1. Конкурсты ойоштороусылар
— Башҡортостан Республикаһының Мәҙәниәт министрлығы,
— Башҡортостан Республикаһының Яҙыусылар союзы.

2. Конкурстың маҡсаттары һәм бурыстары:
— республика халҡының ижади өлөшөн, айырыуса һәләтле йәштәрҙе, ижади сағылыш төрө булараҡ нәфис әҙәбиәткә йәлеп итеү;
— ватан тарихына ҡыҙыҡһыныуҙы арттырыу, илһөйәрлек темаһы менән тәрәнерәк танышыу өсөн шарттар булдырыу;
— һөнәри хеҙмәттәшлек өсөн перспективалы яңы авторҙар табыу;
— милли телде һаҡлап ҡалыу һәм үҫтереү;
— яңы патриотик әҫәрҙәр ижад итеүҙе дәртләндереү һәм улар өсөн ҡулай шарттар тәьмин итеү.

3. Конкурсты үткәреү сроктары.
Конкурс биш йылға бер тапҡыр үткәрелә. Уға әҫәрҙәрҙе тәҡдим итеүҙең һуңғы срогы — быйылғы 1 декабрь. Жюриҙың ҡарары быйыл 25 декабрҙә үтәсәк конкурста еңеүселәрҙе бүләкләү тантанаһында иғлан ителә.

4. Конкурста ҡатнашыу шарттары
Конкурста Башҡортостан Республикаһы Яҙыусылар союзы ағзалары, шулай уҡ Башҡортостан Республикаһында йәшәүсе теләгән һәр автор ҡатнаша ала. Йәш буйынса сикләү юҡ.

5. Конкурс премияһы
Конкурс йомғаҡтары буйынса еңеүсегә 50 мең һум күләмендә бер премия бирелә. Конкурсты ойоштороусылар махсус приздар булдырыу, призлы урындар һанын кәметеү йәки арттырыу хоҡуғына эйә.

6. Конкурс жюрийы
Конкурсты үткәреү өсөн ойоштороусылар тарафынан күренекле яҙыусыларҙан, сәнғәт эшмәкәрҙәренән, тәнҡитселәрҙән, йәмәғәтселек вәкилдәренән торған республика жюрийы төҙөлә.
Конкурс жюриҙың ябыҡ ултырышы рәүешендә үткәрелә.

7. Конкурста тәҡдим ителгән эштәргә талаптар
Конкурсҡа Башҡортостан Республикаһы, Рәсәй Федерацияһы төбәктәре, алыҫ һәм яҡын сит илдәр нәшриәттәрендә, киң мәғлүмәт сараларында әүәлерәк баҫылып сыҡмаған, башҡа конкурстарҙа премиялар менән бүләкләнмәгән художестволы әҫәрҙәр тәҡдим ителә.
Конкурста ҡатнашыу өсөн урыҫ һәм башҡорт телдәрендә өс данала яҙылған, баҫылған (ҡулъяҙмалар алынмай), төҙәтеүҙәре, бысратыуҙары булмаған художестволы әҫәрҙәр (повесть, хикәйә, пьеса, поэма, баллада, ода) ҡабул ителә, уның исеме, жанры, псевдоним күрһәтелергә тейеш.
Әҫәрҙәр үҙенсәлекле (башҡа прозаик һәм шиғри әҫәрҙәргә оҡшамаған), теле, рухы, формаһы буйынса заманса, һуңғы дүрт йылда яҙылған булырға тейеш.
Бөтә әҫәрҙәрҙә лә ижад йылы аныҡ күрһәтелеүе мотлаҡ.
Башҡорт телендәге конкурс эштәре урыҫ теленә тәржемәһе менән өс данала ҡабул ителә. Художестволы әҫәрҙәрҙә авторҙың шәхесен күрһәткән билдәләмәләр булмаҫҡа тейеш. Материалдарға йәбештерелгән конверттың теркәлеүе шарт. Конвертҡа авторҙың фамилияһы, исеме, атаһының исеме, тыуған көнө, адресы, телефоны, ҡыҫҡаса ижади автобиографияһы, шөғөл төрө күрһәтелгән мәғлүмәттәр һалынырға тейеш.
Конкурсҡа ебәрелгән материалдар рецензияланмай һәм кире ҡайтарылмай. Конкурста ҡатнашыусыларҙың исемдәре, лауреаттарҙан тыш, баҫылып сыҡмай.
Иң ҙур күләм — компьютерҙа баҫылған 40 бит (шрифт Times 14 pt).
Эштәр түбәндәге адрес буйынса ҡабул ителә: Өфө ҡалаһы, Коммунистик урам, 34, Башҡортостан Республикаһының Яҙыусылар союзы (тел.: (347) 273-30-47) йәки Өфө ҡалаһы, Революцион урам, 18, Башҡортостан Республикаһының Мәҙәниәт министрлығы, 16-сы кабинет (һөнәри сәнғәт һәм белем биреү бүлеге). Белешмәләр өсөн телефон: (347) 273-43-09.