Радий Хәбиров Владимир Трофимовты «Хеҙмәт батырлығы өсөн» миҙалы менән бүләкләне

Генерал-майор үҙе 12 йыл етәкселек иткән һәм республика етәкселеге ярҙамы менән ҡуйылған бурыстарҙы уңышлы үтәгән коллективтың наградаға лайыҡлы булыуын билдәләне.

Бөгөн Башҡортостан Башлығы указы менән республика хәрби комиссариаты буйынса Үҙәк хәрби округы берләшкән стратегик командованиеһының инспекторҙар төркөмө инспекторы генерал-майор Владимир Трофимовты «Хеҙмәт батырлығы өсөн» миҙалы менән бүләкләне. Награданы офицерға республика хөкүмәтенең оператив кәңәшмәһендә Радий Хәбиров тапшырҙы.

Владимир Трофимов үҙе 12 йыл етәкселек иткән һәм республика етәкселеге ярҙамы менән ҡуйылған бурыстарҙы уңышлы үтәгән тотош коллективтың наградаға лайыҡлы булыуын билдәләне.

«Республикабыҙ бик матур, һоҡланғыс кешеләр йәшәй. Бындай төбәктә насар эшләүе мөмкин түгел. МХО биләмәһендә хәрби бурыстарҙы үтәү быға дәлил булып тора, һеҙ, Радий Фәрит улы, республикабыҙҙа ойошторолған һәм хәрби бурыстарҙы уңышлы үтәгән частарҙа булып, тағы шуға инандығыҙ. Ҡатмарлы осор. Әммә берҙәм көс менән еңеү яуларбыҙ», — тине Владимир Трофимов.

https://www.bashinform.ru/news/social/2025-09-02/radiy-habirov-nagradil-medalyu-za-trudovuyu-doblest-vladimira-trofimova-4370052