Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Бастрыкиндың килеүе өмөт уятты
Ошо көндәрҙә республикаға Рәсәйҙең Тәфтиш комитеты рәйесе Александр Бастрыкин килеп ҡайтты. Ул тәфтиш комитеты хеҙмәткәрҙәре тәү сиратта хәл итәһе мәсьәләләргә арналған ултырыш үткәрҙе. Хоҡуҡ һаҡлау хеҙмәткәрҙәре тарафынан ҡылынған законһыҙ ғәмәлдәр тураһындағы ғаризаларҙы ентекле тикшерергә бойорҙо, һуңынан халыҡты ҡабул итте.
Мөрәжәғәттәр нигеҙендә ике енәйәт эше асылған. Уларҙың береһе үҙ-үҙенә ҡул һалыусы кешегә ҡағылһа, икенсеһе сифатһыҙ медицина хеҙмәтләндереүенә ҡайтып ҡала. Александр Бастрыкин республиканың төрлө төбәктәренән килгән – 74, уның урынбаҫары Василий Пискарев 27 кешене ҡабул иткән, ҡалғандарын тәфтиш комитеты хеҙмәткәрҙәре тыңлаған. Ҡабул итеүгә инә алмағандарҙың ғаризаларын алып ҡалғандар, уларҙы Александр Бастрыкин тиҙ арала шәхсән үҙе ҡарап сығасағын белдергән. Ялыуҙарҙың күпселеге хоҡуҡ һаҡлау хеҙмәткәрҙәре ҡабул иткән ҡарар һәм гражданлыҡ, енәйәт эштәре буйынса суд ҡарарҙарына ҡағылған. Уларҙың артабанғы яҙмышын Рәсәйҙең Тәфтиш комитеты рәйесе шәхси контроленә алған. Бастрыкин менән шәхсән осрашырға теләүсе бер ағай Бүздәк районынан килгән. Ул ун йыл “Курасково технологик транспорт идаралығы” яуаплылығы сикләнгән йәмғиәтендә эшләгән. Былтыр майҙа ойошма ябылған, ләкин бындай осраҡта түләнә торған компенсация 155 кешенең береһенә лә түләнмәгән. Биш ай дауамында улар уртаса эш хаҡын алып торорға тейеш булған. 2005 йылдан башлап эш хаҡын да еткерә түләмәгәндәр. Суд эшселәр иҫәбенә 23 миллион һум күсереү тураһында ҡарар ҡабул иткән, ләкин ойошманың етәкселәрен табып булмай. Элекке директор үҙенең өлөшөн Һамар өлкәһендә йәшәгән ҡатынға һатҡан. Уны хоҡуҡ һаҡсылары таба алмай. Предприятие теркәлгән адрес буйынса аҙыҡ-түлек магазины эшләй, Өфө районындағы Курасково тураһында бында ишетеп белеүсе лә юҡ. Ҡаза күреүселәр төрлө инстанцияларға мөрәжәғәт итеп ҡараған, тик уларҙың яуабы бер: ойошма теркәлгән Һамар өлкәһенә мөрәжәғәт итегеҙ. Ошо ҡуласала 155 кеше әйләнә, эштең осо-ҡырыйы күренмәй. Әле ҡабул итеүгә килгән ағай ҙа Бастрыкинға мөрәжәғәт итеү эште тиҙләтер тип өмөтләнә.
Баш ҡалала йәшәүсе оло ғына ханым фатир өсөн көрәшә. Бынан бер нисә йыл элек ул бер туған ҡустыһына фатир бүләк иткән. Ҡустыһы ваҡытһыҙ вафат булғас, фатирҙың икенсе кеше ҡулына күсеүе асыҡланған. Баҡһаң, “ҡара риэлторҙар”, ирҙең ышанысына инеп, васыятнамә яҙҙырып алырға өлгөргән. Ләкин судта ҡатын үҙенең хаҡлы икәнен бер нисек тә дәлилләй алмай. Был осраҡта Рәсәйҙең тәфтиш комитеты рәйесе Александр Бастрыкинға һуңғы өмөтөн бағлай ул.
Шулай итеп, сиратта торған кешеләрҙең һәр береһенең – үҙ фажиғәһе, үҙ ҡайғыһы, үҙ хәҡиҡәте.
Ут күршеләребеҙ Татарстан Республикаһында булған фажиғәле хәлдән һуң, хоҡуҡ һаҡлау системаһы эшенә ҡарата иғтибар көсәйҙе. Был йәһәттән Александр Бастрыкин һәм ул
етәкселек иткән комитет айырыуса ныҡышмалы эшләй. Ҡазандан һуң Тәфтиш комитеты рәйесе Екатеринбург ҡалаһында ултырыш үткәргән, дәғүәләре булған кешеләрҙе ҡабул иткән. Бындай осрашыуҙар Рәсәй ҡалаларының күбеһендә үтәсәк.
Л. ҒАФАРОВА.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Китте... Икмәк, ит етештереүҙе хәстәрләп китте

