Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Халыҡ һаулығы – милләт байлығы
Ҡыйғы районының һаулыҡ һаҡлау өлкәһе бер быуатҡа яҡын тарихҡа эйә. Һынылышлы, халыҡ өсөн ауыр 1921 йылда бында тәүге фельдшер-акушерлыҡ пункты асыла. Ике йылдан 50 урынға иҫәпләнгән дауахана эш башлай.

Бөгөн төбәк халҡының сәләмәтлеге һағында үҙ һөнәренең оҫтаһы булып танылған табиптар, шәфҡәт туташтары, фельдшерҙар уяу тора. Район дауаханаһы хирургия, бала табыу, гинекология, балалар, йоғошло ауырыуҙар, терапия бүлексәләрен, дүрт дауалау-диагностика тармағын берләштерә. 300 кешене ҡабул итеүгә иҫәпләнгән поликлиника, ауылдарҙа ике участка дауаханаһы, 25 фельдшер-акушерлыҡ пункты уңышлы эшмәкәрлек итә. Дауалау учреждениеларына йәш белгестәрҙең ҡайтыуы – тармаҡтың киләсәгенең өмөтлө һәм ышаныслы булыуына ишара.

“Ҡайһы саҡта йылы һүҙ ҙә етә...”

Ҡыйғы районы Дүшәмбикә ауылын­дағы фельдшер-акушерлыҡ пункты быйыл йәй файҙаланыуға тапшырылған. Ярты быуат элек төҙөлгән медицина учреждениеһы бығаса иҫке бинала урынлашҡан булған. Яңы ФАП төҙөлөшө “Республика адреслы инвестиция программаһы” ярҙамында тормошҡа ашырылған.

Дүшәмбикә ауылында 660 кеше иҫәпләнә, уларҙың 100-ҙән ашыуы – балалар. Күп урындарҙағы кеүек, был төбәктә лә халыҡтың күпселек өлөшөн хаҡлы ялдағы өлкәндәр тәшкил итә. Ә оло кешене төрлө сир-сырхау һағалап ҡына тора, шуға күрә ауылда яңы фельдшер-акушерлыҡ пункты асылыуға улар айырыуса һөйөнә.

Фельдшер Эльвира Владик ҡыҙы Ғиззәтуллина ФАП мөдире вазифаһын да башҡара. Дөйөм хеҙмәт стажы өс тиҫтә йылға яҡынлаған фельдшер үҙ эшенә ҙур яуаплылыҡ менән ҡарай. Дүшәмбикә урта мәктәбенең VIII класын тамамлағас, Златоуст ҡалаһындағы медицина училищеһында һөнәри белем ала. Әшә, Златоуст ҡалалары дауаханаларында эшләп, тәжрибә туплай Эльвира. 1992 йылда ғаиләһе менән тыуған яҡтарына ҡайтырға ҡарар итәләр.

Эльвира Владик ҡыҙының уң ҡулы, төп ярҙамсыһы – шәфҡәт туташы Алина Урал ҡыҙы Әхмәтова. Яңы тыуған са­быйҙарҙан алып һигеҙенсе-туғыҙынсы тиҫтәһен ваҡлаған ололарға тиклем, йәғни барлыҡ ауыл халҡының сәләмәтлеге өсөн яуаплы булыуын аңлап, эште бер төптән егелеп башҡара аҡ халатлы ханымдар. “Ҡайһы берҙә ке­шенең хәлен еңеләйтергә бер йылы ҡараш, яҡты йөҙ ҙә етә”, – ти хеҙмәткәр­ҙәр. Һәм был, ысынлап та, шулай. Ауыл халҡы ла фельдшер менән шәфҡәт туташының эшенән ҡәнәғәт.

Яңы фельдшер-акушерлыҡ пункты тейешенсә йыһазландырылған. Ул электр менән йылытыла, һыу үткәрел­гән, бер һүҙ менән әйткәндә, заманса шарттар булдырылған. Медицина ҡора­малдары менән тәьмин итеү йәһәтенән Үрге Ҡыйғы үҙәк район дауаханаһы ҙур ярҙам күрһәткән.


Йәштәр тыуған яғына ҡайта

Гөлсиә Ҡазыханова – быйыл ғына Башҡортостан дәүләт медицина универ­ситетын тамамлап, тыуған яғына ҡайт­ҡан йәш белгес. Үҙәк район дауахана­һының балалар поликлиникаһы педиатры булып эшләй.

Ҡолбаҡ ауылында тыуып үҫкән ҡыҙ бала саҡтан аҡ халат кейеп кешеләрҙе дауалау хаҡында хыяллана. Маҡсатына ирешеү өсөн тырышып белем ала, күрше Арыҫлан урта мәктәбен миҙалға тамамлай.

