Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Баш ҡалаға барыу кәрәкмәй
Сибайҙа ла катаракта сиренә операция эшләнә.

Сибай, Урал аръяғының мәҙәни үҙәге булыуҙан тыш, һаулыҡ һаҡлау буйынса ла алдынғы төбәккә әүерелә бара. Күптән һатып алынып та, ошоға тиклем файҙаланыуға тапшырылмаған факоэмульсификатор медицина ҡорамалы сафҡа индерелде. Шулай уҡ быйыл яһалма күҙ яҫмығы ҡуйыу аппараты ла ҡулланыла башланы.

Дауахананың офтальмология бүлеге мөдире Амур Моталлапов әйтеүенсә, бүлектә йылына 300-ҙән ашыу операция яһала. Бында Хәйбулла, Баймаҡ һәм Йылайыр райондары, Баймаҡ, Сибай ҡалаһынан сирлеләр мөрәжәғәт итә. Ошоға тиклем иң күп таралған глаукома һәм катаракта сиренә юлығыусылар Өфөгә йәки күрше Ырымбур өлкәһенә, Магнитогорск ҡалаһына операция яһатырға йөрөһә, әле бындай медицина хеҙмәтен Сибайҙа күрһәтеү мөмкинлеге булдырылды.

Әйткәндәй, катаракта сире күпселек оло йәштәгеләр араһында йыш күҙәтелә. Яңы ҡорамалдың сафҡа индерелеүе инновациялы технологиялар ярҙамында операцияны тиҙ, сифатлы башҡарыу мөмкинлеген бирә. Факоэмульсификатор ярҙамында сиргә йөйһөҙ хирургик операция яһалһа, икенсенән, бындай ысул менән күҙ күреү һәләте тулыһынса ҡапланып бөтмәҫ элек, йәғни “томанлы” күреү осоронда, эшләргә була. Аппараттың төп өҫтөнлөгө — ҡырҡылған операция йөйө бәләкәй, ни бары ике-өс миллиметр булыуында, шунлыҡтан ул үҙ-үҙенә йәбешеп, тиҙ уңала. Был методика менән эшләүҙең төп үҙенсәлеге — операциянан һуң сирлеләр яҡшы күрә.

— Бүлеккә яңы аппарат файҙаланыуға тапшырылған көндә Өфө күҙ ауырыуҙары ғилми-тикшеренеү институты хирургы Раян Хисмәтуллин хеҙмәткәрҙәре менән килде. Яңы ҡорамалды һынау маҡсатында бергәләп бер көндә туғыҙ кешегә операция яһалды. Хәҙер был эште үҙаллы дауам итәсәкбеҙ. Әгәр ҙә беҙ элегерәк катарактаға операция яһағандан һуң сирленең тома һуҡыр ҡалыу ихтималын көтһәк, бөгөн сирҙең тәүге эҙемтәләре күренеү менән эшләү мөмкинлеге бар. Был сирленең хеҙмәт урынын һаҡлап ҡалыу мөмкинлеген бермә-бер арттыра. Шулай уҡ пациенттарға алыҫ араға юл сығымдарын түләп, операция эшләү өсөн йөрөргә тура килмәйәсәк. Беҙ планға ярашлы эш алып барабыҙ, күрһәткән хеҙмәт түләүһеҙ. Тик бер генә теләк: сирлеләр күҙ сыраҡтарынан яҙмайынса, һуңғы сиккә тиклем үҙ һаулыҡтарына битараф булмаһын ине. Йылына бер тапҡыр булһа ла күҙ табибына күренеү мотлаҡ, — ти тәжрибәле табип Амур Хөрмәт улы.

Бүлектә әле 15 стационар бар, көндөҙгө бүлектә 10 койка иҫәпләнә. Ошо бүлеккә оҙаҡ йылдар етәкселек иткән тәжрибәле табиптарҙың береһе Римма Афзалова ла юғары технологиялар ярҙамында операция яһауҙың яңы юлдарын юғары баһалай.

Республика Башлығы вазифаһын ваҡытлыса башҡарыусы Радий Хәбировтың һаулыҡ һаҡлау өлкәһенә ҙур иғтибар йүнәлтеүе хуплауға лайыҡ. Ул ауылдарҙа ла, ҡалаларҙа ла медицина ярҙамы күрһәтеүҙең юғары кимәлдә булырға тейешлеген билдәләне.

