Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
Башҡортостан гәзите » Мәҙәниәт » Эй тылсымлы ла, яғымлы ла туған тел...
Эй тылсымлы ла, яғымлы ла туған тел...Мин – ябай уҡытыусы, башҡорт теле һәм әҙәбиәтенән белем бирәм. Ни өсөн тап ошо йүнәлеште һайланым тиһегеҙме? Тәү ҡарамаҡҡа был – бик ябай һорау, ә икенсе яҡтан... Күңелемдәге ынтылыш-тойғоларҙың формалашыуын, һөнәремдең асылын аңлауҙы мин үҙемдең бала саҡтағы ваҡиғалар менән бәйләйем.


Минең бала сағым ауылда, атайым һәм яратҡан өләсәйем янында үтте. Өлә­сәйем ғаиләбеҙҙә иң аҡыллы һәм хөрмәтле кеше булды, уның һүҙе бер ваҡытта ла кире ҡағылманы, бәхәскә тотолманы, әйт­кәндәре ваҡытында үтәлде. Уның бәләкәй генә бүлмәһендә стенаны биҙәп төрлө һү­рәттәр төшөрөлгән сағыу япма эленеп торор ине. Һәр кис өләсәйем мине ҡосағы­на алып, башҡорт халыҡ әкиәт­тәрен – халҡымдың рухи хазинаһын берәм-берәм бөртөкләп, тын ғына һөйләр ине. Мин иһә, уның әкиәттәрен тыңлаған саҡта шул ҡор­шауҙан күҙемде алмай торғайным. Ғәжәп хәл: һәр әкиәт һайын япмалағы һү­рәттәр үҙгәрә, сағыуыраҡ балҡый, сәскә­ләре лә, әйтерһең, бүлмә буйлап үрмәләй торғай­ны... Ҡамыр батырҙың еңеүҙәре булһын­мы, Заятүләк менән Маянһылыу мөхәббәте ауырлыҡтарҙы еңеп сыҡһынмы, Айһылыу­ҙың Ай ҡыҙына әйләнеүе – бөтәһе лә ошо тылсымлы япма эсендә сағылыш табыр ине. Оҫта ҡулдар менән оҙаҡ ваҡыт дауа­мында сикһеҙ һөйөү, бөткөһөҙ наҙ менән си­гелгән был туҡыма киҫәге, әйтерһең дә, ошо әкиәттәрҙең шаңын, данын күргән һәм белгән сихри белгес ине. Бер аҙ үҫеп, өләсәйемә ошо хәлде һөйләп биргәс, ул миңә йылмайып:
– Булыр, балам, был япма – быуаттар буйы беҙҙең ғаиләлә һаҡланып, ҡулдан-ҡулға күскән тарихи ҡомартҡы бит ул. Миңә лә әсәйем ошо япма аҫтында әкиәт­тәр һөйләр ине, кем белә, уға ла өләсәһе ошолай мөғжизәләр илен асҡандыр. Тик матур күңелле кеше генә ошо япмаға ҡарап, серле ептәр табыр, күңел наҙын таныр, ә ҡарсыға күңелле кешегә япма иҙән сепрәге кеүек күренер... – тине.
Ысынлап та, йылдар үтә торҙо, ә япма үҙенең мәғәнәһен юғалтманы. Йылдар үтеү менән унда башҡа батырҙарҙың-һылыуҙарҙың тормошо сағылыш тапты. Зәйнәб Биишеваның Емеше булһынмы, Мостай Кәримдең Айгөл илеме, Рәми Ғариповтың һөйгәненә булған хистәреме – һәммәһе лә ошо япмала күренгәндәй булды…
