Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Мин һеҙгә ярҙам итергә килдем”
Йәрмәкәй районының Спартак ауылында Радий Фәрит улы ауыл Советы етәкселеге, урындағы халыҡ менән осрашты, биләмәне үҫте­реү, яҡтыртыу, 1 ғинуарҙан ҡалдыҡтар менән эш итеүҙең яңы системаһына күсеү мәсьәләләрен тикшерҙе.

Ауыл Советы башлығы Флүзә Ғәфү­рова әйтеүенсә, ун йылдан ашыу инде ауыл урамдарынан һәм күп фатирлы йорттарҙан сүп-сарҙы ситкә торлаҡ милекселәре ширҡәте машинаһы сығара. Әле ауылда рөхсәтһеҙ асылған сүплек бөтөрөлгән, 41 металл контейнер ҡуйыл­ған. Хәҙер сүп-сар махсус полигонға оҙатыласаҡ.

— Беҙҙә сүп-сарҙы ситкә сығарыуға тарифтар Волга буйы федераль округында иң түбәне һәм Рәсәйҙә лә иң түбәндәрҙең береһе. Өҫтәүенә беҙҙә байтаҡ ташламалар ҙа бар, — тине Радий Хәбиров. — Ҡалдыҡтарҙы йыйыу­ҙың һөҙөмтәле системаһын булдырма­һаҡ, рөхсәтһеҙ сүплектәр барлыҡҡа килеүе дауам итәсәк. Беҙ быны тәү сиратта туҡтатырға тейешбеҙ. Икенсе аҙым — сүп-сарҙы айырым йыйыу. Ҡасан да булһа ошо системаға ла күсәсәкбеҙ. Беҙ республикала таҙа булыуын теләйбеҙ.

Республика етәксеһе менән осрашыу барышында урындағы халыҡ ауыл врач амбулаторияһында ремонт яһарға кәрәклеген билдәләне. Радий Хәбиров медицина хеҙмәткәрҙәре менән аралашты, дарыуҙар, ҡорамалдар тәьминәте, пациенттарҙы ҡабул итеү менән ҡыҙыҡһынды.
Ялан-Шишмә ауылында Радий Хәби­ров халыҡ менән юл-транспорт һәм социаль инфраструктураны үҫтереү мәсьә­ләләрен тикшерҙе.
Әйтеүҙәренсә, урындағы мәктәп һәм клуб төҙөклән­дереүгә мохтаж. Белем усағы 1940 —1960 йылдарҙа һалынған биш ағас бинала урынлашҡан. Әле бында 31 бала белем ала. Шул уҡ ваҡытта мәктәп йәшендәгеләр һаны әкренләп арта.

Ауыл клубы ла 1936 йылда төҙөлгән ағас бинала урынлашҡан. Ялан-Шишмә халҡы әйтеүенсә, ҡыш бында бик һыуыҡ, шуға күрә ижади коллективтарҙың репетицияларын, түңәрәктәрҙе үткәреү ҡыйынға төшә.

Район хакимиәте әле клубты ҡулай­лаштырылған бүтән бинаға күсереү мәсьәләһен ҡарай. Әммә халыҡ ауылда мәктәпте лә, балалар баҡсаһын да, мәҙәниәт йортон да үҙ эсенә алған күп функциялы мәҙәни үҙәк төҙөргә тәҡдим итә.

Радий Хәбиров район хакимиәте башлығына ауыл халҡы йыйылышын ойоштороп, иң ҡулай алымды билдәләргә ҡушты. Йыйылыш протоколы нигеҙендә бюджеттан аҡса бүлеү тураһында ҡарар ҡабул ителәсәк.

Ошонда уҡ төбәк етәксеһе өр-яңы фельдшер-акушерлыҡ пунктында булды. 70 квадрат метрлыҡ майҙанды үҙ эсенә алған кирбес бина күптән түгел сафҡа индерелгән. Фельдшер Елена Петрова ФАП-тың 120 кешене хеҙмәтләндереүе тураһында һөйләне. Радий Хәбиров рецептар һәм ауырығанлыҡ ҡағыҙҙарын тултырыу мөмкинлеге менән ҡыҙыҡ­һынды. Ул шулай уҡ инвесторҙар менән 2800 баш һыйыр малына иҫәпләнгән малсылыҡ комплексын төҙөү проектын тормошҡа ашырыу барышын тикшерҙе.

