2012 йылда журналистика өлкәһендәге иң яҡшы әҫәрҙәр өсөн Шәһит Хоҙайбирҙин исемендәге премиялар комиссияһы тәҡдим ителгән эштәрҙе ҡарағандан һуң, конкурста ҡатнашыуға туғыҙ дәғүәсене билдәләне:
Арсаева Зөһрә Фәнил ҡыҙы — “Башҡортостан” телерадиокомпанияһының “Юлдаш” радиоһы эфирында сыҡҡан “Башҡортостанда эшләнгән”, “Йәнтөйәк”, “Хәбәрсе яҙмалары” тапшырыуҙары өсөн. Асҡын район Советы президиумы тәҡдим иткән;
Ғөбәйҙуллина Альбина Шаһиҙулла ҡыҙы — “Башҡортостан ҡыҙы” журналында баҫылып сыҡҡан заманса ғаилә мәсьәләләренә арналған материалдары өсөн. “Башҡортостан ҡыҙы” журналы коллективы тәҡдим иткән;
Линдер Андрей Александрович — Мәсетле район гәзитендә баҫылып сыҡҡан социаль тематикалағы фотоматериалдары өсөн. “Наша жизнь” редакция-нәшриәт комплексы тәҡдим иткән;
Мәжитов Даян Тәлғәт улы — “Башҡортостан” гәзитендә баҫылып сыҡҡан “Аҙна ҡаҙнаһы”, “Иҡтисади күҙәтеү” рубрикаһы аҫтындағы мәҡәләләре һәм “Башҡорт донъяһы” ҡушымтаһы өсөн. “Башҡортостан” гәзите редакцияһы коллективы тәҡдим иткән;
Рәхимова Мәүлийә Спартак ҡыҙы — “Учалинская газета”ла баҫылған инвестиция, инновация, торлаҡ сәйәсәте һәм социаль-иҡтисади үҫеш тураһындағы материалдары өсөн. “Учалинская газета” редакцияһы коллективы тәҡдим иткән;
Сәхәпова Рәзифә Ғәли ҡыҙы һәм Тимерханов Илдус Хәмит улы — “Базы буйы бөҙрә тал” китабы өсөн. “Саҡмағошинформцентр” редакция нәшриәт комплексы коллективы тәҡдим иткән;
Толомғужин Зөфәр Ғәли улы — “Шәжәрә — рух тәрбиәләүсе” китабы өсөн. “Салауат” гәзите редакцияһы коллективы тәҡдим иткән;
Хужин Мәхмүт Хәйрүш улы — “Ағиҙел” журналында баҫылып сыҡҡан социаль, мөһим ижтимағи ваҡиғаларҙы яҡтыртҡан материалдары өсөн. “Ағиҙел” журналы редакцияһы коллективы тәҡдим иткән;
Шәрәфетдинов Дамир Мөлкаман улы — республика гәзит-журналдарында, шулай уҡ Интернетта сыҡҡан йәмғиәттә тыныслыҡ һәм татыулыҡ, Башҡортостандың социаль-иҡтисади үҫеше тураһындағы материалдары өсөн. “Аманат” журналы редакцияһы коллективы тәҡдим иткән.
Комиссия йәмәғәт ойошмаларын, хеҙмәт коллективтарын һәм айырым журналистарҙы 2012 йылға Шәһит Хоҙайбирҙин исемендәге премияға тәҡдим ителгән эштәрҙе тикшереүҙә ҡатнашырға саҡыра. Материалдарҙы 1 октябргә тиклем Башҡортостан Журналистар союзына (Өфө ҡалаһы, Октябрҙең 50 йыллығы урамы, 13, 10-сы ҡат, 1007-се бүлмә йәки 4-се ҡат, 414-се бүлмә) ебәрергә.