Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Рәшит КӘЛИМУЛЛИНды 60 йәшлек юбилейы айҡанлы ҡайнар йөрәктән ҡотлайбыҙ
Рәшит КӘЛИМУЛЛИНды 60 йәшлек юбилейы айҡанлы ҡайнар йөрәктән ҡотлайбыҙ Бәхетлеләр ваҡ-төйәккә иғтибар итмәүсән, тиҙәр. Бының үҙенә күрә ғилләһе лә бар. Бәләкәйҙән һәр кем ниндәй ҙә маҡсат менән йәшәй, уны тормошҡа ашырыу өсөн ижтиһад итә. Шуның шикелле, “Башҡортостан” республика ижтимағи-сәйәси гәзите журналисы, Башҡортостандың атҡаҙанған матбуғат һәм киң мәғлүмәт хеҙмәткәре Рәшит КӘЛИМУЛЛИН да Учалы районының Илсе ауылында урта мәктәпте бөтөргәндән һуң Учалы ҡалаһындағы “Ураҡ һәм Сүкеш” гәзитендә хеҙмәт юлын башлай. Үҫмерҙең яҙыу-һыҙыу оҫталығын айырым баһалап, уға тәржемәсе бурысын йөкмәтәләр. Оло карапҡа ҙур һыу кәрәк тигәндәй, тыуған төйәгендә бер аҙ ҡанат нығытҡас, ул баш ҡалаға юллана. Өфө моторҙар эшләү заводына бара – тәүҙә эшселәр синыфы тормошо менән йәшәп ҡарарға, матди хәлен яҡшыртырға ҡарар итә.
Юғары белем алыу теләге уны Башҡорт дәүләт университетына илтә – филология факультетының башҡорт-рус бүлеген уңышлы тамамлай. Артабан йәш белгес башкөллө матбуғат донъяһына сума – тәүге осорҙа “Башҡортостан пионеры” гәзитендә (хәҙерге “Йәншишмә”) ҡәләмен сарлай, күп тә үтмәй абруйлы “Башҡортостан” баҫмаһына күсә. Хәбәрсе, бүлек мөдире, баш мөхәррир ҡарамағындағы махсус хәбәрсе, баш мөхәррирҙең беренсе урынбаҫары... Рәшит Шәрифулла улы редакцияның бөтә ҡатмарлы баҫҡысын үткән тәжрибәле журналист булып таныла. Бөгөн һәр һанда Рәшит Кәлимуллиндың төрлө йүнәлештәге мауыҡтырғыс яҙмалары, ҡыҙыҡлы әңгәмәләре баҫылып тора, аналитик фекерҙәре менән дә байыта ул гәзитте.
Әйткәндәй, Башҡортостан Журналистар союзы ағзаһы Рәшит Кәлимуллин байтаҡ йылдар Башҡортостан Башлығының матбуғат хеҙмәтендә эшләне, “Новая экономическая газета”ның директоры булды, “Тәбиғәт” журналының баш мөхәррире вазифаһын башҡарҙы.
Коллегабыҙҙы һәр яҡтан да бәхетле, тип әйтә алабыҙ. Уңған ғаилә башлығы ла ул, йәмәғәте Луиза ханым менән барыһына ла өлгө күрһәтеп, бынамын итеп донъя көтәләр, ҡыҙы Айгөлдөң, кейәүе Рушандың һәм ейәне Русландың уңыштарына һөйөнөп ғүмер итәләр. Ысынлап та, Рәшит Шәрифулла улы донъя мәшәҡәттәренә, тормош ваҡлыҡтарына бер ҡасан да зарланмай, һәммәһенән өҫтөн була белеүе уға ҡарата оло ихтирам уята. Ошо үҙе бәхет түгелме ни.
Хөрмәтле хеҙмәттәшебеҙҙе 60 йәшлек юбилейы айҡанлы ҡайнар йөрәктән ҡотлайбыҙ! Ҡоростай һаулыҡ, аҡ бәхеттәр, ниәт иткән уй-теләктәренең ғәмәлгә ашыуын теләйбеҙ. Рәшит Шәрифулла улы, һәр саҡ асыҡ күңеллеһегеҙ, шаян һүҙлеһегеҙ, ярҙамсылһығыҙ. Киләсәктә лә тирә-йүндәгеләрҙе ошо күркәм сифаттарығыҙ менән һөйөндөрөп ғүмер итегеҙ!

