Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » 90 йәшлек олатайҙың шатлығы
90 йәшлек олатайҙың шатлығыГәзит уҡыусыларыбыҙ менән бәйләнеш һис кенә лә өҙөлмәй, киреһенсә, нығына ғына. Юҡҡа ғына матбуғат тураһында, дуҫлыҡ күпере ролен үтәүсе, тимәйҙәр. Эйе, шулай һөйөнсөләргә сәбәптәр етерлек. Мәҫәлән, “2018 йылдың беренсе яртыһына гәзиткә яҙылып, квитанция күсермәһен редакцияға ебәреүселәр бүләк отасаҡ” тип хәбәр итеп тә өлгөрмәнек, хаттар яуа башламаһынмы! Ошо бәләкәй генә миҫал, ысынлап та, фекерҙәштәребеҙҙең күбәйеүен дәлилләй. Күптән түгел еңеүселәрҙе асыҡланыҡ.

Бүләген редакциябыҙға килеп ҡу­лына алған Рәшит олатай Фәйзул­линға һоҡланмау мөмкин түгел. Олатай тим, сөнки ҡәҙерле ҡунағыбыҙға – 90 йәш. Иң шатландырғаны – үҙ аҡы­лында һәм үҙ аяғында. Ҡайҙан килеп еткән бит әле, батырыбыҙҙың тыуған төйәге Салауат районынан!
– Борон уҡытыусыларҙы йүнәлтмә нигеҙендә эшкә ебәреү киң таралғайны, – тип башланы һүҙен Рәшит Хужәхмәт улы. – Өлөшөңә төшкән көмөшөң тигән­дәй, беҙгә ялан яҡтарын барып күреү бә­хете тейҙе. Кәлә­шем Сай­мә Харис ҡыҙы менән Көйөргәҙе районының Мораптал мәктәбендә эш башланыҡ. Йәш саҡ – дәрт-дарман ташып торған саҡ. Дәрестәр биреү менән генә сикләнмәнек, ә мәктәп, хатта ауыл һәм район тормошондағы төрлө сара­лар­ҙа ла әүҙем ҡатнаштыҡ. Алмаш кон­церттар ҡуйыу, спектаклдәр әҙерләү, өмәләргә сығыу... Бер һүҙ менән әйткәндә, күңелле йәшәнек.
Фәйзуллиндар был тарафтарҙа оҙаҡ тотҡарланмай, ни тиһәң дә, тыуып үҫкән яҡтар магниттай үҙенә тарта. Дала яҡтарының үҙ матурлығы, таулы-урман­лы төбәк үҙенсә хозур, тиҙәр. Йәштәр Салауат районының Арҡауыл ауылына (әйткәндәй, икеһе лә ошонан) ҡайтып нигеҙ ҡора, артабан белем таратыуҙы дауам итә.
– Бая үткән быуаттың 50-се йылдары тип тиккә һүҙ ебен тағата башламаным, – тип дауам итә хәбәрен әңгәмәсем. – Бына шунан бирле “Башҡортостан” гәзитенән айырылғаным юҡ. Уйынлы-ысынлы әйткәндә, Таймаҫ “Башҡортос­тан” менән айырылмаҫ дуҫ яһаны. Имеш, уҡытыусы исемен йөрөт тә ва­ҡытлы матбуғатты алдырма. Бүтәндәр араһында төп башҡорт баҫмаһы иң мөһим урынды биләне, әле лә шулай.
Ауылда йәшәп тә район гәзитен алдырма­ғандарға аптырауын йәшер­мәне ул. Башҡорт­останыбыҙҙың йөрәк тибешен тойомлау өсөн республика баҫмаларына яҙылыу отошло икәненә лә баҫым яһаны.
Өлкән кеше өлкән инде, улай ғына­мы, тәжрибәле лә. Рәшит олатай ваҡыт­лы матбуғат баҫмаларына яҙылыуҙы, ғөмүмән, китап уҡыуҙы һәм белем эстәү­ҙе бик кәрәкле тип иҫәпләй. Бар­маҡ­тарын бөгөп, бының файҙаһын аңлатып биреүҙе һәм һанап сығыуҙы урынлы тапты.
– Беренсенән, әҙәм балаһы фекер йөрөтөүҙән һәм уҡыуҙан туҡтаһа, йәшәйештең ҡыҙығы ла ҡалмаҫ ине, – ти ул. – Әхлаҡилыҡ, тәрбиә мәсьәлә­ләре, ғилемгә ынтылыш, рухи ҡиммәт­тәр кеүек уйландырырлыҡ мәҡәләләр әҙерләп баҫтырған хәбәрселәргә маҡ­тауҙан башҡа ни әйтәһең?! Һәр береһе яҡтылыҡҡа һәм яҡшылыҡҡа саҡыра. Әле тәүге биттәге “Ҡыҫҡаһы...” рубрика­һындағы уйландырғыс яҙмаларҙы көтөп алам, бик ҡыҙыҡһынып уҡыйым, хатта танышһындар өсөн күршеләремә алып инәм. Минән күрмәксе, уларҙың да гә­зиттәргә яҙылыуын ишетеп, ныҡ шатландым. Икенсенән, нәҡ һеҙҙең гәзиттә тыуған яғым Салауат районы тураһын­да баҫылған һүрәтлә­мәләрҙе көтөп алам, шундай һандарҙың һәр береһе кәштәм түрендә урын алған. Ысынлап та, серле Иҙрис һәм Лаҡлы мәмерйә­ләре, көмөштәй Йүрүҙән, мул һыулы Әй йылғалары, мөғжизәгә тиң Урал һәм Ҡаратау һырттары, Янғантау тәби­ғәт ҡомартҡыһы, Ҡорғаҙаҡ шишмәһе кемдәрҙе генә үҙенә тартмағандыр – ошолар тураһында яҙыусыларға рәхмәт һүҙҙәремде еткерәм. Шул уҡ ваҡытта ауылдар тарихын, ауыл кешеләре тормошон йыш яҡтыртыу ябай халыҡҡа яҡын икәнлегегеҙҙе күрһәтә.
Рәшит олатай тағы ла шәжәрә байрамдарын, нәҫел ептәрен барлауға бағышланған сараларҙан репортаждар­ҙы йышыраҡ биреү яҡлы.
– Сәйнүгемде яңыртырға ғына уйлай инем, ҡайһылай шәп булды, – тип һөйөнә олатай, бүләге менән маҡтанып. – “Башҡортостан”ды уҡый-уҡый сәй эсермен инде бынан ары.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 731

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 736

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 876

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 1 029

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 866

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 831

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 848

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 1 112

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 150

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 264

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 242

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 218