Был яңылыҡтар, атап әйткәндә, юл хәрәкәте хәүефһеҙлеген медицина йәһә­тенән тәьмин итеүгә, водителдәрҙең сәләмәтлегенә бәйле юл-транспорт ваҡиғаларын иҫкәртеүгә, юлда үлем һәм имгәнеү осраҡтарын кәметеүгә ҡағыла. Шулай уҡ транспорт сараларын йөрө­төүселәр өсөн медицина тикшереүе үтеү ваҡыты билдәләнә.

l“Башҡортостан Республикаһында ер мөнәсәбәттәрен көйләү тура­һында”ғы Законға байтаҡ үҙгәрештәр индерелде.
Рәсәйҙең һәм Башҡортостандың бюджет ҡануниәтенә ярашлы, республика ҡаҙнаһының килем өлөшөн тәьмин итеүҙә ерҙе ҡуртымға биреүҙән һәм һатыуҙан алынған табыш Федераль закон менән Рәсәй Бюджет кодексының 57-се статьяһына дәүләт милке сикләнмәгән һәм ҡала округы биләмәһендә урынлашҡан ер участкаларын ҡуртымға биреүҙән һәм һатыуҙан алынған килемде ил төбәгенең түгел, ә ошо ҡаланың ҡаҙнаһына ин­дереүҙе күҙаллаған үҙгәреш индерелде. Ошо яңылыҡтарға бәйле Башҡортостан Хөкүмәтенең һәм ер мөнәсәбәттәре өлкәһендәге республика башҡарма власть органының баш ҡалабыҙ Өфөлә дәүләт милке сикләнмәгән ерҙе файҙаланыу буйынса вәкәләттәре урындағы үҙидара органдарына тапшырылырға тейеш.

l“Башҡортостан Республикаһында адреслы социаль ярҙам тура­һында”ғы республика Законының 41-се статьяһына индерелгән үҙгәрештәрҙә дарыу менән тәьмин итеү буйынса дәүләт заказдарын урынлаштырыу йомғаҡтарына ярашлы, дәүләт контракттары төҙөү вәкәләте тураһындағы норма көсөнән сыҡҡан тип таныла.

l“2014 йылға һәм 2015 – 2016 йыл­дарҙың план осорона Башҡортостан Республикаһы бюджеты тураһын­да”ғы Башҡортостан Республикаһы Законына үҙгәрештәр индереү хаҡында”ғы Законды ҡабул итеү федераль ҡаҙнанан 3245,1 миллион һум күләмендә кире ҡайтарылмай торған өҫтәмә керем алыуға, ҡаҙна килеме составын, адреслы республика инвестиция программаһының күлә­мен һәм структураһын үҙгәртеүгә, рес­публи­калағы Юл фондына бюджет ассигнованиеларын арттырыуға, ҡайһы бер дәүләт программаларына ярашлы бюджет ассигнованиеларын күсереүгә, Ер һәм мөлкәт мөнәсәбәттәре министр­лығына, Сәнәғәт һәм инновация сәйә­сәте ми­нистрлығына тапшырылған ҡаҙна ассигнованиеларын арттырыуға, коммерцияға ҡарамаған ойошмаларға субсидия би­реүгә, йыл башына барлыҡҡа килгән айырым маҡсатлы аҡса ҡалдығын фай­­ҙаланыуға бәйле.

l“Башҡортостан Республикаһының һалым тураһындағы айырым закон акттарына үҙгәрештәр индереү ха­ҡында”ғы республика Законы Баш­­ҡорт­останда өҫтөнлөклө инвестиция проекттарын тормошҡа ашырған инвестиция эшмәкәрлеге субъекттарына дәүләт ярҙамы күрһәтеүҙе яйға һалыу маҡса­тында эшләнде. Был яңылыҡтар шулай уҡ республика биләмәһендә урынлашҡан һәм етештереүҙе техник яҡтан йыһаз­ландырған, яңыртҡан ҙур предприятиелар тарафынан ғәмәлгә ашырылыу күҙал­ланған инвестиция про­екттары күләмен арттырыуға йүнәлтелә.

l“Башҡортостан Республикаһында бәлиғ булмағандарҙың ҡараусы­һыҙ­лығын һәм хоҡуҡ боҙоуҙарын иҫкәр­теү, уларҙың хо­ҡуҡ­тарын яҡлау сис­темаһы тура­һын­да”ғы Башҡорт­остан Законына ин­де­релгән үҙгәрештәр федераль ҡануниәттәге яңылыҡтарға бәйле.
Закон менән тәфтиш изоляторҙарын, тәрбиә биреү колонияларын һәм хөкөм-башҡарыу инспекцияларын, нарко­тик­тарҙың һәм психотроп матдәләрҙең әй­лә­нешенә контроль органдарын бәлиғ булмағандарҙың ҡараусыһыҙлығын, хо­ҡуҡ боҙоуҙарын иҫкәртеү системаһы органдары һәм учреждениелары исем­­легенә индереү тәҡдим ителә, медицина ойошмалары эшмәкәрлеге өл­кәһендәге термино­логияға үҙгәрештәр индерелә.

l“Башҡортостан Республикаһында милли-мәҙәни автономиялар тура­һында”ғы республика За­конындағы үҙгәрештәр был хоҡуҡ актын федераль кимәлдәге ошондай уҡ закондағы яңы­лыҡтар менән яраштырыуға йүнәлтелә.
Атап әйткәндә, Закондың яңы ре­дакцияһында “мәғариф учреждениеһы” тигән төшөнсә “мәғариф ойошмаһы” төшөнсәһе менән алмаштырыла, мил­ли-мәҙәни автономия символикаһы ту­раһындағы нормаға асыҡлыҡ индерелә.

lФедераль ҡануниәттәге яңылыҡтарға бәйле “Һуғыш, хеҙмәт һәм Ҡораллы Көстәр ветерандары тураһында”ғы Башҡортостан Законына индерелгән үҙгәрештәр уларға медицина, протез-ортопедия ярҙамы күрһәтеүҙе үҙ эсенә ала. Шулай уҡ торлаҡ-коммуналь хеҙмәт өсөн түләүҙә социаль ярҙам күрһәтеүгә контроль өлкәһендә вәкәләтле федераль башҡарма власть органының атамаһына асыҡлыҡ индерелә, социаль ярҙамға хоҡуҡтарҙы раҫлаған документтар исемлеген билдәләгән норманың яңы редакцияһы тәҡдим ителә.

lБашҡортостан Республикаһының Ғаилә кодексына ла үҙгәрештәр индерелде. Был яңылыҡтар иң элек Кодекста ҡулланылған терминологияға ҡағыла. Атап әйткәндә, “дәүләт һәм муниципаль һаулыҡ һаҡлау системаһы учреждениелары” төшөнсәһе – “дәүләт һаулыҡ һаҡлау системаһының һәм муниципаль һаулыҡ һаҡлау системаһының медицина ойошмалары” тигән төшөнсә, ә “дауалау учреждениелары” термины “медицина ойош­малары” тигән термин менән алмаштырыла.
(Закондар менән ентекләберәк
гәзиттең сайтында танышырға мөмкин).