Ихтирам менән “Башҡортостан”дар.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Етмештә лә елдәй елеп

Етмештә лә елдәй елеп 28.11.2018 // Юбилейҙар

Республика етәксеһе билдәле йәмәғәт эшмәкәре Гөлфиә Юнысованы юбилейы менән ҡотланы....

Тотош уҡырға 448

Ҡотлайбыҙ!

Ҡотлайбыҙ! 06.07.2018 // Юбилейҙар

Өфө ҡалаһында йәшәгән ҡәҙерле һеңлебеҙ Сажиҙә Рәфҡәт ҡыҙы Лотфуллинаны 50 йәшлек матур юбилейы...

Тотош уҡырға 853

Ҡотлайбыҙ!

Ҡотлайбыҙ! 08.06.2018 // Юбилейҙар

Баймаҡ районының 2-се Этҡол ауылында 12 балалы ҙур ғаиләлә тыуған иң оло апайыбыҙ Зәйтүнә Рәшит...

Тотош уҡырға 906

Ҡотлайбыҙ!

Ҡотлайбыҙ! 25.05.2018 // Юбилейҙар

Өфө ҡалаһында йәшәгән ҡәҙерле әсә­йебеҙ Тәнзилә Заһи­ҙулла ҡыҙы Туҡаева­ны 80 йәшлек юбилейы менән...

Тотош уҡырға 762

Ҡотлайбыҙ!

Ҡотлайбыҙ! 04.05.2018 // Юбилейҙар

Күренекле педагог, Рәсәй Феде­рацияһының, Башҡорт­остан Респуб­ликаһының атҡаҙанған сәнғәт...

Тотош уҡырға 841

Ҡотлайбыҙ!

Ҡотлайбыҙ! 02.05.2018 // Юбилейҙар

Ошо көндәрҙә Ишембай районы­ның Йәнырыҫ ауылында тыуып үҫеп, бөгөн Өфө ҡалаһында йәшә­гән ҡәҙерле...

Тотош уҡырға 872

Ҡотлайбыҙ!

Ҡотлайбыҙ! 17.04.2018 // Юбилейҙар

Көйөргәҙе районының Ҡотлоюл ауылында йәшәгән тормош иптәшем, атайыбыҙ, олатайыбыҙ, ҡайныбыҙ...

Тотош уҡырға 847

Ҡотлайбыҙ!

Ҡотлайбыҙ! 11.04.2018 // Юбилейҙар

Рәсәй юғары һө­нәри белем биреүҙең почетлы хеҙмәткәре, Башҡортос­тан­дың атҡаҙанған уҡытыусыһы,...

Тотош уҡырға 881

Ҡотлайым!

Ҡотлайым! 06.04.2018 // Юбилейҙар

Әбйәлил районының Асҡар ауылында йәшәгән хөрмәтле Арсений Рәфҡәт улы Мөхәмәтйә­новты күркәм юбилейы...

Тотош уҡырға 935

Ҡотлайбыҙ!

Ҡотлайбыҙ! 30.03.2018 // Юбилейҙар

Класташыбыҙ, дуҫыбыҙ Ғәйфулла Ғәйнулла улы Хәйруллин үҙенең ғүмер байрамын — 80 йәшен билдәләй. Беҙ...

Тотош уҡырға 770

Ҡот­лайбыҙ!

Ҡот­лайбыҙ! 30.03.2018 // Юбилейҙар

Ҡыйғы районы Алағуз ауылында тыуып үҫеп, хәҙер Өфө ҡалаһында йәшәгән Әлиә Әлимбай ҡыҙы...

Тотош уҡырға 879

Ҡотлайбыҙ

Ҡотлайбыҙ 21.03.2018 // Юбилейҙар

Бөгөн ҡәҙерле кешебеҙ, Мәләүез районының Антоновка ауылында йә­шә­гән әнейебеҙ, өлә­сәйебеҙ Рабиға...

Тотош уҡырға 922