Эш сәфәрендә Радий Хәбиров Йәрмәкәй өлкән­дәрҙе һәм инвалид­тарҙы со­циаль һәм стационар хеҙ­мәт­ләндереү бүлексәһендә булды. Әле бында ете райондан 24 кеше йәшәй. Төбәк етәксеһе социаль учреждениела йәшәү шарттары менән танышты, медицина хеҙмәтлән­дереүе, туҡланыу мәсьәләләрен тикшерҙе.

Төбәк етәксеһе шулай уҡ Йәрмәкәй ауылында өр-яңы физкультура-һа­уыҡ­тырыу комплексын асыу танта­наһында ҡатнашты. Объект Башҡорт­остан менән “Роснефть” араһын­дағы хеҙмәттәшлек тура­һын­дағы килешеү нигеҙен­дә “Башнефть” компания­һының хәйриә аҡсаһына төҙөлгән. Комплекстың хаҡы — 164 миллион һум. Майҙаны 2971,5 квадрат метр тәшкил иткән спорт комплексы 2015 йылда һалына башлаған. 25 метрлыҡ бассейндан тыш, теннис, волейбол, баскетбол һәм мини футбол ме­нән шөғөлләнеү өсөн универсаль спорт залы, бокс һәм тренажерҙар залы бар.

* * *

Балаҡатай районына эш сәфәрендә Башҡортостан Башлығы вазифаһын ваҡытлыса башҡарыусы Радий Хәбиров ауыл клубында муниципалитет хал­ҡы менән осрашты. Улар тө­бәк етәксеһенә көнүҙәк мәсьә­ләләр хаҡында һөйләне.

Осрашыуҙа дарыуҙар тәьминәте, һаулыҡ йәһә­тенән мөм­кинлеге сиклән­гән кешеләр өсөн медицина хеҙмәте күр­һәтеү, транспорт һәм юл инфраструк­тураһын үҫте­реү, күп функциялы үҙәк­тең, урман хужалығының эшен ойоштороу темалары күтәрелде. Радий Хәбиров 15 ғинуарҙа халыҡ менән осрашыу, хәлде өйрәнеү, эште яйға һалыу өсөн муниципа­литетҡа Һаулыҡ һаҡлау министрлығы, “Башавтотранс” һәм күп функциялы үҙәк етәкселәрен ебәрәсәге тураһында хәбәр итте.

Урғалы ауыл участка дауахана­һына капиталь ремонт яһау йәки яңы бина төҙөү мәсьәләһенә килгән­дә, Радий Хәбиров һуңғы ҡарар ауыл халҡы йыйынында ҡабул ителергә тейеш тип билдәләне. Республика иһә ҡаҙнанан аҡса бүлергә әҙер.

Бынан тыш, 2020 йылда муници­палитеттың бер нисә ауылын тоташтырыу мөмкинлеген биргән 12 саҡрымлыҡ юл һалырға ҡарар ителде.
Республика етәксеһе менән аралашҡанда урын­дағы халыҡ бассейн кәрәк­леге тураһында белдерҙе. Радий Хәбиров 2020 йылда тейешле проект әҙерләү, ә 2021—2022 йылдарҙа муниципалитет халҡы өсөн мөһим спорт объектын төҙөү бурысын йөкмәтте.

— Көсөмдән килгәндең барыһын да мотлаҡ эшлә­йәсәкмен. Ә көс-ҡеүәтем етерлек. Мин бында эшләр­гә һәм һеҙгә ярҙам итергә килдем. Тор­мошоғоҙҙо яҡ­шыртыу менән шөғөл­ләнә­сәкмен. Йортоғоҙҙа — йы­лылыҡ, газ, йылы һыу, урам­дарығыҙ тәртиптә, яҡ­ты булһын. Балалар баҡса­лары, поликлиникалар, мәк­тәптәр, ФАП-тар төҙөлһөн, — тине төбәк етәксеһе. — Яңы йылға яҡшы кәйеф менән аяҡ баҫайыҡ!