Китте... Икмәк, ит етештереүҙе хәстәрләп китте 29.03.2019 // Сәйәсәт

Бөгөн Көйөргәҙе район Советы депутаттары хакимиәт башлығы Әхәт Ҡотләхмәтовтың отставкаһын ҡабул...

Тотош уҡырға 421

Медведевтан ярҙам көтәбеҙ

Медведевтан ярҙам көтәбеҙ 29.03.2019 // Сәйәсәт

Башҡортостан парламенты депутаттары социаль туҡланыу, айырыуса мәктәптәрҙә, балалар баҡсаларында...

Тотош уҡырға 383

Дәүләт-хоҡуҡ идаралығын кем етәкләй?

Дәүләт-хоҡуҡ идаралығын кем етәкләй? 28.03.2019 // Сәйәсәт

Башҡортостан Республикаһы Башлығының Дәүләт-хоҡуҡ идаралығы начальнигы итеп Азат Ғәлин...

Тотош уҡырға 398

Идаралыҡта – яңы етәксе

Идаралыҡта – яңы етәксе 28.03.2019 // Сәйәсәт

Искәндәр Әхмәтвәлиев Башҡортостан Башлығының Муниципаль берәмектәр менән эш итеү идаралығы...

Тотош уҡырға 413

Яңы вәкил тәғәйенләнде

Яңы вәкил тәғәйенләнде 28.03.2019 // Сәйәсәт

Башҡортостан Республикаһы Башлығының Дәүләт Йыйылышы – Ҡоролтайҙағы тулы хоҡуҡлы вәкиле итеп...

Тотош уҡырға 372

Хәйҙәр Вәлиев китте

Хәйҙәр Вәлиев китте 28.03.2019 // Сәйәсәт

Бөгөн Башҡортостандың Үҙәк һайлау комиссияһы рәйесе Хәйҙәр Вәлиев ваҡытынан алда вазифаһын бушатты....

Тотош уҡырға 418

Килешеү төҙөлдө

Килешеү төҙөлдө 28.03.2019 // Сәйәсәт

Бешкәктә Башҡортостан Республикаһы Хөкүмәте менән Ҡырғыҙ Республикаһы Хөкүмәте араһында...

Тотош уҡырға 370

Хәбиров, Байғусҡаров, Беляев... тағы кемдәр?

Хәбиров, Байғусҡаров, Беляев... тағы кемдәр? 27.03.2019 // Сәйәсәт

Бөгөн Башҡортостанда “Берҙәм Рәсәй” партияһынан республика Башлығы вазифаһына кандидатуралар тәҡдим...

Тотош уҡырға 442

Йөҙ меңенсе кем?

Йөҙ меңенсе кем? 27.03.2019 // Сәйәсәт

Учалы ҡалаһы “Таусы” хоккей клубының спорт директоры Айрат Нурғәлиевкә “Берҙәм Рәсәй”ҙең...

Тотош уҡырға 456

Киров районы 100 йыллыҡты билдәләне

Киров районы 100 йыллыҡты билдәләне 25.03.2019 // Сәйәсәт

Республикабыҙҙың 100 йыллыҡ юбилейы айҡанлы Башҡортостанда байрам саралары дауам итә....

Тотош уҡырға 458

“Берҙәм Рәсәй”ҙәр кандидат тәҡдим итә

“Берҙәм Рәсәй”ҙәр кандидат тәҡдим итә 25.03.2019 // Сәйәсәт

27 мартта “Берҙәм Рәсәй” партияһы Башҡортостан Республикаһы Башлығы вазифаһына кандидатура тәҡдим...

Тотош уҡырға 357

Республикабыҙ 278 Советтар Союзы Геройын үҫтергән

Республикабыҙ 278 Советтар Союзы Геройын үҫтергән 23.03.2019 // Сәйәсәт

Байрам уңайынан тантаналы йыйылыштағы сығышында Башҡортостан етәксеһе Радий Хәбиров бер быуатлыҡ...

Тотош уҡырға 403