Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Әҙерлек әүҙем бара
Балалар яңы уҡыу йылын таҙа, төҙөк, күркәм мәктәптәрҙә ҡаршы алһын өсөн учалылар ҙур тырышлыҡ күрһәтә.
Яңы уҡыу йылы башланыуға күп тә ҡалманы. Балалар августың ҡояшлы көндәрен файҙаланып, рәхәтләнеп ял итә. Ә бына белем биреү учреждениелары етәкселәре, мәғариф хеҙмәткәрҙәре өсөн бик ҡыҙыу осор. Балалар Белем көнөн таҙа, төҙөк, күркәм биналарҙа ҡаршы алһын өсөн бар көсөн һала улар.
Учалы районы педагогтары ла ең һыҙғанып яңы уҡыу йылына әҙерләнә. Һәр бер мәктәптә косметик ремонт уҙғарыла – стеналар, түшәмдәр буяла, ағартыла, ихата, мәктәп алдары төҙөкләндерелә, мебель ипкә килтерелә.
Дөйөм алғанда, райондың алты мәктәбе һәм балалар баҡсаһы капиталь ремонтлана. Бөгөн тәҙрә алыштырыу буйынса эштәр ҡаланың “Дельфин” һәм “Светлячок” мәктәпкәсә белем биреү учреждениеларында тамамланған да инде. Ике баҡсала ла эштәрҙе “Ибраһимов” шәхси предприятиеһы атҡарған.
– Беҙҙең баҡса 1978 йылда төҙөлгән, тәҙрәләр бик иҫке ине. Ҡышҡы һалҡындарҙа бигерәк тә ҡыйын булды – һыуыҡ көндәрҙә ел уйнап торҙо. Урындағы бюджеттан бүленгән миллион ярым һум аҡсаға 109 тәҙрә лә замансаға алыштырылды. Подряд ойошмаһы эштәрҙе ваҡытында һәм сифатлы итеп атҡарып сыҡты. Быға бигерәк тә ата-әсәләр шат, – тип ҡыуанысы менән уртаҡлашты “Дельфин” балалар баҡсаһы мөдире Гөлназ Мөлөкова.
Ҡаланың 15-се балалар баҡсаһында бинаның түбәһен алмаштырыу әүҙем бара.
– Баҡсаға өс тиҫтәнән ашыу йыл, шунан бирле бер ҡасан да капиталь ремонт уҙғарылмағайны. Ҡыйығы бик иҫке, ямғырлы көндәрҙә һыу тамсылап ыҙалатты хатта. Район хакимиәте хәстәрлеге менән республика бюджетынан бүленгән 1 миллион 800 меңгә бөгөн ҡыйыҡ тулыһынса алмаштырыла. Аукцион шарттары буйынса ремонтты үҙ иңенә йөкмәгән Магнитогорск ҡалаһының “Ойл-стройкомплект” йәмғиәте эштәрҙе тейешле ваҡыттан һуңлаңҡырап башланы. Июнь айы ямғырлы булды, һауа шарттары ла иҫке түбәне һүтергә тотҡарланы. Артабан эштәр көйләнер, һауа торошо ла аяҙ көндәр вәғәҙә итә, подрядсылар, бурыстарына яуаплы ҡарап, ремонтты тиҙләтерҙәр, – тигән өмөтөн белдерҙе учреждение етәксеһе Эльвира Багина.
Ураҙ лицейының түбәһен яңыға алмаштырыу эштәрен урындағы “Мастер” йәмғиәте башҡара. 1976 йылда төҙөлгән ике ҡатлы бина түбәһенән яҙ көнө һыу үтеп, түшәмдең штукатуркаһы ишелә, шуға күрә мәктәп етәкселеге ике кабинетты бөтөнләй ябып ҡуйырға мәжбүр була.
– Беҙҙең проблемаға етди ҡарап, район хакимиәте урындағы бюджеттан ремонт өсөн 1 миллион 144 мең һум аҡса бүлде. Подрядсы ойошма түбәне хатта ваҡытынан алда алмаштырып ҡуйҙы, эштәрҙе бик сифатлы, еренә еткереп башҡарҙылар. Барыһына ла ата-әсәләр, уҡыусылар, уҡытыусылар исеменән сикһеҙ рәхмәтебеҙҙе белдерге килә, – тине мәктәп директоры Дилә Хаджеева.
Әйткәндәй, ошо көндәрҙә мәктәптәрҙе яңы уҡыу йылына ҡабул итеү комиссияһы булып, лицейға, шулай уҡ уның Ишмәкәй һәм Ҡотой ауылдарындағы филиалдарына бер дәғүәһеҙ, “әҙер” тигән билдә ҡуйған.
Мулдаҡай мәктәбе лә яңы уҡыу йылына тулыһынса әҙер, уның да түбәһе урындағы бюджеттан бүленгән 1 миллион 110 мең һумға капиталь ремонтланған.
Комсомольск мәктәбенең Туңғатар филиалында әлеге ваҡытта “Абсолют Сервис” йәмғиәте спорт залында иҙәндәрҙе алыштырыу менән мәшғүл.
Бынан тыш, “Берҙәм Рәсәй” партияһының “Реаль эштәр” программаһына ярашлы, быйыл райондың дүрт мәғариф учреждениеһына төҙөкләндереү өсөн аҡса бүленгән.
Ахун балалар баҡсаһында тәҙрә алмаштырыу тамамланған да инде. Ә Поляковка мәктәбендә һәм ҡаланың 1-се балалар баҡсаһында эштәрҙең ҡыҙған ғына мәле, уларҙа ла иҫке тәҙрәләр замансаға алмаштырыласаҡ. Комсомольск мәктәбендә иһә “Реаль эштәр” сиктәрендә бина эсендә йылытылған бәҙрәфтәр булдырыласаҡ, ошо маҡсатта 150 мең һум финанс бүленгән.
– Дөйөм алғанда, райондың бөтә белем биреү учреждениеларында ла яңы уҡыу йылына әҙерлек әүҙем бара. Һәр мәктәптә косметик ремонт уҙғарылды, ошо маҡсатта район хакимиәте 1 миллион 39 мең һум аҡса бүлде. Август уртаһына тиклем янғын һағы, санэпидемстанция хеҙмәте, мәғариф бүлеге, район хакимиәте вәкилдәренән торған комиссия учреждениеларҙың әҙерлеген тикшерәсәк. Беҙҙең төп бурыс – белем алыу өсөн балаларға уңайлы, хәүефһеҙ шарттар тыуҙырыу. 1 сен­тябргә тиклем ҡалған һанаулы ғына көндәрҙе файҙаланып, мәғариф хеҙмәткәрҙәре комиссия асыҡлаған етешһеҙлектәрҙе бөтөрөр һәм тулы әҙерлек менән балаларҙы ҡаршы алыр тип ышанабыҙ, – тине мәғариф бүлеге начальнигы Нурзидә Абдрахманова.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Ҡурсаҡ театрында яңы миҙгел асыла

