Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Интернетта беҙҙе ниндәй хәүеф һағалай?
Башҡортостан Башлығы вазифаһын ваҡытлыса башҡарыусы Радий Хәбиров мәғлүмәт өлкәһендә граждандарҙың хәүефһеҙлеге мәсьәләләре буйынса кәңәшмә үткәрҙе. Уның эшендә Элемтә, мәғлүмәт технологиялары һәм киң коммуникациялар өлкәһендәге күҙәтеү буйынса федераль хеҙмәт етәксеһе Александр Жаров, ошо йүнәлештәге министрлыҡ һәм ведомство, хоҡуҡ һаҡлау һәм күҙәтеү органдары вәкилдәре ҡатнашты.

Республика етәксеһе Радий Хәбиров берлектәге эш йүнәлештәрен һәм мәғлүмәт киңлеген заманса көйләүҙең төп мәсьәләләрен билдәләне. Александр Жаров әйтеүенсә, Башҡортостанда “Роскомнадзор” менән берлектә закон менән тыйылған мәғлүмәткә эйә интернет-ресурстарҙы асыҡлау һәм ябыу буйынса әүҙем эш ойошторолған. Ул хәүефле ресурстарҙы асыҡлауҙың тәүге этаптарында уҡ бындай мәғлүмәтте оператив юҡ итеү маҡсаты менән ведомство белгестәрен йәлеп итергә кәңәш бирҙе.

— Социаль селтәрҙәр шифрланған трафикты файҙалана. Шуға күрә ҡайһы бер төркөмдәрҙе йәки биттәрҙе тыйыу мөмкин түгел, — тип аңлатты ул. — Беҙ, ҡағиҙә булараҡ, ярамаған мәғлүмәтте алып ташлауға өлгәшәбеҙ. Был — оҙайлы процесс, әммә белгестәребеҙ ярҙамында һөҙөмтәле хәл итәбеҙ.


Уның фекеренсә, тыйылған мәғлүмәтте юҡ итеү буйынса социаль селтәрҙәр менән берлектәге эшмәкәрлек йөҙәрләгән ғүмерҙәрҙе, шул иҫәптән балалар һәм үҫмерҙәр ғүмерен, һаҡлап ҡалырға ярҙам итте.

Кәңәшмәлә ҡатнашыусылар ялған мәғлүмәт таратыуҙы булдырмау буйынса сараларға ла туҡталды.

— Ялған мәғлүмәт уға ҡытлыҡ тыуған ерҙә барлыҡҡа килә, — тип билдәләне Александр Жаров. — Әгәр ҙә дәүләт власы органдарынан, рәсми мәғлүмәт сараларынан ваҡиғалар тураһында мәғлүмәттәр даими килеп тора икән, был — уңыштың нигеҙе. “Роскомнадзор” был тәңгәлдә лә төбәк властарына ярҙам күрһәтә ала, сөнки ул ижтимағи-сәйәси йүнәлешле бөтә киң мәғлүмәт сараларының автоматлаштырылған мониторингын тормошҡа ашыра.

Мәғлүмәт өлкәһендә граждандарҙың хәүефһеҙлеген тәьмин итеүҙә шәхсән мәғлүмәтте һаҡлау бик мөһим, тип билдәләнде кәңәшмәлә. Бөгөн Башҡортостанда 12,5 мең оператор шәхсән мәғлүмәт менән эшләй. Әммә йыш ҡына кешеләр үҙҙәре социаль селтәрҙәрҙә һәм төрлө ресурстарҙа тулы мәғлүмәт урынлаштырып, енәйәткә юл аса. Был йәһәттән айырыуса балалар һәм үҫмерҙәр менән интернетта хәүефһеҙ тәртип буйынса иҫкәртеү эше алып барылырға тейеш.

Бәлиғ булмаған балаларҙы хәүефһеҙ мәғлүмәт менән тәьмин итеү тураһында Башҡортостанда бала хоҡуҡтары буйынса вәкил Милана Скоробогатова һөйләне. Ул балаларҙы интернеттан файҙаланғанда һағалаған төп хәүефтәргә туҡталды.

Шуны ла әйтеп үтәйек, 2018 йылдың ноябрендә республикала балаларҙың мәғлүмәт хәүефһеҙлеген тәьмин итеү концепцияһы раҫланды. Социаль әһәмиәтле ҡайһы бер саралар ҙа үткәрелде. 280 меңдән ашыу бала интернетта берҙәм хәүефһеҙлек дәресен үтте, 53 меңдән ашыу үҫмер һанлы грамоталылыҡ буйынса махсус квеста ҡатнашты. Был йүнәлештә эш артабан да дауам итәсәк әле.


