Рәсәйҙең Бойондороҡһоҙ профсоюздар рәйесе Михаил Шмаков, матбуғат вәкилдәре араһында сығыш яһап, хеҙмәтсәндәр мәнфәғәт­тәрен яҡлауҙа ШОС һәм БРИКС илдәрендәге профессиональ союздарҙың бергәләп эш итеүе тураһында һөйләне.
Уҙғарылған йыйын аҙа­ғында Михаил Шмаков Рәсәй Президенты Владимир Пу­тинға БРИКС илдәре проф­союздарының берлектә ҡа­­- бул иткән декларацияһын тап­шырҙы. Был электән килгән йола: ошонан алда Бразилияның Форталеза ҡа­лаһында үткән саммитта, мәҫәлән, профсоюз­дарҙың талаптары ил президентына еткерелгәйне. Саммиттарҙың бөгөнгө хужаһы булған дәү­ләт етәксеһе уны артабан ойошманың башҡа ағзала­рына тарата.
Рәсәй профсоюздары баш­­лы­ғы билдәләүенсә, хеҙ­мәт кешеһе ихтыяжын сағыл­дырыу­сы­лар иҡтисадтың реаль секторын яҡлап сығыш яһауын дауам итә, сөнки ул ғына яңы эш урындары булдыра.
– Беҙ яңы либераллек ҡанундарына ҡоролған иҡти­садҡа ҡырҡа ҡаршы сығыш яһайбыҙ, — тине Михаил Викторович. – Уның ниндәй емергес эш алып барғанын яңыраҡ ҡына Греция миҫа­лында күрҙек. Донъяның сереп байыған банктарынан бурысҡа аҡса алып торған был дәүләт хәҙер 300 миллиард доллар өҫтәмә бурысҡа батты, уны ҡайтарып бирерлек хәлдә түгел, уның иҡти­сады артабан ниндәй бу­лы- ­рын күҙ алдына килтереүе лә ҡыйын.
Саммиттар мәлендә үткә­релгән был форумда БРИКС илдәренең 47 профсоюз үҙә­ге вәкиле ҡатнашты, улар 21 миллион хеҙмәтсәнде бер­ләш­­терә. Сарала Рәсәй­ҙең һәм Башҡорт­остандың Хеҙ­мәт һәм халыҡты социаль яҡлау министрлыҡтары етәк­се­ләре лә булыуы ҙур мәртәбә өҫтәне, улар иһә үҙ сиратында сит ил вәкил­дә­ренә беҙҙең илдәге проф­союз­дарҙың әүҙем эшмәкәр­- ­леге, дәүләт тарафынан яҡланыуы тураһында ентек­ләп һөйлә­не.
“Ҡайһы бер ойошмаларҙа профсоюз иҫәпкә бар, һанға юҡ тигәндәй. Һеҙ Рәсәй ме­нән БРИКС һәм ШОС илдә­ренең ошондай ойош­- ма­­­ларын “һуғышсанлыҡ”та са­ғыштырып ҡарағанығыҙ бармы – ҡайҙа хеҙмәтсәндәр мәнфәғәттәрен көслөрәк яҡлайҙар?” тигән һорауға Михаил Шмаков шулай тип яуап бирҙе:
– Профсоюз һәр ойошмала тип әйтерлек йоғонтоло эшләй ала. Ә ҡайҙа бурысын үтәмәй – унда коллективтың йыйылыш үткәрергә һәм ойошманың рәйесен алмаш­тырырға тулы хоҡуғы бар. Беҙҙә БРИКС илдәренең күпселеге менән сағыш­тырғанда көслөрәк эшләгән профсоюз үҙәктәре һәм ойошмалары байтаҡ.