Ҡурсаҡ театрында яңы миҙгел асыла 24.08.2018 // Аҡмулла / Әҙәбиәт

Ҡурсаҡ театры тамашасыларға бер юлы өс премьера әҙерләне: “Етем төлкө”, “Буратино” камера...

Тотош уҡырға 1 580

Икеһе лә балалар өсөн

Икеһе лә балалар өсөн 24.08.2018 // Социаль мәсьәлә / Аҡмулла

Бөрйән районында “Башҡортостандың 100 йыллығына – 100 объект программаһы”на ярашлы ике...

Тотош уҡырға 1 556

Төмәнәктә туйҙар матур үтә

Төмәнәктә туйҙар матур үтә 24.08.2018 // Аҡмулла

Ҡайһы берәүҙәр “ауыл бөтә” тип ҡайғырғанда, Туймазы районындағы Төмәнәк ауылы халҡы дәртләнеп донъя...

Тотош уҡырға 1 362

Байрамдарҙың бармы ҙурыһы?!.

Байрамдарҙың бармы ҙурыһы?!. 24.08.2018 // Белем һәм тәрбиә / Аҡмулла

Хәҙер календарға күҙ һалыу менән аптырашҡа ҡалаһың, һәр көн – ниндәй ҙә булһа байрам. Ҡайһы бер...

Тотош уҡырға 1 533

Ике аҡҡош

Ике аҡҡош 16.08.2018 // Аҡмулла

Ике йәш йөрәк сәхнәлә табыша. Әхмәт Зәйнуллин менән Мәрхәбә Вәлишинаның уҡытыусы булып эшләй...

Тотош уҡырға 1 551

Урағайҙа, йөҙ йыл элек

Урағайҙа, йөҙ йыл элек 16.08.2018 // Аҡмулла

Рәсәй. Август. Ваҡиғалар....

Тотош уҡырға 1 341

“Тантана ла, бер аҙ һағыш та бар...”

“Тантана ла, бер аҙ һағыш та бар...” 10.08.2018 // Аҡмулла

Шиғриәт – бер аҙ абстракт төшөнсә. Шағирҙың ижады, уның йәшәү кредоһы хаҡында телдән һөйләп аңлатыу...

Тотош уҡырға 1 524

Ижад ит һин бала күңелдәрен, Шиғыр итеп яҙ һин яҙмышыңды

Ижад ит һин бала күңелдәрен, Шиғыр итеп яҙ һин яҙмышыңды 10.08.2018 // Аҡмулла

Уның хаҡында ижади фекерләгән, балаларын олимпиадаларға әҙерләгән уҡытыусы булараҡ яҙырғамы, әллә...

Тотош уҡырға 1 923

“Шундай матур мәктәптә уҡырға кәрәк яҡшы!”

“Шундай матур мәктәптә уҡырға кәрәк яҡшы!” 10.08.2018 // Аҡмулла

Өфөнөң Октябрь районына ҡараған Нуғай ҡасабаһында яңы төҙөлгән мәктәп әллә ҡайҙан балҡып, үҙенә...

Тотош уҡырға 1 360

Хеҙмәт кенәгәһендә – бер генә яҙыу

Хеҙмәт кенәгәһендә – бер генә яҙыу 10.08.2018 // Белем һәм тәрбиә / Аҡмулла

Уҡытыусы һөнәре элек-электән маҡтауға лайыҡ. Уның абруйы, бәҫе һәр ваҡыт юғары. Шуға күрә уҡытыусы...

Тотош уҡырға 1 681

“Бишле”гә уҡыһаң – бушлай сәйәхәт

“Бишле”гә уҡыһаң – бушлай сәйәхәт 10.08.2018 // Аҡмулла

“iВолга-2018” Бөтә Рәсәй йәштәр форумына БДУ-ның Стәрлетамаҡ филиалы студенты Роман Баязитов...

Тотош уҡырға 1 307

Мәшһүр әҙип ял иткән урында

Мәшһүр әҙип ял иткән урында 13.07.2018 // Аҡмулла

Республика етәкселеге балаларҙың йәйге ялын ойоштороуға һәр ваҡыт ҙур иғтибар бүлә, быйыл да ял һәм...

Тотош уҡырға 1 246