Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Алға, Башҡортостан!”
Республикам – терәге берҙәм халҡымдың.

“Башҡортостан – Рәсәйҙең таяныс төбәге. Рәсәй дәүләтенә үҙ ирке менән ҡушылған мәлдән алып ошо ерҙәге бик күп халыҡ быуыны Ватанға хеҙмәт иткән, уның азатлығын яҡлаған, иҡтисади ҡеүәтен нығытҡан. Башҡортостан – 278 Советтар Союзы Геройының, 23 Рәсәй Федерацияһы Геройының, 224 Социалистик Хеҙмәт Геройының йәнтөйәге.

Беҙ яҙмыштарында Тыуған илебеҙ тарихы сағылған яҡташ­тарыбыҙ менән ғорурланабыҙ: яҙыусы Сергей Аксаков, һынлы сәнғәт оҫтаһы Михаил Нестеров, арҙаҡлы генералдар Миңлеғәле Шайморатов һәм Анатолий Романов, мәшһүр бейеүсе Рудольф Нуриев, донъяның иң яҡшы опера бастары ағалы-ҡустылы Асҡар һәм Илдар Абдразаҡовтар. Башҡортостан йәштәрен уларҙың өлгөһөндә тәрбиәләйбеҙ.

Башҡортостан – халыҡ һаны йәһәтенән иң ҙур милли республика. Беҙҙә 4 миллион 60 меңдән ашыу кеше йәшәй. Республиканы йөҙҙән ашыу милләт һәм бөтә традицион дин вәкилдәре төйәк иткән. Өфө илебеҙҙә ислам­дың баш ҡалаһы тип иҫәпләнә. Ике быуаттан ашыу бында Рәсәй мосолмандарының Үҙәк диниә назараты эшләй. Башҡортостан – Волга буйы федераль округында иң “йәш” республика. Хал­ҡының сирек өлөшө, йәғни миллиондан ашыу кеше – ул йәштәр.

Республикабыҙ иҡтисади яҡтан алға киткән төп төбәктәр тиҫтәһенә инә. Былтыр ойошмалар әйләнеше 3,5 триллион һумдан ашып киткән. Сәнәғәттең үҫеш йылдамлығы буйынса беҙ 3,4 процентҡа еттек. Был – илдәге иң юғары күрһәткестәрҙең береһе.

Республикабыҙ иҡтисады флагмандары – “Башнефть”, “Газпром нефтехим Салауат”, Өфө моторҙар берекмәһе, Күмертау авиация етештереү предприятиеһы, Учалы тау-байыҡтырыу комбинаты, Белорет металлургия комбинаты һәм башҡа бик күптәрҙе бөтәгеҙ ҙә яҡшы беләһегеҙҙер. Уларҙың продук­цияһына Рәсәй Федерацияһында ғына түгел, сит илдәрҙә лә ихтыяж ҙур.

Башҡортостан Рәсәйҙең инновациялы төбәктәренең береһе булараҡ танылды. Ундайҙар ни бары 16 ғына. Беҙ ассоциацияға берләшкәнбеҙ. Республикала ҡеүәтле нефть химияһы кластеры ойошторолдо. Индустриаль һәм технопарктар бар. Беҙ бизнес-инкубаторҙар, ғилми-тикшеренеү институттары, Фән һәм технологиялар йортон, эшҡыуарлыҡ йортон асабыҙ.

Башҡортостанда биш йылдам социаль-иҡтисади үҫеш биләмәһе төҙөлдө. Рәсәй Хөкүмәте ошондай ҡарар ҡабул итте. Беҙ ил етәкселегенә ышаныс күрһәткән һәм башланғыстарыбыҙҙы хуплаған өсөн рәхмәтлебеҙ. Әммә өлгәшелгәндәрҙә туҡталып ҡалырға йыйынмайбыҙ, әле Ишембайҙа махсус иҡтисади зона ойоштороу йәһәтенән әүҙем эшләйбеҙ.

Башҡортостан – илдең төп аграр төбәктәренең береһе. Былтыр беҙҙең агросәнәғәт комплексы 150 миллиард һумдан ашыу күләмдә продукция етештергән. Һыйыр ите етештереү буйынса – беренсе, һөт етештереү, һыйыр һәм йылҡы малдары һаны буйынса икенсе урынды биләйбеҙ. Йыл һайын 3-4 миллион тонна иген етештерергә мөмкинлегебеҙ бар. Бөгөн беҙҙең агросәнәғәт комплексында үҫеш буйынса күләмле проекттар тормошҡа ашырыла.

