Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Алтын ҡулдарығыҙға рәхмәт!
Алтын ҡулдарығыҙға рәхмәт!Ғ.Ғ. Ҡыуатов исемендәге республика клиник дауаханаһының ҡан тамыры хирургияһы бүлеге мөдире, Башҡортостан Республикаһының атҡаҙанған табибы, медицина фәндәре кандидаты Әмир Айытҡол улы Хәмитов етәкләгән бүлек эшенә саҡ ҡына ҡағылып үтеү өсөн “Фекерҙәр һәм тәҡдимдәр” журналына күҙ һалайыҡ.

“Ҡан тамыры хирургияһы бүлегенең коллективы етәксеһе Әмир Айытҡол улы Хәмитовҡа, хирург Илдар Фидай улы Дибаевҡа, анестезиолог Земфира Сәғит ҡыҙы Басироваға, шәфҡәт туташтарына, шул иҫәптән Регина Рауил ҡыҙы Абдулмановаға, кухня эшселәренә, санитаркаларға. Һеҙҙең үҙ һөнәрегеҙҙең оҫтаһы булыуығыҙға – алтын ҡулдарығыҙға рәхмәт”.
Иғтибарыбыҙҙы өс быуын табиптар династияһы вәкиле (атаһы, үҙе, балалары, тормош иптәше) Илдар Фидай улы Дибаевҡа бирәйек. Ул Туймазы районында тыуған. Аталары Өфө районының Дмитриевка ауылынан. Илдар Дибаев медицина университетын тамамлағас, Дәүләкәндә терапевт булып хеҙмәт юлын башлай, шунан Бәләбәйҙә баш табип урынбаҫары була. Хирургияла эшләүенә инде 30 йыл.
– Үҙебеҙҙең төп эшебеҙҙән буш саҡта Стәрлетамаҡ, Дәүләкән ҡалаларында консультация үткәрәбеҙ. Сөнки республика клиник дауаханаһының ҡан тамыры хирургияһы бүлегенең үҫеш кимәле Мәскәү, Санкт-Петербург, Новосибирск менән сағыштырырлыҡ юғары кимәлдә тора. Былтыр беҙҙең бүлектә 1202 операция эшләнде. Шулай уҡ 128 ашығыс операция яһау ҙа бик юғары күрһәткес булып тора.
Беренсе сиратта кеше үҙ һаулығын уйлаһа, беҙ ярҙам итәбеҙ. Әгәр ҙә ул алама ғәҙәттәр менән дуҫлашҡан булһа, үҙен һуңғы сиккә еткерһә, был осраҡта сирҙе еңеүе ҡыйыныраҡ. Насар ғәҙәттәр урынына спорт менән шөғөлләнергә, бәләкәйҙән характерҙы, күңел ныҡлығын үҫтерергә кәрәк.
Мин үҙем бәләкәй саҡтан спорт менән шөғөлләндем, һунар менән мауыҡтым. Биш йыл элек улым фитнесҡа саҡырҙы. “Салауат Юлаев” хоккей командаһының уйындарын ҡалдырмайым.
Коллективыбыҙ берҙәм, эште тамамламайынса ҡайтҡаныбыҙ юҡ. Әмир Айытҡол улы Хәмитов, Юрий Васильевич Тарасов кеүек оло хирургтарыбыҙ йәштәргә өлгө булып тора. Уртансы быуын вәкилдәре: Азат Минлеғәли улы Ғүмәров, Альберт Әхмәт улы Сирғәлин, Марат Әхәт улы Әлмөхәмәтов. Йәштәрҙән Рөстәм Миңхарис улы Дәүләтшин, Дмитрий Валерьевич Белоусов – үҙ һөнәрҙәренең оҫтаһы. Быйыл эшкә Дмитрий Маркелович Филиппов килде.
Илдар Дибаевтың атаһы – хәрби табип, ҡатыны Юлия Геннадьевна – офтальмолог, улы Таһир – офтальмолог, медицина фәндәре кандидаты, ҡыҙы Алһыу – табип-косметолог.
Ҡатыны бер мәл былай тип әйткән: “Һин ун йылдың өс йылын ғына өйҙә үткәрҙең”. Эйе, табиптар бүлектә дежур итеү менән бергә санитар авиацияла ла эшләй. Улар Баймаҡҡа, Дәүләкәнгә һәм башҡа тарафтарға самолеттарҙа, вертолеттарҙа оса.
– Мин бәләкәй саҡта теген машинаһында тегергә, бәйләргә өйрәнгәйнем. Ошо оҫталығым хәҙер операция барышында кәрәкмәгәнде ипләп кенә алып ташларға ярҙам итә. Медицинанан тыш баҡса эшен яратам. Бер алмағасымда биш төрлө алма үҫә. Һәр саҡ гитарала уйнарға өйрәнеү теләге менән йәшәнем.
Әлбиттә, медицинаны ташлап киткән кешеләр ҙә булғылай. Бер коллегабыҙ нефть институтына ситтән тороп уҡырға инде. Һигеҙ йылдан һуң кире ҡайтты. Кем медицинаға тормошон бәйләгән, улар был өлкәнән бер ваҡытта ла китә алмай, – ти Илдар Фидай улы.
Шулай республикабыҙ халҡының һаулығы һағында торған медицина хеҙмәткәрҙәре тырышып эшләй ҙә, матур йәшәй ҙә белә.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Дөрөҫ йәшәгеҙ