...Бала сағым тиҙ генә үтеп киткән хә­тирә булып ҡалды. Өләсәйемдең япмаһы урынына заманса туҡылған зауыҡлы келәмдәр эленде, ә теге тылсымлы туҡыма онотолдо ла кеүек... Әммә һис улай түгел: ул күңелемдә мәңгелек уйылмаҫ мөхәббәт булып ҡалды. Халҡыма, туған телемә, матур Башҡортостаныма булған оло һөйөү, бөтмәҫ-төкәнмәҫ мөхәббәт булып…
Бөгөн мин ошо япманың тылсымлы нурҙарын үҙемдең уҡыусыларыма таратам, күңелемдә булған һөйөүемде уларға бүләк итәм. Бар теләгем – улар ҙа хал­ҡы­быҙҙың рухи хазинаһын – башҡорт халыҡ ижадын, танылған яҙыусыларҙың әҫәрҙәрен ысын күңелдән аңлап, ҡабул итеп, мәңгегә ғашиҡ булып, киләһе быуын­дарға ла еткерһен ине...
Йыл һайын мәктәптә Шәжәрә байрамын үткәрәбеҙ. Уҡыусылар ғаилә гербын төшөрә, шәжәрә төҙөй, һүрәттәр конкурсы ла ойошторола. Бөйөк Еңеүгә арналған “Билдәһеҙ һалдатҡа хат”, “Олатайыма хат” ҡала бәйгеләрендә, Экология йылына арналған “Башҡортостан ынйылары”, Республика көнөнә арналған “Данлайым һине, Республикам!” иншалар ярышында ла әүҙем ҡатнаштыҡ. Шулай уҡ ғилми-тик­шеренеү эштәре лә даими алып барыла.
Беҙҙең мәктәптә башҡорт теле һәм әҙәбиәте уҡытыусыларының ҡала-район кимәлендәге ғәмәли-теоретик семинар­ҙары үтеп тора. “Түңәрәк өҫтәл”дәр, оҫталыҡ кластары, асыҡ дәрестәр ойош­торабыҙ, тәжрибә уртаҡлашабыҙ. Баш­ланғыс класс уҡыусыларым шиғыр яҙырға маһир: “Аҡ­буҙат” журналына яҙышып торалар. Яҙыу­сылар менән осрашыуҙарға ла йөрөйбөҙ: күптән түгел Ноғман Мусин, Әнисә Таһированың ижад кисәләренә барҙыҡ. “Башҡортостан”, “Торатау” гәзиттә­рен йыл һайын яҙҙырып, баҫманы уҡып, дә­рестәр­ҙә, класс сәғәттәрендә ҡулланабыҙ.
Иң мөһиме – балаларҙың күҙҙәрендә осҡондар күрәм. Туған телен ҡыҙыҡһынып, теләп өйрәнгән балалар, тыуған еренең тарихы, мәҙәниәте менән мауыҡҡан рухлы балалар үҫеп килеүе уғата ҡыуаныслы, уҡытыусы булараҡ, миңә лә оло йыуаныс бирә. Эйе, заман зауығына ярашлы әйбер­ҙәр бер ҡасан да өләсәйем япмаһын алмаштыра алмаған кеүек, сит-ят телдәр ҙә кешенең туған телен, тамырҙарын, асы­лын, булмышын алмаштыра алмаҫ. Тик матур күңелле кеше генә туған телен күҙ ҡараһылай һаҡлар, ә ҡарсыға күңелле кешегә бөтөн телдәр ҙә ят булыр…

