43-сө һайлау округына Ағиҙел ҡа­лаһы, Ҡалтасы районы, өлөшләтә Краснокама районы менән Дүртөйлө ҡалаһы һәм районы биләмәләре ҡарай.
Республиканың Үҙәк һайлау комис­сияһы был мөһим кампанияны үткәреү буйынса вәкәләттәрҙе тулы кимәлдә Ҡалтасы районының территориаль һайлау комиссияһына йөкмәткән, тейешле документтарҙы, сараларҙың календарь планын раҫлаған. Комиссия рәйесе Татьяна Мухнурова әйтеүенсә, әҙерлек эше ойошҡан бара. Округ буйынса бер депутат мандатына биш кандидат дәғүә итә: Өфө ҡалаһындағы “Перспектива 21” яуаплылығы сиклән­гән йәмғиәте директоры Зәнфир Ғә­биҙуллин “Ғәҙел Рәсәй” сәйәси фир­ҡә­һенең Башҡортостандағы төбәк бүлексәһе тарафынан депутатлыҡҡа кандидат итеп күрһәтелһә, Ҡыуатов исемендәге республика клиник дауаханаһы табибы, “Берҙәм Рәсәй” сәйәси партияһы ағзаһы Рим Каланов үҙ-үҙен тєљдим иткєн. “БВС Евразия” яуаплылығы сикләнгән йәмғиәте электромеханигы, Краснохолм ауылында йәшәгєн Винер Шәмсетдиновты — Рәсәй Федерацияһының Коммунистар партияһы, “Арлан технологик транспорт идаралығы” яуаплылығы сиклән­гән йәмғиәтенең инженер-механигы Ғәмил Шәриповты — Рәсәй Либераль-демократик партияһының Баш­­ҡор­т­остан төбәк бүлексәһе, ә рес­пуб­ликаның Адвокаттар палатаһы президенты Булат Йомаҙиловты “Берҙәм Рәсәй” сәйәси фирҡәһе кўрћєткєн. Әлеге ваҡытҡа бар кандидаттар ҙа һайлау фонды булдырған, ышаныслы кешеләрен билдәләп, агитация эше алып бара.
Район һәм ҡалаларҙа барлыҡ ойоштороу сараларын территориаль һайлау комиссиялары кїйлєй. 29 августан участка һайлау комиссиялары эш башлаясаҡ. Һуңғы ҡанундарға ярашлы, комиссия биш йылға бер тәғәйен­лєнгєнлектән, кадрҙар йәһәтенән ҡы­йын­лыҡтар юҡ. Белгестәрҙең әҙерлек кимәле юғары, тәжрибә етерлек. Өҫтәмә уҡыуҙар ҙа ҡаралған.
Территориаль һайлау комиссиялары 14 сентябрҙә тауыш биреү участкаларына килә алмаѓандарға теркәүҙән төшөү тураһында таныҡлыҡтар би­реүен дауам итә. 4 сентябрҙән был эште участка комиссиялары баш­ҡа­расаҡ.