Автор: Д. ҒӘБДРӘХИМОВА
Фото: Олег Яровиков


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Китте... Икмәк, ит етештереүҙе хәстәрләп китте

Китте... Икмәк, ит етештереүҙе хәстәрләп китте 29.03.2019 // Сәйәсәт

Бөгөн Көйөргәҙе район Советы депутаттары хакимиәт башлығы Әхәт Ҡотләхмәтовтың отставкаһын ҡабул...

Тотош уҡырға 200

Медведевтан ярҙам көтәбеҙ

Медведевтан ярҙам көтәбеҙ 29.03.2019 // Сәйәсәт

Башҡортостан парламенты депутаттары социаль туҡланыу, айырыуса мәктәптәрҙә, балалар баҡсаларында...

Тотош уҡырға 157

Дәүләт-хоҡуҡ идаралығын кем етәкләй?

Дәүләт-хоҡуҡ идаралығын кем етәкләй? 28.03.2019 // Сәйәсәт

Башҡортостан Республикаһы Башлығының Дәүләт-хоҡуҡ идаралығы начальнигы итеп Азат Ғәлин...

Тотош уҡырға 162

Идаралыҡта – яңы етәксе

Идаралыҡта – яңы етәксе 28.03.2019 // Сәйәсәт

Искәндәр Әхмәтвәлиев Башҡортостан Башлығының Муниципаль берәмектәр менән эш итеү идаралығы...

Тотош уҡырға 177

Яңы вәкил тәғәйенләнде

Яңы вәкил тәғәйенләнде 28.03.2019 // Сәйәсәт

Башҡортостан Республикаһы Башлығының Дәүләт Йыйылышы – Ҡоролтайҙағы тулы хоҡуҡлы вәкиле итеп...

Тотош уҡырға 156

Хәйҙәр Вәлиев китте

Хәйҙәр Вәлиев китте 28.03.2019 // Сәйәсәт

Бөгөн Башҡортостандың Үҙәк һайлау комиссияһы рәйесе Хәйҙәр Вәлиев ваҡытынан алда вазифаһын бушатты....

Тотош уҡырға 211

Килешеү төҙөлдө

Килешеү төҙөлдө 28.03.2019 // Сәйәсәт

Бешкәктә Башҡортостан Республикаһы Хөкүмәте менән Ҡырғыҙ Республикаһы Хөкүмәте араһында...

Тотош уҡырға 151

Хәбиров, Байғусҡаров, Беляев... тағы кемдәр?

Хәбиров, Байғусҡаров, Беляев... тағы кемдәр? 27.03.2019 // Сәйәсәт

Бөгөн Башҡортостанда “Берҙәм Рәсәй” партияһынан республика Башлығы вазифаһына кандидатуралар тәҡдим...

Тотош уҡырға 229

Йөҙ меңенсе кем?

Йөҙ меңенсе кем? 27.03.2019 // Сәйәсәт

Учалы ҡалаһы “Таусы” хоккей клубының спорт директоры Айрат Нурғәлиевкә “Берҙәм Рәсәй”ҙең...

Тотош уҡырға 174

Киров районы 100 йыллыҡты билдәләне

Киров районы 100 йыллыҡты билдәләне 25.03.2019 // Сәйәсәт

Республикабыҙҙың 100 йыллыҡ юбилейы айҡанлы Башҡортостанда байрам саралары дауам итә....

Тотош уҡырға 203

“Берҙәм Рәсәй”ҙәр кандидат тәҡдим итә

“Берҙәм Рәсәй”ҙәр кандидат тәҡдим итә 25.03.2019 // Сәйәсәт

27 мартта “Берҙәм Рәсәй” партияһы Башҡортостан Республикаһы Башлығы вазифаһына кандидатура тәҡдим...

Тотош уҡырға 165

Республикабыҙ 278 Советтар Союзы Геройын үҫтергән

Республикабыҙ 278 Советтар Союзы Геройын үҫтергән 23.03.2019 // Сәйәсәт

Байрам уңайынан тантаналы йыйылыштағы сығышында Башҡортостан етәксеһе Радий Хәбиров бер быуатлыҡ...

Тотош уҡырға 183