Тыуған районынан маҡсатлы йүнәлтмә буйынса уҡырға ингән ҡыҙ, табиплыҡ дипломына эйә булыу менән, Ҡыйғыға ҡайтып хеҙмәт юлын башлай.
– Шунда уҡ бер бүлмәле фатир бирҙеләр. Эшем оҡшай, бәләкәстәрҙе яратам. Көнөнә 25-30 баланы ҡабул итәм. Тәжрибәле коллегаларымдың ярҙамын тойоу ышаныс өҫтәй, – ти Гөлсиә Фәхретдин ҡыҙы.


Автор: Гөлдәр ЯҠШЫҒОЛОВА әҙерләне
Фото: Айрат Нурмөхәмәтов фотоһы


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Төйәләҫтәр алыҫҡа йөрөмәҫ

Төйәләҫтәр алыҫҡа йөрөмәҫ 30.03.2019 // Социаль мәсьәлә

Сибай ҡалаһының Төйәләҫ ҡасабаһында йыл аҙағында заман талаптарына яуап биргән фельдшер-акушерлыҡ...

Тотош уҡырға 704

Көслө рухлыларҙы йыйҙы "Баһадир"

Көслө рухлыларҙы йыйҙы "Баһадир" 29.03.2019 // Социаль мәсьәлә

Баймаҡтың “Баһадир” физкультура-һауыҡтырыу комплексында һаулыҡ мөмкинлектәре сикләнгән балалар һәм...

Тотош уҡырға 158

“Ахай” өлкәндәрҙе көтә

“Ахай” өлкәндәрҙе көтә 29.03.2019 // Социаль мәсьәлә

Ярҙамға мохтаж ололар, инвалидтар унда яҡлау таба....

Тотош уҡырға 487

Иң яҡшы бүләк – аралашыу

Иң яҡшы бүләк – аралашыу 27.03.2019 // Социаль мәсьәлә

Ишембай районының Петровский ауылындағы балалар йорто тәрбиәләнеүселәре Өфө дәүләт нефть техник...

Тотош уҡырға 143

"Бөгөндән ҡабул итергә әҙербеҙ"

"Бөгөндән ҡабул итергә әҙербеҙ" 27.03.2019 // Социаль мәсьәлә

Ошо көндәрҙә Башҡортостан дәүләт медицина университетынан буласаҡ табиптар эш биреүселәр менән...

Тотош уҡырға 151

Үҙебеҙҙә дауаланһындар тиһәк…

Үҙебеҙҙә дауаланһындар тиһәк… 27.03.2019 // Социаль мәсьәлә

Республика йортонда Башҡортостан Башлығы вазифаһын ваҡытлыса башҡарыусы Радий Хәбиров “Сәләмәтлек...

Тотош уҡырға 124

"Генус" менән килешеү өҙөлә

"Генус" менән килешеү өҙөлә 26.03.2019 // Социаль мәсьәлә

Башҡортостан Хөкүмәте “Генус” шәхси компанияһы менән Салауат бала табыу йортона бәйле концессион...

Тотош уҡырға 146

Ысын дуҫлыҡҡа нигеҙ

Ысын дуҫлыҡҡа нигеҙ 25.03.2019 // Социаль мәсьәлә

Бөрйәндә һаулыҡ мөмкинлектәре сикләнгән һәм ата-әсә ҡарауынан мәхрүм ҡалған балалар өсөн “Бәләкәй...

Тотош уҡырға 124

Каринэ Хәбирова аш-һыу серҙәрен дә асты

Каринэ Хәбирова аш-һыу серҙәрен дә асты 24.03.2019 // Социаль мәсьәлә

Башҡортостан Башлығы вазифаһын башҡарыусы Радий Хәбировтың ҡатыны Каринэ Александровна...

Тотош уҡырға 161

“Иң ҡырҡыу мәсьәлә – табиптар етешмәүе”

“Иң ҡырҡыу мәсьәлә – табиптар етешмәүе” 22.03.2019 // Социаль мәсьәлә

“Рәсәй 24” телеканалына биргән интервьюһында Башҡортостан Башлығы вазифаһын ваҡытлыса башҡарыусы...

Тотош уҡырға 216

Аҙнаһына дүрт көн эшләрҙәрме?

Аҙнаһына дүрт көн эшләрҙәрме? 21.03.2019 // Социаль мәсьәлә

Республикала өс һәм унан күберәк бала тәрбиәләгән әсәләрҙең аҙнаһына дүрт көн эшләй, хеҙмәтен...

Тотош уҡырға 198

Ҡала табиптарының үҙҙәренә лә ярҙам кәрәк

Ҡала табиптарының үҙҙәренә лә ярҙам кәрәк 21.03.2019 // Социаль мәсьәлә

“Һаулыҡ сәғәте”ндә төбәк етәксеһе Радий Хәбиров республиканың ҡала дауаханаларына эшкә барған...

Тотош уҡырға 215