Республикала ишле ғаиләләргә вуздар ҡарамағындағы колледждарҙа балаларҙы уҡытыу хаҡы компенсациялана

Башҡортостан Дәүләт Йыйылышы – Ҡоролтай депутаттары республиканың күп балалы ғаиләләренә дәүләт ярҙамы тураһында законға төҙәтмәләр индерҙе.

Башҡортостан Дәүләт Йыйылышы – Ҡоролтай депутаттары республиканың күп балалы ғаиләләренә дәүләт ярҙамы тураһында законына төҙәтмәләр индерҙе.

Парламент рәйесе Константин Толкачев билдәләүенсә, ишле ғаиләләргә республика техникумдарында һәм колледждарында балаларын көндөҙгө бүлектә уҡытыу хаҡының яртыһы кире ҡайтарыла. Уҡыу йылында бер бала өсөн ғаилә 30 мең һумға тиклем аҡса алырға мөмкин.

Әммә быға тиклем закон юғары уҡыу йорттары ҡарамағындағы колледждарҙа түләп уҡыған студенттарға ҡағылмай ине.

«Беҙ ошо етешһеҙлекте бөтөрҙөк. Хәҙер ошо категорияға ҡараған студенттар ҙа компенсацияға дәғүә итә ала. Республикала бөтәһе ошондай 620 студент иҫәпләнә. Бынан тыш, улар уҙған 2024/25 уҡыу йылы өсөн дә компенсация алырға хоҡуҡлы», — тине Константин Толкачев.

Дәүләт Йыйылышында билдәләүҙәренсә, компенсация өс бәлиғ булмаған бала тәрбиәләгән ғаиләләргә генә түгел, ә 23 йәшкәсә студент балалары булғандарға ла ҡағыла. Никахта торған йәки тулыһынса дәүләт тәьминәтендә булған балалар ғына был хоҡуҡтан файҙалана алмай. 

Бынан алдараҡ «Башинформ» күп балалыларға ипотеканы ҡаплауға түләүҙе 900 мең һумға тиклем арттырыуҙары мөмкин тип хәбәр иткәйне.

https://www.bashinform.ru/news/social/2025-06-30/v-bashkirii-mnogodetnym-kompensiruyut-obuchenie-detey-v-kolledzhah-pri-vuzah-4295031