Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Көслө рухлы әсәй
Көслө рухлы әсәй Ҡәҙерле әсәй, яратҡан өләсәй, ихтирамға лайыҡ уҡытыусы, ауылдаштары араһында хөрмәт ҡаҙанған коллегам Тәслимә Рәхимова тураһында әйтер һүҙем.
Тәслимә Харис ҡыҙы Баймаҡ райо­нының Ниғәмәт ауылынан. Ғаиләлә иң кесе булһа ла, бәләкәйҙән уңған, тырыш һәм нескә күңелле булып үҫә ул.
Уҡыу алдынғыһы, пионер ойошма­һы­ның әүҙем ағзаһы булған Тәслимә Рә­химова уҡытыусы һөнәрен яҡын күрә. Ләкин сығарылыш йылында район кимә­лендәге олимпиадала физика фәненән еңеү яулауы уның киләсәк һөнәрен билдәләй. Ул Өфө авиация дәүләт техник университетына уҡырға инә һәм уны уңышлы тамамлай. Йүнәлтмә буйынса Күмертау ҡалаһына эшкә ебәрелә. Хеҙмәт юлын инженер булып башлай. Тырыш, булдыҡлы йәш белгесте үҙ итәләр, шулай ҙа тыуған тупраҡ үҙенә тарта. Был ваҡытта тормошҡа сыҡҡан, улы Ринатҡа әсәй бу­лырға өлгөргән Тәслимә Харис ҡыҙы ғаиләһе менән ауылға ҡайта һәм Салауат исемендәге колхозда инженер булып эшкә урынлаша. Тормоштарын йәмләп ҡыҙы Әлсимә тыуа. Һынауҙар һәм юғалтыуҙар ҙа була. Бер-бер артлы тормош иптәше Рәфил һәм бергә йәшәгән ҡәйнәһе үлеп киткәс тә ул тормош ауырлыҡтарына би­решмәй. Балаларын яңғыҙ тәрбиәләй, ныҡлы белем биреү, һау-сәләмәт, бәхетле итеү өсөн тырыша.



Шулай ҙа күңел талабымы, үҙгәртеп ҡороуҙар шауҡымымы Тәслимә Харис ҡыҙын яратҡан һөнәренә яҡынайта. Ул Сибай пединститутының тарих факультетына уҡырға инә һәм уҡытыусы булып китә. Был һөнәргә һөйөүҙе, оло-кесеһенә ихтирамлы булырға уны тәүге уҡытыусыһы Рәүилә Усманова уятҡандыр. Шуғалыр ҙа һәр йыл һайын уға онотмай сәскәләр гөлләмәһе бүләк итә, байрам менән ҡотлай. “Мәктәпкә эшкә килгәс кенә яратҡан һөнәремдән тайпылып, күпме ҡәҙерле ваҡытымды юғалтҡанымды аңланым”, – ти ул.
Хәҙерге көндә ул – юғары категориялы уҡы­тыусы, уҡыу-уҡытыу эштәре буйынса директор урынбаҫары. Уҡытыусының тырышлығы, һәләтле балаларға ныҡлы иғтибар бүлеүе, предметына ҡыҙыҡ­һыныу уята алыуы тураһында уның уңыштары һөйләй. Тәслимә Харис ҡыҙының уҡыусылары Бөтә Рәсәй олимпиадаһының төбәк этабында, ғилми-тикшеренеү эштәрендә уңыштар яулай. Өҫтәүенә йәмәғәт тормошонда ла әүҙем ҡатнаша. Ҡатын-ҡыҙҙар советы рәйесе була­раҡ төрлө саралар үткәрә. Ни сәсһәң, шуны урырһың, ти халыҡ. Балалары ла тәрбиәле, юғары белемле, әсәһенән өлгө алып, уны хөрмәт итеп йәшәйҙәр. Улы Ринат табип һөнәрен һайлаған, ғаиләһе менән Мораҡта йәшәй, ике бала атаһы. Ҡыҙы Әлсимә кейәүе менән Өфө ҡалаһында йә­шәй, программист. Балала­рын дәртләндерә белгән, терәк-таяныс булған әсәй, хөрмәтле өләсәй булыуы менән бәхетле ул. Балалары оло тормошҡа лайыҡлы аяҡ баҫһа ла, уларҙы хәстәрләп, кәңәштәре менән ярҙам итеп йәшәй. Бөтә ерҙә лә өлгөр, йор һүҙле, шиғри күңелле ижади кеше ул.
2015 йылда шағирә Йомабикә Ильясова призына үткәрелгән “Рухымдың аҡ ҡошо” исемле бәйгелә әүҙем ҡатнаша, дипломға лайыҡ була. Бөйөк Еңеүҙең 70 йыллығына арналған республика күләмендәге шиғри бәйгелә ҡатнашып өсөнсө урынға сығып, 2016 йылда “Башҡортостан ҡыҙы” журналы үткәргән “Әсә йөрәге” шиғри бәйгеһендә икенсе урын алып, диплом менән бүләкләнеүе лә уның көслө рухлы, уңған әсәй булыуы тураһында һөйләй.
Эйе, ошондай көслө рухлы, тыуған еренә хеҙмәт иткән, ғөрөф-ғәҙәттәрен киләһе быуынға өйрәткән ҡатын-ҡыҙҙарыбыҙ, әсәйҙәребеҙ булғанда, халҡым, телем юғалмаҫ, сөнки һәр кем донъя­лыҡтың бар матурлығын әсәй аша күрә. Нәҡ ул тәү башлап илһөйәрлек тойғоһо тәрбиәләй, лайыҡлы алмаш ҡалдырып, кешелек алдында әсәлек бурысын үтәй.

Нәүилә АЛТЫНҒУЖИНА,
башҡорт теле һәм әҙәбиәте уҡытыусыһы.


Баймаҡ районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 1 237

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 970

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 1 161

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 1 268

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 1 085

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 1 276

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 1 062

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 1 349

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 372

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 309

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 319

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 263