Алһыу КӘРИМОВА,
башҡорт теле һәм әҙәбиәте уҡытыусыһы.

Ишембай ҡалаһы.




Беҙҙе Яндекс Дзен лентаһында уҡығыҙ

В ОдноклассникахВконтакте





Башҡортостанда Вәсилә Фәттәхованың исеме урамға биреләсәк

Башҡортостанда Вәсилә Фәттәхованың исеме урамға биреләсәк 30.01.2026 // Мәҙәниәт

Белорет ҡалаһында яңы урам билдәле йырсы Вәсилә Фәттәхова исемен йөрөтәсәк. Был хаҡта «Башинформ» ......

Тотош уҡырға 0

Өфөнән AY YOLA төркөмө артистары Үзбәкстанда юғары наградаға лайыҡ булған

Өфөнән AY YOLA төркөмө артистары Үзбәкстанда юғары наградаға лайыҡ булған 29.01.2026 // Мәҙәниәт

Өфөнән AY YOLA төркөмө артистары Үзбәкстанда юғары наградаға лайыҡ булған...

Тотош уҡырға 0

Фәйзи Ғәскәров исемендәге ансамбль республика буйлап гастролдәргә сыға

Фәйзи Ғәскәров исемендәге ансамбль республика буйлап гастролдәргә сыға 29.01.2026 // Мәҙәниәт

Фәйзи Ғәскәров исемендәге дәүләт академия халыҡ бейеүҙәре ансамбле Башҡортостан буйлап гастролдәргә ......

Тотош уҡырға 0

Билдәле артист Ринат Рәхмәтуллин ҡыҙын кейәүгә биргән

Билдәле артист Ринат Рәхмәтуллин ҡыҙын кейәүгә биргән 29.01.2026 // Мәҙәниәт

Билдәле артист Ринат Рәхмәтуллин ҡыҙын кейәүгә биргән...

Тотош уҡырға 0

Башҡортостанда йәшәүселәрҙе милли кейем фестивалендә ҡатнашырға саҡыралар

Башҡортостанда йәшәүселәрҙе милли кейем фестивалендә ҡатнашырға саҡыралар 28.01.2026 // Мәҙәниәт

«Урал мираҫы» төбәк-ара милли кейем фестиваленә ғаризалар ҡабул ителә. Был сара илебеҙ оҫталарын, ......

Тотош уҡырға 0

Рәсәйҙә тәүге тапҡыр Театр сәнғәте төнө үткәрелә

Рәсәйҙә тәүге тапҡыр Театр сәнғәте төнө үткәрелә 28.01.2026 // Мәҙәниәт

Рәсәйҙә тәүге тапҡыр Театр сәнғәте төнө үткәрелә...

Тотош уҡырға 1

10 йыл һинһеҙ: Башҡортостанда билдәле йырсы Вәсилә Фәттәхованы иҫкә алалар
Башҡортостан Башлығы 2026 йылда Актерҙар йортон ремонтлауҙы проектларға ҡушты

Башҡортостан Башлығы 2026 йылда Актерҙар йортон ремонтлауҙы проектларға ҡушты 26.01.2026 // Мәҙәниәт

Башҡортостан Башлығы 2026 йылда Актерҙар йортон ремонтлауҙы проектларға ҡушты...

Тотош уҡырға 0

Башҡортостандың халыҡ артисы Айҙар Ғәлимов тағы бер юғары исем алған

Башҡортостандың халыҡ артисы Айҙар Ғәлимов тағы бер юғары исем алған 14.11.2025 // Мәҙәниәт

Башҡортостандың халыҡ артисы Айҙар Ғәлимов тағы бер юғары исем алған...

Тотош уҡырға 10

Башҡорт режиссеры Айнур Асҡаров Белоруссияла һуғыш тураһында фильм төшөрә

Башҡорт режиссеры Айнур Асҡаров Белоруссияла һуғыш тураһында фильм төшөрә 14.11.2025 // Мәҙәниәт

Башҡорт режиссеры Айнур Асҡаров Бөйөк Еңеүҙең 80 йыллығына арналған «Еңеү почтальоны» тигән яңы ......

Тотош уҡырға 12

Өфөлә Турахан кәшәнәһен ЮНЕСКО исемлегенә индереү пландары хаҡында һөйләнеләр

Өфөлә Турахан кәшәнәһен ЮНЕСКО исемлегенә индереү пландары хаҡында һөйләнеләр 14.11.2025 // Мәҙәниәт

Башҡортостандың күренекле ҡомартҡыһы Турахан кәшәнәһе ЮНЕСКО-ның Бөтә донъя мираҫы исемлегенә ......

Тотош уҡырға 10

Башҡортостан Башлығы: «Милли мәҙәниәтте үҫтереү — дәүләт бурысы»

Башҡортостан Башлығы: «Милли мәҙәниәтте үҫтереү — дәүләт бурысы» 12.11.2025 // Мәҙәниәт

Башҡортостан Башлығы: «Милли мәҙәниәтте үҫтереү — дәүләт бурысы»...

Тотош уҡырға 9


Комментарий өҫтәргә