Беҙгә артабан да алға барырға, төбәгебеҙгә яңы этәргес бирергә кәрәк. Былтыр республикаға 270 миллиард һум йүнәлтелде. Беҙҙеңсә, был ғына етмәй, ошо һанды икеләтә арттырыу бурысын ҡуябыҙ. Яҡшыраҡ булырға, илебеҙҙәге алдынғы төбәктәр тәжрибәһен файҙаланырға теләйбеҙ.
Республикабыҙҙың тәүге йөҙ йыллығы биттәрен ябып, яңыһын яҙа башлайбыҙ. Икенсе йөҙ йыллыҡҡа алға киткән иҡтисадҡа, ҡеүәтле кеше потенциалына, күп милләтле дуҫлыҡтың һәм Рәсәй дәүләтенә хеҙмәт итеүҙең быуатлыҡ традицияларына эйә булып, ғорур һәм ышаныслы аяҡ баҫабыҙ. Беҙ үҙ көсөбөҙгә ышанабыҙ. Рәсәй Федерацияһы Президенты Владимир Путинға ышаныс бағлайбыҙ һәм кешеләрҙең тормошон яҡшыртыу буйынса ул ҡуйған бурыстарҙы үтәйәсәкбеҙ.

Икенсе йөҙ йыллыҡҡа “Алға, Башҡорт­остан!” тигән девиз менән инәбеҙ.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Ипотекаңды түләй алмаһаң, каникулға сығып тор

Ипотекаңды түләй алмаһаң, каникулға сығып тор 26.02.2019 // Мөрәжәғәтнамә

Бөгөн кредитһыҙ кеше һирәктер ул. Әлбиттә, был эштең яуаплылыҡ талап иткәнен аңлау, алдан уҡ...

Тотош уҡырға 1 085

"Социаль контракт" төҙө лә үҙ эшеңде ас!

"Социаль контракт" төҙө лә үҙ эшеңде ас! 26.02.2019 // Мөрәжәғәтнамә

Рәсәйҙә эшһеҙлекте кәметеү маҡсатында “социаль контракт” төшөнсәһе барлыҡҡа килә....

Тотош уҡырға 1 011

Хәҙер аҡса ағымы икенсе юлға төшә

Хәҙер аҡса ағымы икенсе юлға төшә 25.02.2019 // Мөрәжәғәтнамә

Үҙенең Федераль Йыйылышҡа Мөрәжәғәтнамәһендә Рәсәй Президенты Владимир Путин ғаиләләргә дәүләт...

Тотош уҡырға 1 029

Иң ауыртҡан тема

Иң ауыртҡан тема 25.02.2019 // Мөрәжәғәтнамә

Хәҙер халыҡ экологик хәүефһеҙлеккә талапты арттырғандан-арттыра бара һәм Рәсәй Президенты Владимир...

Тотош уҡырға 955

Эш хаҡы артырға тейеш

Эш хаҡы артырға тейеш 25.02.2019 // Мөрәжәғәтнамә

Ил Президенты Федераль Йыйылышҡа Мөрәжәғәтнамәһендә табип, фельдшер һәм шәфҡәт туташтарына ҙур...

Тотош уҡырға 1 115

Яһалма интеллект нисек үҫешер?

Яһалма интеллект нисек үҫешер? 25.02.2019 // Мөрәжәғәтнамә

Уҙған аҙнала, Федераль Йыйылышҡа Мөрәжәғәтнамә менән сығыш яһағанда, Дәүләт башлығы Владимир Путин...

Тотош уҡырға 1 044

Ауыл уҡытыусыһына – бер миллион һум!

Ауыл уҡытыусыһына – бер миллион һум! 25.02.2019 // Мөрәжәғәтнамә

Президент Владимир Путин Федераль Йыйылышҡа Мөрәжәғәтнамә менән сығыш яһаны, унда мәғариф...

Тотош уҡырға 1 126

Ясли мәсьәләһе хәл ителәсәк

Ясли мәсьәләһе хәл ителәсәк 22.02.2019 // Мөрәжәғәтнамә

2021 йыл аҙағына тиклем ясле мәсьәләһен тулыһынса хәл итергә кәрәк, тип билдәләне Владимир Путин....

Тотош уҡырға 1 858

Кешеләргә кешелекле мөнәсәбәт

Кешеләргә кешелекле мөнәсәбәт 22.02.2019 // Мөрәжәғәтнамә

Башҡортостан Республикаһының Дәүләт Йыйылышы – Ҡоролтай депутаты Римма ҮТӘШЕВА Рәсәй Президентының...

Тотош уҡырға 1 927

Пособие арта, һалым ташламалары киңәйә

Пособие арта, һалым ташламалары киңәйә 22.02.2019 // Мөрәжәғәтнамә

Владимир Путин Мөрәжәғәтнамәһендә 2019 йылдың 1 июленән инвалид бала ҡарау буйынса пособиены 10 мең...

Тотош уҡырға 897

Ипотека ставкалары түбәнәйә

Ипотека ставкалары түбәнәйә 22.02.2019 // Мөрәжәғәтнамә

Ил башлығы Үҙәк банк алдына ипотека ставкаһын – туғыҙ, һуңыраҡ һигеҙ процентҡа тиклем түбәнәйтеү...

Тотош уҡырға 1 886

Барыһы ла ғаилә һәм балалар хаҡына

Барыһы ла ғаилә һәм балалар хаҡына 22.02.2019 // Мөрәжәғәтнамә

Рәсәй Президенты Владимир Путин үҙенең Мөрәжәғәтнамәһендә 2020 йылдың 1 ғинуарынан ғаиләлә беренсе...

Тотош уҡырға 1 028