Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Эш урынында табип ярҙамы алыу уңайлы

Хеҙмәткәрҙәрҙең ваҡыты ла, көсө лә сарыфланмай.

Баш ҡаланың ҙур, күп йүнәлешле медицина учреждениеларының береһе булған 13-сө клиник дауахана быйыл 85 йыллыҡ тарихи юбилейын билдәләй. Бөгөн ул – заманса йыһазландырылған, барлыҡ талаптарға яуап биргән, халыҡҡа юғары квалификациялы ярҙам күрһәткән ойошмаларҙың береһе. Баш табип вазифаһы медицина фәндәре докторы Эльза Рәйеф ҡыҙы Сыртлановаға йөкмәтелгән.

Дауахана ҡарамағында тәүлек әйләнәһенә эшләгән, 564 урынға иҫәпләнгән стационар бар, йыл һайын уның бүлектәрендә 15,5 меңдән ашыу кеше дауаланыу үтә, 6,5 мең самаһы пациентҡа төрлө операциялар яһала.

Оториноларингология, гематология, ревматология, травматология һәм ортопедия, акушерлыҡ һәм гинекология йүнәлештәре буйынса юғары технологиялы ярҙам да күрһәтәләр, был йәһәттән йылына 200-ләп операция яһала, күрһәткес арта бара.

Ҡеүәтле һәм ҙур учреждениеның бөгөнгөһө ошондай булһа, уның тарихы ла ҡыҙыҡлы һәм иғтибарға лайыҡ. Эш шунда: бынан күп йылдар элек, Бөйөк Ватан һуғышы башланған осорҙа, Өфөгә Рыбинск ҡалаһынан моторҙар эшләү заводы эвакуацияланған; уның эшсәндәренә медицина ярҙамы күрһәтеү ихтыяжы тыуған. Шулай итеп, предприятиеның медсанчасы бул­дырылған, тап ошо ойошма бөгөнгө 13-сө клиник дауахананың нигеҙе тип иҫәпләнә лә.

Әле лә дауахана Өфө моторҙар берекмәһе эшселәрен тулыһынса хеҙмәтлән­дергән медицина учреждениеһы булып ҡала, әммә элек-электән бында баш ҡаланың Калинин районында йәшәүселәр, шулай уҡ Нуриман һәм Иглин районы халҡы ла беркетелгән (нигеҙҙә, дауаханаға ҡараған травматология үҙәгендә).

Әйтергә кәрәк, үткән быуаттың ҡатмарлы 90-сы йылдарында, унан һуң да Өфө моторҙар берекмәһе ише ҙур предприятиелар иҡтисади проблемаларға бәйле, үҙ инфраструкту­раһынан, шул иҫәптән дауаханаларынан да баш тартты. Артабан иһә, Мотлаҡ медицина страховкалау системаһына күскәндән һуң, илдә яңы тәртип барлыҡҡа килде: предприятие хеҙмәткәрҙәренә медицина хеҙмәте күрһәтеү өсөн тендер иғлан итте. Эшселәр өсөн был ифрат уңайһыҙ күренеш булған, сөнки төрлө йүнәлештәге тикшеренеүҙәрҙе, дауалауҙарҙы төрлө учреждениеларҙа алырға тура килгән, ваҡыт та, көс тә сарыфланған.

Хәҙер иһә заманалар һәм мөмкинлектәр үҙгәрҙе, тип белдерҙеләр предприятиела. Бөгөн 13-сө клиник дауаханаһы менән Өфө моторҙар берекмәһенең хеҙмәттәшлеге тулы күләмдә яңыртылған, предприятиела поликлиника бүлеге асылған, берекмә биләмәһендә 14 һаулыҡ пункты эшләй.

Завод идаралығы менән бер бинала урынлашҡан поликлиникала ете терапевт, тиҫтәгә яҡын тар йүнәлешле медицина белгестәре хеҙмәткәрҙәрҙе ҡабул итә. Эш даирәһе киң: берекмәләге 20 меңләп хеҙмәткәрҙең сәләмәтлеген хәстәрләү, сирҙәрҙе ваҡытында асыҡлау, дөрөҫ дауа тәғәйенләү. Ошо йәһәттән һәр өс йыл һайын берекмә эшсәндәре мотлаҡ диспансерлаштырыу үтә.

Ихтыяж тыуған йылға ҡарап билдәләнә. Цех фельдшерҙары йүнәлтмә бирә һәм хеҙмәткәр тиҫтәләгән табипта тикшерелеү үтә, һаулығының торошон асыҡлай. Әйтергә кәрәк, ауырыуҙарҙы асыҡлау йәһәтенән бындағы күрһәткестәр йәмғиәттәге дөйөм күренештән айырылмай: тәүге урында йөрәк-ҡан тамырҙары сирҙәре тора, икенселә – онкология.