Урал аръяғы халҡын хеҙмәтләндергән Сибай ҡала дауаханаһының матди-техник базаһының нығыныуы, заманса медицина ҡорамалдарының сафҡа инеүе табиптар өсөн генә түгел, төбәк сирлеләре өсөн дә оло ҡыуаныс, сөнки уларға әллә ҡайҙа ситкә йөрөргә тура килмәй, үҙебеҙҙә дауаланыу мөмкинлеге тыуҙырыла.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Дөрөҫ йәшәгеҙ

Дөрөҫ йәшәгеҙ 29.03.2019 // Сәләмәт булайыҡ

Заман ҙур тиҙлек менән алға елгәндә, йылдарға йылдар өҫтәлгән һайын тормоштоң мәғәнәһе, дөрөҫ...

Тотош уҡырға 281

Ғалимдар һөйөндөрмәне

Ғалимдар һөйөндөрмәне 29.03.2019 // Сәләмәт булайыҡ

Сит ил ғалимдары, атап әйткәндә, АҠШ, Испания һәм Норвегия тикшеренеүселәре рәсәйҙәрҙе тиҙ...

Тотош уҡырға 206

Прививкаһыҙ мәктәпкә лә, баҡсаға ла индермәйәсәктәр

Прививкаһыҙ мәктәпкә лә, баҡсаға ла индермәйәсәктәр 29.03.2019 // Сәләмәт булайыҡ

Күптән түгел Италияла яңы закон ғәмәлгә инде. Ата-әсәләр балаларын киң таралған йоғошло сирҙәрҙән...

Тотош уҡырға 241

“Сихут” сире һайлап тормай...

“Сихут” сире һайлап тормай... 29.03.2019 // Сәләмәт булайыҡ

Бер нәмәнән дә ҡурҡмаған таяҡса хаҡында....

Тотош уҡырға 209

“Ир менән ҡатын проблемаһы”н  еңеп сығырға мөмкин
"Сибай ҙа, уның халҡы ла оҡшаны"

"Сибай ҙа, уның халҡы ла оҡшаны" 22.03.2019 // Сәләмәт булайыҡ

Тап шундай йылы һүҙҙәр, яҡты уйҙар менән ҡайтырға сыҡты Өфө табиптары. Бөгөн Сибайҙа сирлеләрҙе...

Тотош уҡырға 209

Заман менән бергә атлайҙар

Заман менән бергә атлайҙар 22.03.2019 // Сәләмәт булайыҡ

“Йөрәк һүҙе”, “Йөрәктән сыҡҡан йөрәккә етә”, “Бала – йөрәк ите”, “Миһырбанлыҡ – йөрәктән”... Кеше...

Тотош уҡырға 243

Яман шешкә ҡаршы "ҡоралланып"

Яман шешкә ҡаршы "ҡоралланып" 21.03.2019 // Сәләмәт булайыҡ

Бөгөнгө “Сәләмәтлек сәғәте”ндә онкологик сирлеләрҙе дарыу препараттары менән тәьмин итеү мәсьәләһе...

Тотош уҡырға 186

Сирҙәрҙе башланғыс стадияһында уҡ асыҡлаясаҡ

Сирҙәрҙе башланғыс стадияһында уҡ асыҡлаясаҡ 16.03.2019 // Сәләмәт булайыҡ

Учалы үҙәк дауаханаһында өлкәндәр өсөн УЗИ кабинетын йыһазландырыу эштәре бара....

Тотош уҡырға 199

Ҡәлғәгеҙ хәүефһеҙме?

Ҡәлғәгеҙ хәүефһеҙме? 15.03.2019 // Сәләмәт булайыҡ

Таҙалыҡ – сәләмәтлек нигеҙе, тигән ҡанатлы һүҙҙәр хәҙерге заманда ла көнүҙәклеген юғалтмай....

Тотош уҡырға 265

Үҙеңдән дә оло табип юҡ

Үҙеңдән дә оло табип юҡ 15.03.2019 // Сәләмәт булайыҡ

Һаулыҡтың һаҡлауға мохтаж икәнлеген хәтерҙә тотайыҡ....

Тотош уҡырға 414

Уйҙырмаларҙан ҡотолайыҡ

Уйҙырмаларҙан ҡотолайыҡ 15.03.2019 // Сәләмәт булайыҡ

Һаулыҡ һаҡлау өлкәһендә лә төрлө уйҙырмалар етерлек. Шуларҙың бер нисәһенә күҙ һалайыҡ....

Тотош уҡырға 264