Автор: Л. ХӘСӘНОВА


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Китте... Икмәк, ит етештереүҙе хәстәрләп китте

Китте... Икмәк, ит етештереүҙе хәстәрләп китте 29.03.2019 // Сәйәсәт

Бөгөн Көйөргәҙе район Советы депутаттары хакимиәт башлығы Әхәт Ҡотләхмәтовтың отставкаһын ҡабул...

Тотош уҡырға 200

Медведевтан ярҙам көтәбеҙ

Медведевтан ярҙам көтәбеҙ 29.03.2019 // Сәйәсәт

Башҡортостан парламенты депутаттары социаль туҡланыу, айырыуса мәктәптәрҙә, балалар баҡсаларында...

Тотош уҡырға 157

Дәүләт-хоҡуҡ идаралығын кем етәкләй?

Дәүләт-хоҡуҡ идаралығын кем етәкләй? 28.03.2019 // Сәйәсәт

Башҡортостан Республикаһы Башлығының Дәүләт-хоҡуҡ идаралығы начальнигы итеп Азат Ғәлин...

Тотош уҡырға 162

Идаралыҡта – яңы етәксе

Идаралыҡта – яңы етәксе 28.03.2019 // Сәйәсәт

Искәндәр Әхмәтвәлиев Башҡортостан Башлығының Муниципаль берәмектәр менән эш итеү идаралығы...

Тотош уҡырға 177

Яңы вәкил тәғәйенләнде

Яңы вәкил тәғәйенләнде 28.03.2019 // Сәйәсәт

Башҡортостан Республикаһы Башлығының Дәүләт Йыйылышы – Ҡоролтайҙағы тулы хоҡуҡлы вәкиле итеп...

Тотош уҡырға 156

Хәйҙәр Вәлиев китте

Хәйҙәр Вәлиев китте 28.03.2019 // Сәйәсәт

Бөгөн Башҡортостандың Үҙәк һайлау комиссияһы рәйесе Хәйҙәр Вәлиев ваҡытынан алда вазифаһын бушатты....

Тотош уҡырға 211

Килешеү төҙөлдө

Килешеү төҙөлдө 28.03.2019 // Сәйәсәт

Бешкәктә Башҡортостан Республикаһы Хөкүмәте менән Ҡырғыҙ Республикаһы Хөкүмәте араһында...

Тотош уҡырға 152

Хәбиров, Байғусҡаров, Беляев... тағы кемдәр?

Хәбиров, Байғусҡаров, Беляев... тағы кемдәр? 27.03.2019 // Сәйәсәт

Бөгөн Башҡортостанда “Берҙәм Рәсәй” партияһынан республика Башлығы вазифаһына кандидатуралар тәҡдим...

Тотош уҡырға 229

Йөҙ меңенсе кем?

Йөҙ меңенсе кем? 27.03.2019 // Сәйәсәт

Учалы ҡалаһы “Таусы” хоккей клубының спорт директоры Айрат Нурғәлиевкә “Берҙәм Рәсәй”ҙең...

Тотош уҡырға 174

Киров районы 100 йыллыҡты билдәләне

Киров районы 100 йыллыҡты билдәләне 25.03.2019 // Сәйәсәт

Республикабыҙҙың 100 йыллыҡ юбилейы айҡанлы Башҡортостанда байрам саралары дауам итә....

Тотош уҡырға 204

“Берҙәм Рәсәй”ҙәр кандидат тәҡдим итә

“Берҙәм Рәсәй”ҙәр кандидат тәҡдим итә 25.03.2019 // Сәйәсәт

27 мартта “Берҙәм Рәсәй” партияһы Башҡортостан Республикаһы Башлығы вазифаһына кандидатура тәҡдим...

Тотош уҡырға 166

Республикабыҙ 278 Советтар Союзы Геройын үҫтергән

Республикабыҙ 278 Советтар Союзы Геройын үҫтергән 23.03.2019 // Сәйәсәт

Байрам уңайынан тантаналы йыйылыштағы сығышында Башҡортостан етәксеһе Радий Хәбиров бер быуатлыҡ...

Тотош уҡырға 183