на­һының мөмкинлектәре ысынлап та ҙур. Әйтәйек, ошоға тиклем тиҫтәләп китапты баҫты­рыу өсөн бер нисә көн кәрәк булһа, хәҙер иһә заказ сәй эсеп алған арала әҙер бу­ласаҡ. Унан һуң һүҙ бер китап сығарыуға ғына ла ҡайтып ҡалмай. Бында ви­зиткаларға ла, төрлө белеш­мә­ләргә лә, аль­бом­дарға ла заказдар ҡа­бул итәләр. Ә иң мө­һиме – нисәү кәрәк, шул тиклем. Сифат йә­һә­тенән дә заказсы отол­мая­саҡ. Ғөмүмән, ашыҡ­ҡан ашҡа бешкән әйтеме был осраҡта актуаль тү­гел. Һанлы техно­ло­гия­лар заманында бөтә нә­мә тиҙлеккә һәм си­фатҡа көйләнә.