Поликлиника коллективы татыу һәм берҙәм. Бында оҙаҡ йылдар эшләгән төплө белгестәр менән бер рәттән йәштәр ҙә тәжрибә туплай.
Учреждениеның эше тулыһынса яйға һалынған – сират юҡ, һәр ҡайҙа тәртип һәм бөхтәлек. Страховка компанияһы менән тура бәйләнеш булдырылған: кәрәк саҡта пациент поликлиниканан тура унда шылтыратып, һорауҙарына яуап ала.

Һис шикһеҙ, Өфө моторҙар берекмәһенең 13-сө клиник дауаханаһы менән уңышлы хеҙмәттәшлеге башҡа предприятиелар өсөн өлгө, ыңғай тәжрибә булып тора.


Автор: Г. РӘСҮЛЕВА


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Төйәләҫтәр алыҫҡа йөрөмәҫ

Төйәләҫтәр алыҫҡа йөрөмәҫ 30.03.2019 // Социаль мәсьәлә

Сибай ҡалаһының Төйәләҫ ҡасабаһында йыл аҙағында заман талаптарына яуап биргән фельдшер-акушерлыҡ...

Тотош уҡырға 707

Көслө рухлыларҙы йыйҙы "Баһадир"

Көслө рухлыларҙы йыйҙы "Баһадир" 29.03.2019 // Социаль мәсьәлә

Баймаҡтың “Баһадир” физкультура-һауыҡтырыу комплексында һаулыҡ мөмкинлектәре сикләнгән балалар һәм...

Тотош уҡырға 159

“Ахай” өлкәндәрҙе көтә

“Ахай” өлкәндәрҙе көтә 29.03.2019 // Социаль мәсьәлә

Ярҙамға мохтаж ололар, инвалидтар унда яҡлау таба....

Тотош уҡырға 488

Иң яҡшы бүләк – аралашыу

Иң яҡшы бүләк – аралашыу 27.03.2019 // Социаль мәсьәлә

Ишембай районының Петровский ауылындағы балалар йорто тәрбиәләнеүселәре Өфө дәүләт нефть техник...

Тотош уҡырға 144

"Бөгөндән ҡабул итергә әҙербеҙ"

"Бөгөндән ҡабул итергә әҙербеҙ" 27.03.2019 // Социаль мәсьәлә

Ошо көндәрҙә Башҡортостан дәүләт медицина университетынан буласаҡ табиптар эш биреүселәр менән...

Тотош уҡырға 152

Үҙебеҙҙә дауаланһындар тиһәк…

Үҙебеҙҙә дауаланһындар тиһәк… 27.03.2019 // Социаль мәсьәлә

Республика йортонда Башҡортостан Башлығы вазифаһын ваҡытлыса башҡарыусы Радий Хәбиров “Сәләмәтлек...

Тотош уҡырға 125

"Генус" менән килешеү өҙөлә

"Генус" менән килешеү өҙөлә 26.03.2019 // Социаль мәсьәлә

Башҡортостан Хөкүмәте “Генус” шәхси компанияһы менән Салауат бала табыу йортона бәйле концессион...

Тотош уҡырға 147

Ысын дуҫлыҡҡа нигеҙ

Ысын дуҫлыҡҡа нигеҙ 25.03.2019 // Социаль мәсьәлә

Бөрйәндә һаулыҡ мөмкинлектәре сикләнгән һәм ата-әсә ҡарауынан мәхрүм ҡалған балалар өсөн “Бәләкәй...

Тотош уҡырға 126

Каринэ Хәбирова аш-һыу серҙәрен дә асты

Каринэ Хәбирова аш-һыу серҙәрен дә асты 24.03.2019 // Социаль мәсьәлә

Башҡортостан Башлығы вазифаһын башҡарыусы Радий Хәбировтың ҡатыны Каринэ Александровна...

Тотош уҡырға 162

“Иң ҡырҡыу мәсьәлә – табиптар етешмәүе”

“Иң ҡырҡыу мәсьәлә – табиптар етешмәүе” 22.03.2019 // Социаль мәсьәлә

“Рәсәй 24” телеканалына биргән интервьюһында Башҡортостан Башлығы вазифаһын ваҡытлыса башҡарыусы...

Тотош уҡырға 217

Аҙнаһына дүрт көн эшләрҙәрме?

Аҙнаһына дүрт көн эшләрҙәрме? 21.03.2019 // Социаль мәсьәлә

Республикала өс һәм унан күберәк бала тәрбиәләгән әсәләрҙең аҙнаһына дүрт көн эшләй, хеҙмәтен...

Тотош уҡырға 199

Ҡала табиптарының үҙҙәренә лә ярҙам кәрәк

Ҡала табиптарының үҙҙәренә лә ярҙам кәрәк 21.03.2019 // Социаль мәсьәлә

“Һаулыҡ сәғәте”ндә төбәк етәксеһе Радий Хәбиров республиканың ҡала дауаханаларына эшкә барған...

Тотош уҡырға 216