Дөрөҫ йәшәгеҙ 29.03.2019 // Сәләмәт булайыҡ

Заман ҙур тиҙлек менән алға елгәндә, йылдарға йылдар өҫтәлгән һайын тормоштоң мәғәнәһе, дөрөҫ...

Тотош уҡырға 1 498

Ғалимдар һөйөндөрмәне

Ғалимдар һөйөндөрмәне 29.03.2019 // Сәләмәт булайыҡ

Сит ил ғалимдары, атап әйткәндә, АҠШ, Испания һәм Норвегия тикшеренеүселәре рәсәйҙәрҙе тиҙ...

Тотош уҡырға 1 170

Прививкаһыҙ мәктәпкә лә, баҡсаға ла индермәйәсәктәр

Прививкаһыҙ мәктәпкә лә, баҡсаға ла индермәйәсәктәр 29.03.2019 // Сәләмәт булайыҡ

Күптән түгел Италияла яңы закон ғәмәлгә инде. Ата-әсәләр балаларын киң таралған йоғошло сирҙәрҙән...

Тотош уҡырға 1 249

“Сихут” сире һайлап тормай...

“Сихут” сире һайлап тормай... 29.03.2019 // Сәләмәт булайыҡ

Бер нәмәнән дә ҡурҡмаған таяҡса хаҡында....

Тотош уҡырға 1 253

“Ир менән ҡатын проблемаһы”н  еңеп сығырға мөмкин
"Сибай ҙа, уның халҡы ла оҡшаны"

"Сибай ҙа, уның халҡы ла оҡшаны" 22.03.2019 // Сәләмәт булайыҡ

Тап шундай йылы һүҙҙәр, яҡты уйҙар менән ҡайтырға сыҡты Өфө табиптары. Бөгөн Сибайҙа сирлеләрҙе...

Тотош уҡырға 1 046

Заман менән бергә атлайҙар

Заман менән бергә атлайҙар 22.03.2019 // Сәләмәт булайыҡ

“Йөрәк һүҙе”, “Йөрәктән сыҡҡан йөрәккә етә”, “Бала – йөрәк ите”, “Миһырбанлыҡ – йөрәктән”... Кеше...

Тотош уҡырға 1 203

Яман шешкә ҡаршы "ҡоралланып"

Яман шешкә ҡаршы "ҡоралланып" 21.03.2019 // Сәләмәт булайыҡ

Бөгөнгө “Сәләмәтлек сәғәте”ндә онкологик сирлеләрҙе дарыу препараттары менән тәьмин итеү мәсьәләһе...

Тотош уҡырға 1 048

Сирҙәрҙе башланғыс стадияһында уҡ асыҡлаясаҡ

Сирҙәрҙе башланғыс стадияһында уҡ асыҡлаясаҡ 16.03.2019 // Сәләмәт булайыҡ

Учалы үҙәк дауаханаһында өлкәндәр өсөн УЗИ кабинетын йыһазландырыу эштәре бара....

Тотош уҡырға 1 039

Ҡәлғәгеҙ хәүефһеҙме?

Ҡәлғәгеҙ хәүефһеҙме? 15.03.2019 // Сәләмәт булайыҡ

Таҙалыҡ – сәләмәтлек нигеҙе, тигән ҡанатлы һүҙҙәр хәҙерге заманда ла көнүҙәклеген юғалтмай....

Тотош уҡырға 1 374

Үҙеңдән дә оло табип юҡ

Үҙеңдән дә оло табип юҡ 15.03.2019 // Сәләмәт булайыҡ

Һаулыҡтың һаҡлауға мохтаж икәнлеген хәтерҙә тотайыҡ....

Тотош уҡырға 1 414

Уйҙырмаларҙан ҡотолайыҡ

Уйҙырмаларҙан ҡотолайыҡ 15.03.2019 // Сәләмәт булайыҡ

Һаулыҡ һаҡлау өлкәһендә лә төрлө уйҙырмалар етерлек. Шуларҙың бер нисәһенә күҙ һалайыҡ....

Тотош уҡырға 1 157